Зарӕг. Корейы фыртты псалом+.
48 Йегъовӕ у стыр Хуыцау ӕмӕ у стыр кады аккаг+
Нӕ Хуыцауы горӕты+, йӕ сыгъдӕг хохыл+.
2 Куыд рӕсугъд ӕмӕ куыд бӕрзонд у Сионы хох дард цӕгаты+,
Уый у ӕгас зӕххы стыр цин+,
Цытджын Паддзахы горӕт+.
3 Йӕ мӕсгуыты зонынц Хуыцауы, уый сын у бӕрзонд хох+.
4 Паддзӕхтӕ баныхас кодтой ӕмӕ ӕрӕмбырд сты+,
Фӕлӕ йӕ рӕзты ацыдысты+.
5 Сӕхӕдӕг ӕй федтой ӕмӕ дисы бацыдысты.
Скатай сты, фыртӕссӕй лидзынмӕ фесты+.
6 Уым сӕ стыр тас бацыд+,
Арӕг сылгоймагау тухӕнтӕ кодтой+.
7 Скӕсӕйнаг дымгӕ рауагътай ӕмӕ пырх кӕныс Фарсисы наутӕ+.
8 Цы фехъуыстам, уый уынгӕ дӕр фӕкодтам+
Ӕфсӕдты хицау Йегъовӕйы горӕты, нӕ Хуыцауы горӕты+.
Хуыцау ӕй йӕхӕдӕг ӕрфидар кӕндзӕн ӕнустӕм+. (Села́)
9 О Хуыцау, мах хъуыды кодтам де ’нувыд уарзтыл+
Дӕ кувӕндоны мидӕг+.
10 Дӕ ном+ ӕгас зӕххыл куыд нӕры, о Хуыцау, афтӕ нӕры дӕ кад дӕр
Зӕххы кӕрӕттӕм.
Дӕ рахиз къух йедзаг у рӕстдзинадӕй+.
11 Цин кӕнӕд Сионы хох+,
Цин кӕнӕнт Иудӕйы гыццыл горӕттӕ+ дӕ тӕрхӕттыл+.
12 Ацӕут ӕмӕ ӕрзилут Сионы алыварс+,
Банымайут ын йӕ мӕсгуытӕ+.
13 Уе ’ргом аздахут, йӕ алыварс сыджытӕй цы быру ис, уымӕ+.
Дзӕбӕх ын фенут йӕ мӕсгуытӕ,
Цӕмӕй уый тыххӕй радзурат фидӕны фӕлтӕрӕн+.
14 Уымӕн ӕмӕ уыцы Хуыцау у нӕ Хуыцау ӕнусӕй-ӕнусмӕ, мыггагмӕ+.
Уый йӕхӕдӕг уыдзӕн нӕ фӕндагамонӕг, цалынмӕ цӕрӕм, уӕдмӕ+.