Псалом

53 Ӕнӕзонд йӕхинымӕр загъта:

«Нӕй Йегъовӕ»+.

Уыдон ныллӕууыдысты сӕфты фӕндагыл ӕмӕ кӕнынц ӕлгъаг митӕ, фыдхъуыддӕгтӕ+.

Нӕй иу адӕймаг дӕр, хорздзинад чи араза+.

 2 Хуыцау уӕлӕрвтӕй ӕркаст адӕймаджы фырттӕм+,

Цӕмӕй фена, исчи дзы ӕмбаргӕ у, исчи дзы Йегъовӕйы агуры+.

 3 Се ’ппӕт дӕр адзӕгъӕл сты раст фӕндагӕй, се ’ппӕт дӕр сты ӕмхуызон хӕлд+.

Нӕй иу адӕймаг дӕр, хорздзинад чи араза+,

Иу дӕр.

 4 Ау, фыдгӕнджытӕй иу дӕр ницы бамбӕрста?+

Дзул куыд хӕрай, афтӕ мын хӕрынц мӕ адӕмы+.

Уыдон не ссарынц Йегъовӕйы ном+.

 5 Уым сӕ стыр тас бацыд+,

Фӕлӕ, цӕмӕй фӕтӕрсай, ахӕмӕй та дзы ницы уыд+.

Чи дӕм лӕбуры, уыдонӕн се стджытӕ Хуыцау алырдӕмты ныппырх кӕндзӕн+.

Ды сӕ ныххудинаг кӕндзынӕ, уымӕн ӕмӕ сыл Йегъовӕ йӕ къух систа+.

 6 Тӕхуды, ӕмӕ Сионӕй куы ’рцӕуид Израилӕн стыр ирвӕзындзинад!+

Йегъовӕ фӕстӕмӕ куы ӕрӕмбырд кӕна, йӕ адӕмӕй уацары чи ис, уыдоны+,

Уӕд-иу Иаковы зӕрдӕ цинӕй райӕд, Израил-иу цин кӕнӕд+.