Псалом

10 О Йегъовӕ, дард цӕмӕн лӕууыс?+

Зын сахат дӕхи цӕмӕн ӕмбӕхсыс?+

 2 Фыдгӕнӕг йӕ фырсӕрбӕрзондӕй карзӕй зилы ӕфхӕрд адӕймаджы фӕдыл+,

Фыдгӕнджытӕ ӕфхӕрд адӕмы ӕрцахсынц, цы фӕндтӕ скӕнынц, уыдонӕй+.

 3 Фыдгӕнӕг ӕппӕлы йӕ хиуарзон уды фӕндтӕй+,

Ӕмӕ, искӕй фӕллойӕ чи цӕры+, уый йӕхицӕй ныббуц.

נ [Нун]

Уый ницӕмӕ дары Йегъовӕйы+.

 4 Фыдгӕнӕг йӕ фырхъалӕй Хуыцауы нӕ агуры+.

Йӕхицӕн фӕдзуры: «Хуыцау нӕй»+.

 5 Йӕ фӕндӕгтыл алкӕддӕр у ӕнтыстджын+.

Уымӕн йӕ бон нӕу дӕ тӕрхӕттӕ бамбарын+,

Йе знӕгтӕм та кӕсы уӕлейӕ дӕлӕмӕ+.

 6 Йӕхинымӕр дзуры: «Ӕз нӕ фӕцуддзынӕн+,

Фӕлтӕр фӕлтӕры раивдзӕн, фӕлӕ мӕныл ницы ӕрцӕудзӕн»+.

 7 Йӕ дзыхӕй ӕлгъыст, мӕнгдзинад ӕмӕ ӕфхӕрд йеддӕмӕ ницы цӕуы+.

Йе ’взагыл – фыдбылыз ӕмӕ ӕвзӕрдзинад+.

 8 Хъӕугӕрон йӕ амӕттаджы размӕ бабады,

Йе ’мбӕхсӕн бынатӕй хъуамӕ амара ӕнаххос адӕймаджы+.

ע [А́йин]

Йӕ цӕстытӕ агурынц ӕнамонды+.

 9 Йе ’мбӕхсӕн бынаты домбайау ӕрхуыссыд ӕмӕ ӕнхъӕлмӕ кӕсы+.

Ӕрхуыссыд ӕмӕ ӕнхъӕлмӕ кӕсы+, цӕмӕй ӕфхӕрд адӕймаджы ӕрцахса.

Йӕ хыз ӕрбалвасы ӕмӕ ӕфхӕрд адӕймаджы ӕрцахсы+.

10 Бабын, йӕ зонгуытыл ӕрхауд.

Ныфссаст адӕмӕй бирӕтӕ бахауынц фыдгӕнӕджы тыхджын дзӕмбытӕм+.

11 Йӕхицӕн дзуры+: «Хуыцауӕй ферох+.

Йӕ цӕсгом бамбӕхста+.

Никуы фендзӕн+ ацы хъуыддаг».

12 Сыст+, о Йегъовӕ. Дӕ къух хӕрдмӕ сис+, о Хуыцау.

Ма ферох кӕн ӕфхӕрд адӕмы+.

13 Фыдгӕнӕгмӕ Хуыцау нымады цӕуылнӕ у?+

Уый йӕхинымӕр загъта: «Ды мӕ дзуапп не ’рдомдзынӕ»+.

14 Ды уыныс адӕмы зындзинӕдтӕ ӕмӕ мӕстытӕ.

Кӕсыс, цӕмӕй сыл дӕ бар цӕуа+.

Ӕнамонд+, сидзӕр сывӕллон*, йӕхи дӕ бар бакӕны.

Ды дӕхӕдӕг дӕ йе ’ххуысгӕнӕг+.

15 Фыдгӕнӕгӕн ӕмӕ ӕвзӕргӕнӕгӕн йӕ цонджы хъару асӕтт+.

Бафхӕр ӕй йе ’ппӕт фыдхъуыддӕгты тыххӕй дӕр+.

16 Йегъовӕ у Паддзах ӕнусӕй-ӕнусмӕ, мыггагмӕ+.

Адӕмтӕ фесӕфтысты зӕххы цъарӕй+.

17 О Йегъовӕ, ды фехъусдзынӕ сабыр адӕмӕн сӕ лӕгъстӕтӕ+.

Ды сын бацӕттӕ кӕндзынӕ сӕ зӕрдӕтӕ+.

Дӕ хъус ӕрдардзынӕ+,

18 Цӕмӕй сидзӕры ӕмӕ ӕфхӕрд адӕймаджы хъуыддаг рӕстӕй равзарай+,

Цӕмӕй зӕххон адӕймаг, сыджытӕй конд адӕймаг, тас макӕйуал уадза+.