Псалом

7 О Йегъовӕ, мӕ Хуыцау+, де уазӕг бакодтон мӕхи+.

Мӕ фӕдыл чи зилы, уыдонӕй мӕ бахиз ӕмӕ мӕ фервӕзын кӕн+,

 2 Цӕмӕй мын мӕ уд домбайау мачи акъабӕзтӕ кӕна+,

Ма мӕ аныхъуыра, ирвӕзынгӕнӕг мын куы нӕ уа, уӕд+.

 3 О Йегъовӕ, мӕ Хуыцау, кӕд ӕвзӕрӕй исты ракодтон+,

Кӕд мӕ къухтӕй хӕрам хъуыддаг сарӕзтон+,

 4 Кӕд искӕмӕн йӕ хорздзинад ӕвзӕрӕй бафыстон+,

Кӕнӕ кӕд, мемӕ чи тох кӕны ӕмӕ кӕмӕн ницы уайы, уыдонӕй искӕмӕн йӕ исбон байстон+,

 5 Уӕд знаг мӕ фӕдыл зилӕд+,

Ӕрцахсӕд мӕ ӕмӕ мын мӕ цард зӕххы ныннӕмӕд,

Мӕ кад мын рыджы сӕвдулӕд. (Села́)

 6 Сыст, о Йегъовӕ, мӕстӕй судзгӕйӕ+,

Сыст, мемӕ чи тох кӕны ӕмӕ мыл йӕ масты цӕхӕртӕ чи калы, уыдоны ныхмӕ+.

Райхъал у мӕн тыххӕй+, уымӕн ӕмӕ ды загътай, раст тӕрхон кӕй сӕххӕст уыдзӕн+.

 7 Адӕмтӕ ӕрӕмбырд уӕнт ӕмӕ дыл ӕртыхсӕнт,

Ды та раздӕх дӕ бӕрзонд бынатмӕ ӕмӕ сӕ ныхмӕ рацу.

 8 Йегъовӕ адӕмтӕн тӕрхон рахӕсдзӕн+.

О Йегъовӕ, тӕрхон мын кӕн мӕ рӕстдзинадмӕ гӕсгӕ+

Ӕмӕ, куыд рӕстӕй цӕрын*, уымӕ гӕсгӕ+.

 9 Курын дӕ, фыдадӕмы ӕвзӕрдзинадӕн кӕрон скӕн+,

Рӕстгӕнӕджы та ӕрфидар кӕн+.

Рӕстаг+ Хуыцау фӕлвары зӕрдӕ+ ӕмӕ уыргтӕ*+.

11 Хуыцау у раст Тӕрхонгӕнӕг+,

Хуыцау алы бон дӕр хӕссы тӕрхон.

12 Адӕймаг йе ’взӕрдзинад куы нӕ ныууадза+, уӕд Хуыцау йӕ хъама сцыргъ кӕндзӕн+,

Йе ’рдын ӕрбакъӕдз кӕндзӕн, ӕрцӕттӕ йӕ кӕндзӕн, цӕмӕй дзы фехса+.

13 Ӕрцӕттӕ кӕндзӕн мӕлӕтхӕссӕг хӕцӕнгӕрзтӕ+,

Йӕ фаттӕ фестын кӕндзӕн судзгӕ арт+.

14 Мӕнӕ, адӕймаг йӕ хуылфы хӕссы ӕвзӕрдзинад+,

Йӕ хуылфы сӕвзӕрд фыддзинад ӕмӕ мӕнӕ-мӕнӕ ныййардзӕн мӕнгдзинад+.

15 Дзыхъхъ къахта, арф ӕй ныкъкъахта+.

Фӕлӕ, кӕй скъахта, уыцы дзыхъхъы йӕхӕдӕг ныххаудзӕн+.

16 Йӕ фыддзинад йӕхи сӕр баййафдзӕн+,

Йӕ фыдмитӕ ӕрцӕудзысты йӕхиуыл+.

17 Ӕз кадджын кӕндзынӕн Йегъовӕйы йӕ рӕстдзинады тыххӕй+,

Иунӕг Стыр Хуыцау+ Йегъовӕйы номӕн+ зардзынӕн.