Псалом

44 О Хуыцау, мах нӕхи хъустӕй фехъуыстам,

Нӕ фыдӕлтӕ нын радзырдтой+,

Сӕ заманты+, раджы заманты,

Цы хъуыддӕгтӕ сарӕзтай, уый тыххӕй+.

 2 Дӕ къухӕй ды фӕтардтай иннӕ адӕмты+,

Ӕмӕ сӕ бынаты уыдоны ӕрцӕрын кодтай*+.

Ды адӕмыхӕттыты басастай ӕмӕ сӕ фӕсырдтай+.

 3 Уыцы зӕхх сӕ хъамайы фӕрцы нӕ бацахстой+

Ӕмӕ сын ирвӕзындзинад сӕ цонджы хъару не ’рхаста+,

Фӕлӕ дӕ рахиз къух+, дӕ цонджы хъару ӕмӕ дӕ цӕсгомы рухс,

Уымӕн ӕмӕ дӕ зӕрдӕйӕн уыдысты адджын+.

 4 Ды дӕ мӕ Паддзах, о Хуыцау+.

Бардзырд ратт, цӕмӕй Иаковӕн ӕрцӕуа стыр ирвӕзындзинад+.

 5 Дӕ фӕрцы не знӕгтӕн ныхкъуырд ратдзыстӕм+,

Дӕ номӕй ныссӕнддзыстӕм, нӕ ныхмӕ чи рацыд, уыдоны+.

 6 Уымӕн ӕмӕ ӕз ме ’рдыныл нӕ дардтон мӕ зӕрдӕ+,

Мӕ хъама нӕ уыд мӕ ирвӕзынгӕнӕг+.

 7 Ды нӕ ирвӕзын кодтай не знӕгтӕй+

Ӕмӕ нӕ йе сӕфт чи уыны, уыдоны фӕхудинаг кодтай+.

 8 Хуыцауы кадджын кӕндзыстӕм ӕнӕхъӕн бон+,

Дӕ ном дын бӕрзонд кӕндзыстӕм ӕнустӕм+. (Села́)

 9 Фӕлӕ нӕ ныр дӕхицӕй аппӕрстай ӕмӕ нӕ ӕгады бынаты дарыс+,

Не ’фсӕдтимӕ хӕстмӕ нӕ рацӕуыс+.

10 Не знӕгты разӕй нӕ лидзӕг фӕкӕныс+,

Ӕмӕ нӕ йе сӕфт чи уыны, уыдон нын нӕ исбон фӕхастой+.

11 Фыстау нӕ сӕ амӕттаг фӕкодтай+,

Адӕмты ’хсӕн нӕ ныппырх кодтай+.

12 Дӕ адӕмы дӕттыс бынтон лӕвар+,

Сӕ аргъӕй ницы самал кодтай.

13 Нӕ сыхӕгтӕн нӕ фидиссаг фӕкодтай+,

Нӕ алыварс чи ис, уыдон ныл иууылдӕр худынц ӕмӕ нӕ хынджылӕг кӕнынц+.

14 Ӕмбисонд нӕ фӕкодтай адӕмтӕн+,

Нӕ коймӕ адӕмыхӕттытӕ сӕ сӕртӕ батилынц+.

15 Ме ’гаддзинад ӕдзухдӕр ис мӕ разы.

Мӕ цӕсгом мын худинаг бамбӕрзта+,

16 Цъыф мыл чи калы ӕмӕ мӕ ӕфхӕрӕн ныхӕстӕ чи кӕны, уый тыххӕй,

Знаг ӕмӕ мастисӕджы тыххӕй+.

17 Ӕппӕт адӕттӕ баййӕфта нӕ сӕр, фӕлӕ дӕ нӕ ферох кодтам+

Ӕмӕ дӕ бадзырдыл гадзрахатӕй нӕ рацыдыстӕм+.

18 Нӕ зӕрдӕ дыл нӕ сивтам+,

Ӕмӕ дӕ фӕндагӕй иуырдӕм дӕр нӕ акъахдзӕф кодтам+.

19 Ды нӕ ныппырх кодтай, хъӕддаг куыйтӕ кӕм ӕрӕмбырд вӕййынц, уым+,

Ӕмӕ нӕ саудалынгӕй бамбӕрзтай+.

20 Кӕд нӕ Хуыцауы ном ферох кодтам

Кӕнӕ нӕ къухтӕ ӕцӕгӕлон хуыцаумӕ ивазӕм+,

21 Уӕд уый Хуыцау нӕ базондзӕн?+

Уый зоны зӕрдӕйы сусӕгдзинӕдтӕ+.

22 Фӕлӕ нӕ дӕу тыххӕй ӕдзух ӕппарынц мӕлӕты дзыхмӕ,

Нымайынц нӕ, ӕргӕвдынмӕ кӕй ӕрцӕттӕ кодтой, ахӕм фыстыл+.

23 Сыст. Цӕмӕн фынӕй кӕныс, о Йегъовӕ?+

Райхъал у. Ӕнустӕм нӕ ма аппар дӕхицӕй+.

24 Цӕмӕн ӕмбӕхсыс дӕ цӕсгом?

Цӕмӕн дӕ у рох, кӕй нӕ ӕфхӕрынц ӕмӕ нӕ кӕй ссӕндынц, уый?+

25 Нӕ уд сыджыты онг ныггуыбыр+,

Нӕ гуыбыны цъар зӕххыл баныхӕст.

26 Ӕххуысмӕ нӕм рацу+

Ӕмӕ нӕ фервӕзын кӕн де ’нувыд уарзты номыл+.