Псалом

89 Ӕнустӕм зардзынӕн Йегъовӕйы ӕнувыд уарзты тыххӕй+.

Фӕлтӕрӕй-фӕлтӕрмӕ дзурдзынӕн дӕ иузӕрдиондзинады тыххӕй+.

 2 Ӕз загътон: «Ӕнувыд уарзт фидар лӕудзӕн ӕнустӕм+.

Уӕлӕрвты ӕрфидар кодтай дӕ иузӕрдиондзинад»+.

 3 Ды загътай: «Ӕз скодтон бадзырд ме ’взӕрст адӕймагимӕ+.

Мӕ лӕггадгӕнӕг Давидӕн расомы кодтон+:

 4 „Ӕз афтӕ бакӕндзынӕн, ӕмӕ дӕ байзӕддаг уыдзӕн ӕнустӕм+,

Дӕ паддзахбадӕн+ дын сфидар кӕндзынӕн ӕмӕ лӕудзӕн фӕлтӕрӕй-фӕлтӕрмӕ“». (Села́)

 5 Уӕлӕрвтӕ ӕппӕлдзысты дӕ диссаджы хъуыддӕгтӕй, о Йегъовӕ+,

Ӕмӕ дӕ иузӕрдиондзинадӕй – сыгъдӕджыты ӕмбырды.

 6 Уӕлӕрвты кӕй ис Йегъовӕимӕ абарӕн?+

Хуыцауы фыртты ’хсӕн чи у Йегъовӕйы хуызӕн?+

 7 Хуыцауы нымайӕнт, ӕввахс ӕм чи у, уыцы сыгъдӕджытӕ+.

Уый у кадджын ӕмӕ, йӕ алыварс чи ис, уыдонӕй се ’ппӕтӕй тынгдӕр ӕфтауы тас+.

 8 О Йегъовӕ, ӕфсӕдты Хуыцау+,

Дӕу хуызӕн стыр тыхы хицау чи у, о Йагъ?+

Ды алкӕддӕр дӕ иузӕрдион+.

 9 Дӕуӕн дӕ бар цӕуы абухгӕ денджызыл+,

Йӕ уылӕнтӕ хӕрдмӕ куы сисы, уӕд сӕ ныссабыр кӕныс+.

10 Раавы+ ныппырх кодтай, чи фӕмард, уыйау ӕй фӕкодтай+.

Дӕ цонджы хъаруйӕ алырдӕмты ныххӕлиу кодтай де знӕгты+.

11 Дӕу сты уӕлӕрвтӕ+, ӕмӕ зӕхх дӕр дӕу у+.

Зӕхх ӕмӕ йыл цыдӕриддӕр ис+, уыдон ды скодтай+.

12 Цӕгат ӕмӕ хуссар ды сфӕлдыстай+,

Фавор+ ӕмӕ Ермон+ фырцинӕй зарынц ӕмӕ дын дӕ ном кадджын кӕнынц+.

13 Дӕ цонг у хъомысджын+,

Дӕ къух – фидар+,

Дӕ рахиз къух – бӕрзонд+.

14 Дӕ паддзахбадӕн лӕууы рӕстдзинадыл ӕмӕ раст тӕрхоныл+.

Ӕнувыд уарзт ӕмӕ иузӕрдиондзинад* сты дӕ цӕсгомы раз+.

15 Амондджын сты, цины хъӕр цы у, уый чи зоны, уыцы адӕм+.

О Йегъовӕ, уыдон цӕуынц дӕ цӕсгомы рухсы+.

16 Ӕнӕхъӕн бон дӕ ном у сӕ цин+.

Дӕ рӕстдзинад сӕ сбӕрзонд кодта+.

17 Уымӕн ӕмӕ ды дӕ сӕ хъаруйы фидыц+,

Дӕ хорзӕхы фӕрцы сбӕрзонд нӕ сыкъа+.

18 Нӕ уарт у Йегъовӕйӕ+,

Ӕмӕ нӕ паддзах дӕр у Израилы Сыгъдӕг Хуыцауӕй+.

19 Уыцы рӕстӕджы цӕстылуайӕны дзырдтай дӕ иузӕрдион лӕггадгӕнджытимӕ+

Ӕмӕ сын загътай:

«Ӕз ме ’ххуысӕй бахай кодтон тыхджынгуырдӕн+,

Сбӕрзонд кодтон, адӕмы ’хсӕнӕй ӕвзӕрст чи у, уый+.

20 Ӕз ссардтон Давиды, мӕ лӕггадгӕнӕджы+,

Байсӕрстон ӕй мӕ сыгъдӕг сойӕ+.

21 Мӕ къух уыдзӕн йемӕ, мӕ къух уыдзӕн фидар+,

Мӕ цонг дзы хъару бауадздзӕн+.

22 Знӕгтӕй йӕ ничи стигъдзӕн+,

Ӕмӕ йӕ фыдгӕнӕг не ссӕнддзӕн+.

23 Ӕз ын йе знӕгты йӕ разы ныппырх кодтон+,

Ныццагътон, йе сӕфт дзы чи уыдта, уыдоны+.

24 Мӕ иузӕрдиондзинад ӕмӕ ме ’нувыд уарзт сты йемӕ+,

Ӕмӕ мӕ номы фӕрцы сбӕрзонд йӕ сыкъа+.

25 Йӕ къух ын ӕрӕвӕрдтон денджызыл+,

Ӕмӕ цӕугӕдӕттыл – йӕ рахиз къух+.

26 Уый мӕм сиды: „Ды дӕ мӕ Фыд+,

Мӕ Хуыцау+ ӕмӕ мӕ ирвӕзындзинады Къӕдзӕх“+.

