Псалом

 2 Цъымарайы арфы фӕныгъуылын, цӕуыл ӕрлӕууон, уый дзы нӕй+.

Бахызтӕн арф дӕтты,

Ӕмӕ мӕ абухгӕ гуылфӕн аласта+.

 3 Дзыназынӕй бафӕлладтӕн+,

Ныффӕсус дӕн.

Мӕ Хуыцаумӕ ӕнхъӕлмӕ кӕсгӕйӕ мӕ цӕстырухс батад+.

 4 Кӕмӕн ницы кодтон, афтӕмӕй мӕ йе сӕфт чи уыны, уыдон мӕ сӕрыхъуынтӕй фылдӕр систы+.

Сбирӕ сты, кӕмӕн ницы кодтон, афтӕмӕй ме знаг чи сси ӕмӕ мӕ ӕнустӕм бамыр кӕнынмӕ чи хъавы, уыдон+.

Цы нӕ байстон, уый мӕ раттын бахъуыди.

 5 О Хуыцау, ды зоныс ме ’нӕзонддзинад.

Мӕ аххос дӕуӕй ӕмбӕхст нӕу+.

 6 Йӕ ныфс дӕуыл чи дары, уыдон ма фӕхудинаг уӕнт мӕн тыххӕй+,

О Дунедарӕг Хуыцау, ӕфсӕдты хицау Йегъовӕ+.

Дӕу чи агуры, уыдон ма фегад уӕнт мӕн тыххӕй+,

О Израилы Хуыцау+.

 7 Уымӕн ӕмӕ дӕу тыххӕй ӕййафын ӕфхӕрд+,

Мӕ цӕсгом ӕмбӕрзт у худинагӕй+.

 8 Ме ’фсымӕртӕн сдӕн ӕцӕгӕлон+,

Мӕ мадызӕнӕгӕн – ӕндӕрбӕстаг+.

 9 Дӕ хӕдзары мӕт мӕ хӕры+.

Дӕу чи ’лгъиты, уыдон мӕн ӕлгъитынц+.

10 Ӕз ком дардтон, куыдтон+,

Фӕлӕ уый тыххӕй сдӕн фидиссаг+.

11 Дарӕсы бӕсты хъисын куы скодтон,

Уӕд сын ӕмбисондӕн дзуринаг фӕдӕн+.

12 Горӕты кулдуары раз чи бады, уыдон мӕ кой кодтой+,

Карз нозт чи уарзы, уыдон мыл скодтой зарджытӕ+.

13 Фӕлӕ дӕумӕ уыд мӕ куывд, о Йегъовӕ+,

Дӕумӕ куывтон дӕ хорзӕхы рӕстӕг, о Хуыцау+.

Де стыр ӕнувыд уарзты фӕрцы мын дзуапп ратт ӕмӕ равдис, ӕцӕг ирвӕзынгӕнӕг кӕй дӕ, уый+.

14 Слас мӕ цъымарайӕ, цӕмӕй дзы ма аныгъуылон+.

Фервӕзын мӕ кӕн, йе сӕфт мӕ чи уыны, уыдонӕй+ ӕмӕ арф дӕттӕй+.

15 Ма мӕ аласӕд абухгӕ гуылфӕн+,

Ма мӕ аныхъуырӕд денджызы арф

Ӕмӕ мыл цъай* йӕ ком ма ӕрбахгӕнӕд+.

16 Дзуапп мын ратт, о Йегъовӕ, уымӕн ӕмӕ хорз у де ’нувыд уарзт+.

Де стыр фӕлмӕнзӕрдӕдзинадмӕ гӕсгӕ мӕм де ’ргом раздах+,

17 Ма бамбӕхс дӕ цӕсгом дӕ лӕггадгӕнӕгӕй+.

Тагъддӕр мын дзуапп ратт, уымӕн ӕмӕ мӕ бон нал у+.

18 Мӕ уды фарсмӕ ӕрбалӕуу ӕмӕ йӕ фервӕзын кӕн+.

