Псалом

137 Мах бадтыстӕм+ Вавилоны цӕугӕдӕтты был+

Ӕмӕ Сион мысгӕйӕ куыдтам+.

 2 Уым гӕдыбӕлӕстыл+

Ӕрцауыгътам нӕ дыууадӕстӕнон фӕндыртӕ+.

 3 Уацары нӕ чи акодта, уыдон нӕ зарын кодтой+.

Чи нӕ хынджылӕг кодта, уыдон нын дзырдтой, цӕмӕй сын сӕ зӕрдӕтӕ бахъӕлдзӕг кодтаиккам+:

«Сионы зарджытӕй-ма нын азарут»+.

 4 Фӕлӕ Йегъовӕйы зарӕг+ ӕцӕгӕлон зӕххыл

Куыд хъуамӕ зарӕм?+

 5 О Иерусалим, искуы дӕ куы ферох кӕнон+,

Уӕд мӕ рахиз къух мацӕмӕуал сарӕхсӕд.

 6 Ӕз дӕу куы ферох кӕнон+,

Иерусалим ме стырдӕр цинӕй уӕлдӕр

Куы нӕ сӕвӕрон+,

Уӕд ме ’взаг мӕ комарынгыл баныхӕсӕд+.

 7 О Йегъовӕ, Едомы фырттӕн+ сӕ зӕрдыл ӕрлӕууын кӕн+, Иерусалим куы ныппырх, уыцы бон+.

Уыдон дзырдтой: «Ныппырх ӕй кӕнут! Ныппырх ӕй кӕнут! Дур дзы дурыл мауал ныууадзут!»+

 8 О Вавилон, дӕуӕн ӕрцӕудзӕн де сӕфт!+

Амондджын уыдзӕн, ды махӕн куыд бакодтай,

Дӕуӕн дӕр афтӕ чи бакӕна+.

 9 Амондджын уыдзӕн, дӕ сывӕллӕтты дын чи райса+

Ӕмӕ сӕ къӕдзӕхыл чи фӕхойа.