1 Коринфӕгтӕм
5 Ӕз фехъуыстон, чидӕр уӕ кӕй хӕты*+, стӕй хӕтгӕ дӕр афтӕ, ӕмӕ иннӕ адӕмтӕ дӕр афтӕ нӕ кӕнынц: чидӕр, дам, цӕры йӕ фыды усимӕ+. 2 Ӕмӕ ма уӕддӕр уӕ сӕр бӕрзӕндты хӕссут?+ Уый бӕсты хъуамӕ кӕугӕ ма кӕнат+ ӕмӕ, ахӕм ми чи бакодта, уый уӕхицӕй хъуамӕ ма фӕхицӕн кӕнат?+ 3 Ӕз та кӕд мӕхӕдӕг уемӕ нӕ дӕн, уӕддӕр мӕ зӕрдӕ* уемӕ ис, ӕмӕ цыма уемӕ дӕн, афтӕ стӕрхон кодтон+, ахӕм ми чи бакодта, уыцы адӕймагӕн. 4 Ӕмӕ иумӕ куы ӕрӕмбырд уат, уӕд мӕ зӕрдӕ дӕр нӕ Хицау Йесойы тыхимӕ иумӕ уыдзӕн уемӕ. Гъемӕ нӕ Хицау Йесойы номӕй+ 5 уыцы адӕймаджы Сайтаны+ бар бакӕнут ӕмӕ тӕригъӕдджын хъуыддӕгтӕ* фесафут, цӕмӕй, ӕмбырдӕн цы хорз зондахаст* ис+, уый ахӕм уа Хицауы бон дӕр+.
6 Уӕхицӕй дзӕгъӕлы ӕппӕлут+. Ау, нӕ йӕ зонут, гыццыл ӕнхъизӕнӕй+ хыссӕ ӕнӕхъӕнӕй дӕр кӕй сӕнхъизы?+ 7 Уӕдӕ уӕхи ссыгъдӕг кӕнут зӕронд ӕнхъизӕнӕй, цӕмӕй уат ног хыссӕ+, уымӕн ӕмӕ уӕ мидӕг ӕнхъизӕн нӕй – нӕ Куадзӕны+ уӕрыкк, Чырысти+, нывондӕн хаст ӕрцыд+. 8 Ӕмӕ уӕдӕ бӕрӕгбон+ нӕдӕр зӕронд ӕнхъизӕнимӕ+ кӕндзыстӕм, нӕдӕр ӕвзӕрдзинад ӕмӕ ӕнӕхуыцау хъуыддӕгты+ ӕнхъизӕнимӕ+, фӕлӕ донгонд дзултимӕ – сыгъдӕгзӕрдӕйӕ ӕмӕ рӕстдзинадмӕ* гӕсгӕ+.
9 Мӕ фыстӕджы уӕм фыстон, цӕмӕй уын, хӕтаг чи у, уыдонимӕ иумӕйагӕй мацыуал уа. 10 Уый зӕгъын мӕ нӕ фӕндыд, ӕмӕ уын иумӕйагӕй ӕппындӕр мацыуал уа ацы дунейы+ хӕтаг+ кӕнӕ зыд адӕмимӕ, кӕнӕ адӕмы чи стигъы, кӕнӕ мӕнгхуыцӕуттӕн чи кувы, уыдонимӕ. Кӕннод уӕ ацы дунейӕ ӕндӕр искуыдӕм алидзын бахъӕуид+. 11 Фӕлӕ уӕм ныр фыссын, цӕмӕй уын иумӕйагӕй мацыуал уа+, ӕфсымӕр уӕвгӕйӕ, хӕтаг кӕнӕ зыд+ адӕймаг чи у, кӕнӕ мӕнгхуыцӕуттӕн чи кувы, кӕнӕ иннӕты чи ӕфхӕры, кӕнӕ расыггӕнаг+ чи у, кӕнӕ адӕмы чи стигъы, уыимӕ. Ахӕмимӕ иу фынгыл дӕр ма бадут. 12 Гъеныр ӕддагӕттӕн тӕрхон кӕнон, уымӕ та мӕ цы хъуыддаг ис?+ Сымах, ӕмбырды чи ис, уыдонӕн нӕ тӕрхон кӕнут?+ 13 Ӕддагӕттӕн та Хуыцау тӕрхон кӕны+. Сыгъдӕг Фыстад афтӕ зӕгъы: «Ӕвзӕргӕнӕджы уӕхицӕй фӕхицӕн кӕнут»+.