Ӕмбисӕндтӕ

15 Фӕлмӕнӕй дзуапп ратт, ӕмӕ адӕймагӕн йӕ маст ссӕудзӕн+, рӕхуыст ныхасӕй та маст ссудзы+.

2 Зондджын адӕймаг, цы зоны, уый дзуры иннӕты пайдайӕн+, ӕнӕзӕндты дзыхӕй та цӕуы ӕнӕзонддзинад+.

3 Йегъовӕйы цӕст ӕххӕссы алкӕдӕм дӕр+, лӕмбынӕг кӕсы ӕвзӕртӕм дӕр ӕмӕ хӕрзтӕм дӕр+.

4 Сабыр ныхас у царды бӕлас+, зыгъуыммӕ ныхасӕй та ныфс асӕтты+.

5 Ӕнӕзонд йӕ фыды зондамынд ницӕмӕ дары+, уайдзӕфмӕ чи хъусы, уый та у ӕмбаргӕ+.

6 Рӕстгӕнӕджы хӕдзары ис бирӕ бӕркад+, фыдгӕнӕджы та йӕ фӕллӕйттӕ ӕппарынц фыдбылызы+.

7 Зондджынты ӕвзаг тауы зонындзинӕдтӕ+, фӕлӕ ӕнӕзӕндты зӕрдӕ ахӕм нӕу+.

8 Фыдгӕнджыты нывӕндтӕ Йегъовӕйӕн ӕнад сты+, рӕстзӕрдӕ адӕмы куывдтытӕ та йын сты ӕхсызгон+.

9 Йегъовӕйӕн фыдгӕнӕджы фӕндаг ӕнад у+, рӕстдзинадмӕ чи тырны, уыцы адӕймаджы та уарзы+.

10 Раст фӕндаг чи ныууадзы, уымӕ зондамынд ӕвзӕр кӕсы+. Ӕмӕ уайдзӕфӕй йе сӕфт чи уыны, уымӕ ӕнхъӕлмӕ кӕсы мӕлӕт+.

11 Йегъовӕ уыны+, ингӕны* ӕмӕ сау сыджыты* цы ис, уый дӕр+. Ӕмӕ уӕд адӕймаджы фыртты зӕрдӕтӕ куыннӕ уыны!+

12 Иннӕтыл чи худы, уый нӕ уарзы, уайдзӕф ын чи бакӕны, уыцы адӕймаджы+. Уый зондджынтӕм нӕ ацӕудзӕн+.

13 Зӕрдӕ хъӕлдзӕг куы вӕййы, уӕд цӕсгом дӕр ныррухс вӕййы+, зӕрдӕйы маст та ныфс асӕтты+.

14 Ӕмбаргӕ зӕрдӕ агуры зонындзинӕдтӕ+, ӕнӕзӕндты ӕвзаг та тырны ӕнӕзонддзинадмӕ+.

15 Ныфссаст адӕймаджы бонтӕ иууылдӕр сты ӕнкъард+, йӕ зӕрдӕ хъӕлдзӕг кӕмӕн у, уымӕн та ӕдзухдӕр вӕййы куывд+.

16 Цӕйнӕфӕлтау дӕм бирӕ фӕллӕйттӕ уа, ӕмӕ ӕнцой ма зонай+, фӕлтау дӕм гыццыл уӕд, ӕмӕ Йегъовӕйӕ тӕрс+.

17 Цӕйнӕфӕлтау уӕм нард гал уа, ӕмӕ кӕрӕдзийӕ уе сӕфт уынат+, фӕлтау уӕм уӕд халсартӕй хӕринаг, ӕмӕ кӕрӕдзи уарзут+.

18 Мӕсты адӕймаг загъд ракъахы, йӕ маст уромын чи зоны+, уый та хылӕн йӕ зынг ахуыссын кӕны+.

19 Зивӕггӕнаджы фӕндаг у сындзытӕй быд кауы хуызӕн+, рӕстзӕрдӕ адӕмы фӕндаг та у лӕгъз+.

20 Зондджын лӕппу йӕ фыдӕн у зӕрдӕрухсы хос+, ӕнӕзонд та йӕ мады ницӕмӕ дары+.

21 Ӕнӕзонд* цин кӕны ӕнӕзонд митыл+, арфуынӕг адӕймаг та цӕуы раст фӕндагыл+.

22 Ӕргом ныхас кӕм нӕ уа, уым фӕндтӕ фехӕлдзысты+, бирӕ уынаффӕгӕнджытӕ кӕм уа, уым та алцыдӕр рауайдзӕн+.

23 Адӕймаг цы дзуапп ратты, уый йын хӕссы циндзинад+, ӕмӕ куыд хорз у, йӕ афоныл кӕй зӕгъай, ахӕм ныхас!+

24 Ӕмбаргӕ адӕймагӕн йӕ царды фӕндаг цӕуы уӕлӕмӕ+ ӕмӕ йӕ дӕлӕмӕ, ингӕнмӕ*, нӕ уадзы+.

25 Йӕхи чи бӕрзонд кӕны, уыдоны хӕдзар Йегъовӕ ныппырх кӕндзӕн+, идӕдз усӕн та йӕ зӕххы арӕн сфидар кӕндзӕн+.

26 Ӕвзӕр адӕймаджы фӕндтӕ Йегъовӕйӕн сты ӕнад+, зӕрдӕмӕдзӕугӕ ныхӕстӕ та йӕ цӕсты сыгъдӕг сты+.

27 Искӕй фӕллойӕ чи цӕры, уый йӕ хӕдзар фыдбылызы ӕппары+, лӕвӕрттӕй йе сӕфт чи уыны, уый та цӕрдзӕн+.

28 Рӕстгӕнӕджы зӕрдӕ дзуапп раттыны размӕ дзӕбӕх ахъуыды кӕны+, фыдгӕнджыты дзыхӕй та ӕвзӕрдзинад йеддӕмӕ ницы цӕуы+.

29 Йегъовӕ фыдгӕнджытӕй дард у+, рӕстгӕнджыты куывдтытӕ та хъусы+.

30 Рухс цӕстӕнгас+ хъӕлдзӕг кӕны адӕймаджы зӕрдӕ+, хорз хабар+ фидар кӕны стджытӕ*+.

31 Царддӕттӕг уайдзӕфмӕ чи хъусы, уыцы адӕймаг+ вӕййы зондджынты ’хсӕн+.

32 Зондамынд кӕй нӕ хъӕуы, уый+ йӕ уд нӕ уарзы. Уайдзӕфмӕ чи хъусы, уый та свӕййы зӕрдӕйӕ зондджын+.

33 Йегъовӕйӕ чи тӕрсы, уый сахуыр вӕййы* зондӕй архайын+, ӕмӕ кады разӕй цӕуы сӕрныллӕгдзинад+.