Нееми
2 Артаксеркс+ дыууынӕм+ аз куы уыд паддзах, уыцы аз, нисаны мӕйы+, йӕ разы уыд сӕн, ӕмӕ та ӕз иннӕ хӕттытау сӕн райстон ӕмӕ йӕ паддзахмӕ радтон+. Паддзах мӕ уымӕй размӕ ӕнкъардӕй никуы федта+. 2 Ӕмӕ мӕ бафарста: «Рынчын куы нӕ дӕ, уӕд афтӕ ӕнкъард цӕмӕн дӕ?+ Ӕвӕццӕгӕн, дӕхимидӕг цӕуылдӕр мӕт кӕныс»+. Уый куы фехъуыстон, уӕд тынг фӕтарстӕн.
3 Ӕз паддзахӕн загътон: «Паддзах ӕнустӕм цӕрӕд!+ Куыннӕ хъуамӕ уон ӕнкъард, кӕд ӕмӕ мӕ фыдӕлтӕ кӕм ныгӕд сты+, уыцы горӕт+ пырх у, йӕ кулдуӕрттӕ та – сыгъд?»+ 4 Уӕд мӕ паддзах бафарста: «Ӕмӕ дӕ цы фӕнды?»+ Ӕз уайтагъд уӕлӕрвты Хуыцаумӕ+ скуывтон+ 5 ӕмӕ стӕй паддзахӕн загътон: «Кӕд паддзах разы у+ ӕмӕ дын кӕд дӕ цагъар дӕ хорзӕх ссардта+, уӕд мӕ Иудӕмӕ ауадз, мӕ фыдӕлтӕ кӕм ныгӕд сты, уыцы горӕтмӕ, цӕмӕй йӕ ногӕй саразон»+. 6 Ӕмӕ мӕ паддзах, йӕ ус йӕ фарсмӕ бадт, афтӕмӕй бафарста: «Дӕ балц цас ахӕсдзӕн ӕмӕ фӕстӕмӕ кӕд ӕрыздӕхдзынӕ?» Кӕд ӕрыздӕхдзынӕн, уый йын куы загътон+, уӕд сразы ӕмӕ мӕ ауагъта+.
7 Ӕмӕ уӕд ӕз паддзахӕн загътон: «Кӕд паддзах разы у, уӕд мын мемӕ фыстӕджытӕ+ арвитӕд, Стыр цӕугӕдоны*+ иннӕ фарс цы хицӕуттӕ+ ис, уыдонмӕ, цӕмӕй-иу мӕ ауадзой, ӕмӕ Иудӕмӕ ӕнӕкъуылымпыйӕ фӕхӕццӕ уон. 8 Стӕй ма мемӕ фыстӕг арвитӕд паддзахы хъӕд хъахъхъӕнӕг Асафмӕ дӕр, цӕмӕй мын хъӕд радта, кувӕндоны+ раз чи ис, уыцы Галуаны кулдуӕрттӕ+ саразынӕн, стӕй горӕты къул+ ӕмӕ, кӕм цӕрдзынӕн, уыцы хӕдзар саразынӕн дӕр». Ӕмӕ мын паддзах фыстӕджытӕ радта, уымӕн ӕмӕ мын мӕ Хуыцау ӕххуыс кодта*+.
9 Стыр цӕугӕдоны иннӕ фарс цы хицӕуттӕ+ уыд, уыдонмӕ куы ’рцыдтӕн, уӕд сын паддзахы фыстӕджытӕ радтон. Паддзах ма мын мемӕ арвыста ӕфсады хистӕрты ӕмӕ барджыты дӕр. 10 Израилы фырттӕн чидӕр хорздзинад саразынмӕ кӕй ӕрцыд, уый хоройнаг+ Санаваллат+ ӕмӕ аммонаг+ лӕггадгӕнӕг Тови+ куы фехъуыстой, уӕд смӕсты сты+.