27 Ӕз ӕй сӕвӕрдзынӕн хистӕр фырты бынаты+,

Сӕвӕрдзынӕн ӕй зӕххон паддзӕхтӕй се ’ппӕтӕй уӕлдӕр+.

28 Ӕнустӕм ӕй уарздзынӕн ӕнувыд уарзтӕй+,

Ӕмӕ йемӕ цы бадзырд скодтон, уый никуы фехалдзынӕн+.

29 Ӕз афтӕ бакӕндзынӕн, ӕмӕ йӕ байзӕддаг уыдзӕн ӕнустӕм+,

Йӕ паддзахбадӕн лӕудзӕн, уӕлӕрвтӕ цалынмӕ уой, уӕдмӕ+.

30 Йӕ фырттӕ мын мӕ закъоныл сӕ къух куы сисой+

Ӕмӕ мӕ тӕрхӕттӕм гӕсгӕ куы нал цӕрой+,

31 Мӕ уагӕвӕрдтӕ мын куы фехалой

Ӕмӕ мын мӕ фӕдзӕхстытӕ куы не ’ххӕст кӕной,

32 Уӕд сӕ ӕз дзуапп ӕрдомдзынӕн сӕ фыдракӕндты тыххӕй ӕмӕ сӕ бафхӕрдзынӕн лӕдзӕгӕй+,

Сӕ тӕригъӕдты тыххӕй сыл сӕмбӕлдзӕн цӕфтӕ+.

33 Фӕлӕ йӕ ме ’нувыд уарзтӕй ӕнӕхай нӕ фӕкӕндзынӕн+

Ӕмӕ йыл мӕ зӕрдӕ нӕ сивдзынӕн+.

34 Ӕз мӕ бадзырд нӕ фехалдзынӕн+

Ӕмӕ мӕ дзыхӕй цы ныхас рацыд, уый нӕ аивдзынӕн+.

35 Ӕз иухатт расомы кодтон мӕ сыгъдӕгдзинадӕй+,

Давидӕн мӕнг нӕ зӕгъын+.

36 Йӕ байзӕддаг уыдзӕн ӕнустӕм+,

Ӕмӕ йӕ паддзахбадӕн мӕ разы лӕудзӕн, хур цалынмӕ уа, уӕдмӕ+.

37 Ӕнустӕм фидар ӕвӕрд ӕрцӕудзӕн мӕйы хуызӕн –

Арвыл ӕууӕнкджын ӕвдисӕны хуызӕн». (Села́)

38 Фӕлӕ йӕ ды дӕхицӕй аппӕрстай ӕмӕ йыл ӕлгъ кӕныс+,

Дӕ маст ссыгъд дӕ сӕрст лӕггадгӕнӕгмӕ+.

39 Дӕ лӕггадгӕнӕгимӕ цы бадзырд скодтай, уый ницӕмӕ ӕрдардтай,

Йӕ кадыхуд ын фегад кодтай – зӕхмӕ йӕ фехстай+.

40 Фехӕлдтай йын йӕ дурӕй конд фысдӕттӕ+,

Йӕ фидӕрттӕ йын ныппырх кодтай+.

41 Йӕ рӕзты чи фӕцӕйцӕуы, уыдон ӕй иууылдӕр стигъынц+,

Йӕ сыхӕгтӕн сси фидиссаг+.

42 Ды бӕрзонд систай йӕ фыдгулты рахиз къух+,

Афтӕ бакодтай, ӕмӕ йе знӕгтӕ иууылдӕр цин кӕнынц+.

43 Уымӕй уӕлдай, дӕхӕдӕг ногӕй цӕуыс йӕ ныхмӕ ӕмӕ йӕ хъамайы ныхмӕ+,

Ӕмӕ йын тохы уӕлахиз нӕ дӕттыс+.

44 Ды йын байстай йӕ кад+,

Ӕмӕ йын йӕ паддзахбадӕн зӕхмӕ ӕрӕппӕрстай+.

45 Йе ’рыгон бонтӕ йын фӕцыбыр кодтай,

Худинаг ыл уӕлӕдарӕсау скодтай+. (Села́)

46 О Йегъовӕ, кӕдмӕ ӕмбӕхсдзынӕ дӕхи? Цӕрӕнбонтӕм?+

Дӕ маст артау кӕдмӕ судздзӕн?+

47 Ӕрхъуыды кӕн, цы сты мӕ царды бонтӕ+.

Ау, адӕймаджы фыртты се ’ппӕты дӕр дзӕгъӕлы сфӕлдыстай?+

48 Удӕгӕстӕй чи ис ахӕм, ӕмӕ мӕлӕт чи нӕ фендзӕн?+

Искӕй бон у йӕ уд ингӕнӕй* аирвӕзын кӕнын?+ (Села́)

49 О Йегъовӕ, кӕм сты, де ’нувыд уарзты номыл раздӕр кӕй арӕзтай,

Давидӕн дӕ иузӕрдиондзинадӕй кӕй тыххӕй расомы кодтай, уыцы хъуыддӕгтӕ?+

50 О Йегъовӕ, ӕрхъуыды кӕн, дӕ лӕггадгӕнджытӕ фидиссаг кӕй фесты+.

Ӕрхъуыды кӕн, бирӕ адӕмты фауӕн ныхӕстӕ мӕ роны* кӕй хӕссын+.

51 Ӕрхъуыды кӕн, куыд фаудтой де знӕгтӕ, о Йегъовӕ+,

Куыд фаудтой дӕ сӕрст лӕггадгӕнӕджы алы къахдзӕф дӕр+.