Псалом

57 Батӕригъӕд мын кӕн, о Хуыцау, батӕригъӕд мын кӕн+,

Уымӕн ӕмӕ мӕ уд де уазӕг бакодтон+,

Дӕ базырты аууоны ӕмбӕхсын мӕхи, цалынмӕ бӕллӕхтӕй нӕ фервӕзон, уӕдмӕ+.

 3 Уый уӕларвӕй рарвитдзӕн ӕххуыс ӕмӕ мӕ фервӕзын кӕндзӕн+.

Чи мӕм лӕбуры, уымӕн афтӕ бакӕндзӕн, ӕмӕ сдзӕгъӕлтӕ уыдзӕн+. (Села́)

Хуыцау рарвитдзӕн йе ’нувыд уарзт ӕмӕ йӕ рӕстдзинад*+.

 4 Мӕ уд ис домбӕйтты ’хсӕн+.

Куы схуыссын, уӕд дӕр мӕ разы вӕййынц, адӕмы чи ныхъуыры, уыцы тугдзых сырдтӕ – адӕймаджы фырттӕ.

Сӕ дӕндӕгтӕ сты ӕрцытӕ ӕмӕ фаттӕ+,

Се ’взаг у цыргъ хъама+.

 5 О Хуыцау, дӕ кад уӕлӕрвтӕй дӕр уӕлдӕр ссӕуӕд+.

Дӕ кад нӕрӕд ӕгас зӕххы сӕрмӕ+.

 6 Мӕ къӕхты раз мын сӕвӕрдтой хыз+.

Мӕ уд ӕрӕнкъард+.

Мӕ размӕ мын скъахтой дзыхъхъ,

Фӕлӕ дзы сӕхӕдӕг ныххаудысты+. (Села́)

 7 Мӕ зӕрдӕ фидар у, о Хуыцау+,

Мӕ зӕрдӕ фидар у.

Ӕз цӕгъддзынӕн ӕмӕ зардзынӕн+.

 8 Райхъал у, мӕ кад+,

Райхъал у, хъисфӕндыр, ӕмӕ ды дӕр, дыууадӕстӕнон фӕндыр+.

Ӕз сыстдзынӕн боныцъӕхтыл.

 9 Адӕмты ’хсӕн дӕ кадджын кӕндзынӕн, о Йегъовӕ+.

Адӕмыхӕттыты ’хсӕн дын зардзынӕн+,

10 Уымӕн ӕмӕ де ’нувыд уарзт стыр у – суанг уӕлӕрвтӕм+,

Дӕ рӕстдзинад хӕццӕ кӕны арвы онг+.

11 О Хуыцау, дӕ кад уӕлӕрвтӕй дӕр уӕлдӕр ссӕуӕд+.

Дӕ кад нӕрӕд ӕгас зӕххы сӕрмӕ.