11 Ӕппынфӕстаг Иерусалиммӕ ӕрхӕццӕ дӕн ӕмӕ дзы ӕртӕ боны фӕдӕн. 12 Уый фӕстӕ ӕхсӕвы сыстадтӕн ӕмӕ мемӕ цалдӕр адӕймаджы акодтон, фӕлӕ мын мӕ Хуыцау Иерусалимы+ тыххӕй мӕ зӕрдӕйы цы хъуыды сӕвӕрдта, уый никӕмӕн+ дзырдтон. Цы хӕрӕгыл бадтӕн, уый йеддӕмӕ мемӕ фосӕй ницы уыд. 13 Ӕхсӕвы Дӕлвӕзы кулдуарыл+ ахызтӕн ӕмӕ, Стыр калмы цъай кӕй хонынц, уый рӕзты ацыдтӕн, Фӕнычы кулдуармӕ+ бахӕццӕ дӕн ӕмӕ Иерусалимы къултӕм+ ӕмӕ йӕ сыгъд кулдуӕрттӕм+ лӕмбынӕг ӕркастӕн. 14 Уырдыгӕй ацыдтӕн Суадоны кулдуармӕ+ ӕмӕ Паддзахы цадмӕ, фӕлӕ дзы хӕрӕгыл ацӕуӕн нӕ уыд. 15 Ӕмӕ уӕд ӕхсӕвы дӕлвӕзыл+ ссыдтӕн ӕмӕ уым дӕр къулмӕ ӕркастӕн. Стӕй фӕстӕмӕ ӕрцыдтӕн ӕмӕ Дӕлвӕзы кулдуарыл+ фӕстӕмӕ ӕрбаздӕхтӕн.
16 Кӕм уыдтӕн ӕмӕ цы куыстон, уый дӕлбар хицӕуттӕ+ нӕ зыдтой. Ницы ма загътон нӕдӕр дзуттӕгтӕн, нӕдӕр сауджынтӕн, нӕдӕр кадджын лӕгтӕн, нӕдӕр дӕлбар хицӕуттӕн, нӕдӕр кусджытӕн. 17 Ӕппынфӕстаг сын загътон: «Цы тӕригъӕддаг уавӕры стӕм, уый уынут: Иерусалим иууылдӕр у пырх, йӕ кулдуӕрттӕ та – сыгъд. Цомут ӕмӕ Иерусалимы къул ногӕй самайӕм, цӕмӕй ахӕм ӕгады уавӕры мауал уӕм»+. 18 Ӕмӕ сын радзырдтон, мӕ Хуыцау мын куыд ӕххуыс кодта+, уый тыххӕй. Радзырдтон сын, паддзах мын цы загъта+, уый дӕр. Ӕмӕ уӕд уыдон загътой: «Цомут ӕмӕ аразын райдайӕм!» Ӕмӕ уыцы хорз хъуыддагмӕ сӕхи зӕрдиагӕй цӕттӕ кӕнын райдыдтой+.
19 Хоройнаг Санаваллат+, аммонаг+ лӕггадгӕнӕг+ Тови+ ӕмӕ аравиаг+ Гешем+ уый тыххӕй куы базыдтой, уӕд нӕ хынджылӕг кӕнын райдыдтой+, ӕнӕрвӕссон каст нӕм кодтой ӕмӕ дзырдтой: «Уый цы кусут? Паддзахы ныхмӕ цӕут?»+ 20 Фӕлӕ сын ӕз дзуапп радтон: «Уӕлӕрвты Хуыцау+ нын йӕхӕдӕг арфӕ кӕндзӕн+, ӕмӕ мах, йӕ лӕггадгӕнджытӕ, рацӕудзыстӕм ӕмӕ араздзыстӕм. Сымахӕн та Иерусалимы нӕдӕр хай ис+, нӕдӕр бартӕ, нӕдӕр, цӕй тыххӕй уӕ ӕрхъуыды кӕной+, уый».