Йереми
35 Иосийы фырт Иоаким+ Иудӕйы паддзах куы уыд, уӕд Йегъовӕ Йеремийӕн загъта: 2 «Ацу рехавитты+ хӕдзармӕ, семӕ аныхас кӕн ӕмӕ сӕ ӕрбакӕн Йегъовӕйы хӕдзармӕ, хӕрӕндӕттӕй искӕцымӕ, ӕмӕ сын сӕн ӕрӕвӕр».
3 Гъемӕ ӕз дӕр ракодтон Иазанийы, Авацинийӕн йӕ фырт Йеремийы фырты, ракодтон ын йе ’фсымӕрты дӕр, стӕй йӕ фыртты ӕмӕ рехавитты хӕдзаронты се ’ппӕты дӕр 4 ӕмӕ сӕ ӕрбакодтон Йегъовӕйы хӕдзармӕ, ӕцӕг Хуыцауы адӕймаг Годолийы фырт Хананы фыртты хӕрӕндонмӕ+. Уыцы хӕрӕндон уыд кънйӕзты хӕрӕндоны фарсмӕ, кънйӕзты хӕрӕндон та уыд Шаллумы+ фырт Маасейӕйы, дуаргӕсы, хӕрӕндоны сӕрмӕ. 5 Стӕй Рехавы байзӕддӕгты раз сӕнӕй дзаг къустӕ ӕмӕ нуазӕнтӕ ӕрӕвӕрдтон ӕмӕ сын загътон: «Бануазут».
6 Фӕлӕ мын уыдон загътой: «Нӕ, мах сӕн нӕ бануаздзыстӕм, уымӕн ӕмӕ нын Рехавы+ фырт Ионадав, нӕ фыдӕл, афтӕ бафӕдзӕхста: „Сӕн ма нуазут мадӕр уӕхӕдӕг, мадӕр уӕ фырттӕ, ӕмӕ афтӕ хъуамӕ уа ӕнустӕм+. 7 Уӕхицӕн хӕдзӕрттӕ ма аразут ӕмӕ таугӕ дӕр ма кӕнут, сӕнӕфсирдӕттӕ-иу ма скӕнут,– сӕнӕфсирдӕттӕ уын хъуамӕ ма уа. Цӕрӕнбонты хъуамӕ цӕрат цатырты, цӕмӕй, ӕрцӕуӕггӕгтӕ цы зӕххыл стут, уыцы зӕххыл бирӕ фӕцӕрат“+. 8 Ӕмӕ нын нӕ фыдӕл Ионадав, Рехавы фырт, куыддӕриддӕр бафӕдзӕхста, афтӕ кӕнӕм+: сӕн нӕ нуазӕм, нӕдӕр нӕхӕдӕг, нӕдӕр нӕ устытӕ, нӕдӕр нӕ фырттӕ ӕмӕ нӕдӕр нӕ чызджытӕ+. 9 Нӕхицӕн хӕдзӕрттӕ нӕ аразӕм, сӕнӕфсирдӕттӕ ӕмӕ нын зӕххытӕ дӕр нӕй, стӕй нӕм нӕй тауинӕгтӕ дӕр. 10 Мах цӕрӕм цатырты. Нӕ фыдӕл Ионадав+ нын цыдӕриддӕр бафӕдзӕхста, уымӕ хъусӕм ӕмӕ уый ӕххӕст кӕнӕм+. 11 Фӕлӕ Вавилоны паддзах Навуходоносор ацы бӕстӕйы ныхмӕ куы рацыд+, уӕд загътам: „Цом, Иерусалиммӕ ацӕуӕм, цӕмӕй халдейты ӕмӕ сириӕгты ӕфсӕдтӕй нӕхи бахъахъхъӕнӕм. Ӕмӕ уым, Иерусалимы, цӕрдзыстӕм“»+.
12 Ӕмӕ Йегъовӕ Йеремийӕн загъта: 13 «Афтӕ зӕгъы ӕфсӕдты хицау Йегъовӕ, Израилы Хуыцау: „Ацу, ӕмӕ Иудӕйы адӕмӕн ӕмӕ Иерусалимы цӕрджытӕн зӕгъ: „Ӕдзух уӕ нӕ фӕдзӕхстон, мӕ ныхасмӕ мын хъусут, зӕгъгӕ?+ – зӕгъы Йегъовӕ.– 14 Рехавы+ фырт Ионадав цы загъта, уый йын йӕ байзӕддӕгтӕ ӕххӕст кӕнынц: бафӕдзӕхста сын, сӕн ма нуазут, зӕгъгӕ, ӕмӕ уыдон дӕр абоны онг сӕн нӕ нуазынц, уымӕн ӕмӕ сӕ фыдӕлы фӕдзӕхстмӕ хъусынц+. Ӕз та уын дзырдтон, раджы-иу сыстадтӕн ӕмӕ уын-иу дзырдтон+, фӕлӕ мӕм сымах нӕ хъуыстат+. 15 Ӕз уӕм ӕрвыстон ме ’ппӕт лӕггадгӕнджыты, мӕ пехуымпарты+, раджы-иу сыстадтӕн ӕмӕ-иу сӕ арвыстон, ӕмӕ уын дзырдтон: „Уӕ хорзӕхӕй, уе ’взӕр фӕндӕгтӕ ныууадзут+ ӕмӕ уӕ хъуыддӕгтӕ сраст кӕнут+. Ма цӕут ӕндӕр хуыцӕутты фӕдыл, ма сын кувут+. Ӕмӕ цӕрут, сымахӕн ӕмӕ уӕ фыдӕлтӕн кӕй радтон, уыцы зӕххыл“+. Фӕлӕ-иу мӕм сымах уӕ хъус дӕр не ’рдардтат, нӕ мӕм хъуыстат+. 16 Рехавы+ фырт Ионадавы байзӕддӕгтӕ сӕ фыдӕлы фӕдзӕхст ӕххӕст кӕнынц+, ацы адӕм та мӕнмӕ нӕ хъусынц“»+.
17 «Уымӕ гӕсгӕ афтӕ зӕгъы ӕфсӕдты хицау Йегъовӕ, Израилы Хуыцау: „Ӕз Иудӕйыл ӕмӕ Иерусалимы цӕрджытыл се ’ппӕтыл дӕр ӕруадздзынӕн, кӕй тыххӕй дзырдтон, уыцы бӕллӕх+, уымӕн ӕмӕ сын ӕз дзырдтон, фӕлӕ мӕм уыдон нӕ хъуыстой, ӕз сӕм дзырдтон, фӕлӕ мын уыдон дзуапп нӕ лӕвӕрдтой“»+.
18 Рехавитты хӕдзаронтӕн та Йереми загъта: «Афтӕ зӕгъы ӕфсӕдты хицау Йегъовӕ, Израилы Хуыцау: „Уӕ фыдӕл Ионадавы фӕдзӕхстмӕ кӕй хъусут+ ӕмӕ йын дарддӕр дӕр йӕ фӕдзӕхстытӕ кӕй ӕххӕст кӕнут, ӕмӕ уын куыддӕриддӕр загъта, афтӕ кӕй кӕнут+, 19 уымӕ гӕсгӕ ӕфсӕдты хицау Йегъовӕ, Израилы Хуыцау, афтӕ зӕгъы: „Рехавы фырт Ионадавы байзӕддӕгтӕй алкӕддӕр уыдзӕн+, мӕ разы чи лӕггад кӕндзӕн, ахӕм адӕймаг“»+.