Фервӕзын мӕ кӕн ме знӕгтӕй+.

19 Ды йӕ зоныс, цы ’фхӕрд, цы худинаг, цы ӕгаддзинад ӕййафын+.

Дӕ разы сты ме знӕгтӕ иууылдӕр+.

20 Ӕфхӕрӕн ныхӕстӕ мын мӕ зӕрдӕ асастой, ӕмӕ мӕ хъӕдгом нал ӕгас кӕны+.

Ӕнхъӕлдтон, исчи мын мӕ рыст бамбардзӕн, фӕлӕ нӕй+.

Ӕнхъӕлмӕ кастӕн, кӕд мын исчи ныфсытӕ бавӕрдтаид, фӕлӕ ахӕм нӕ разынд+.

21 Хӕрынӕн мын радтой маргджын кӕрдӕг+,

Ӕмӕ мын дойны куы уыд, уӕд мын хъавыдысты туаг сӕн бадарынмӕ+.

22 Сӕ фынг сын фестӕд къӕппӕг+,

Ӕмӕ сӕ пайдайӕн цы хъуамӕ уа, уый – хыз+.

23 Сӕ цӕстырухс батар уӕд, цӕстӕй куыд нал уыной+,

Афтӕ сын бакӕн, сӕ къӕхтӕ* куыд зыр-зыр кӕной+.

24 Дӕ фыдӕх сыл ныккал+,

Дӕ судзгӕ маст сӕ баййафӕд+.

25 Сӕ цӕрӕнбынат сафтид уӕд+.

Цӕрӕг мауал баззайӕд сӕ цатырты+,

26 Уымӕн ӕмӕ ды кӕй ӕрцавтай, уый фӕдыл зилынц+,

Ӕмӕ кӕй барӕхуыстай, ӕдзух уыдоны тухиты тыххӕй дзурынц.

27 Сӕ рӕдыдтытыл сын ноджыдӕр бафтау+,

Ӕмӕ сӕ рӕстгӕнджытыл ма банымай+.

28 Сӕ нӕмттӕ хӕлд ӕрцӕуӕнт удӕгӕсты чиныгӕй+,

Рӕстгӕнджытимӕ дзы фыст ма ’рцӕуӕнт+.

29 Ӕз дӕн мастӕфхӕрд, мӕ зӕрдӕ риссы+.

О Хуыцау, цы ирвӕзындзинад дӕттыс, уый мӕ бахъахъхъӕнӕд+.

30 Ӕз Хуыцауы ном зарӕджы кадджын кӕндзынӕн+,

Арфӕйы ныхасӕй йӕ сбӕрзонд кӕндзынӕн+.

31 Уый Йегъовӕйӕн уыдзӕн галӕй ӕхсызгондӕр+,

Йӕ сыкъатӕ кӕмӕн сзындысты, йӕ сӕфтӕджытӕ дих кӕмӕн сты, ахӕм уӕныгӕй ӕхсызгондӕр+.

32 Сабыр адӕм уый фендзысты ӕмӕ цин кӕндзысты+.

Хуыцауы чи агуры, уыдон, уӕ зӕрдӕтӕ цӕрӕнт+.

33 Йегъовӕ хъусы мӕгуырты+,

Ӕмӕ, йӕ адӕмӕй уацары чи ис, уыдоныл йӕхи нӕ атигъ кӕндзӕн+.

34 Кадджын ӕй кӕнӕнт арв ӕмӕ зӕхх+,

Денджызтӕ ӕмӕ дзы цыдӕриддӕр змӕлы, уыдон+.

35 Хуыцау фервӕзын кӕндзӕн Сион+

Ӕмӕ сараздзӕн Иудӕйы горӕттӕ+.

Уыдон уым цӕрдзысты, ӕмӕ уыцы зӕхх сӕхи бауыдзӕн+.

36 Уыцы зӕхх бынӕн баззайдзӕн йӕ лӕггадгӕнджыты байзӕддӕгтӕн+,

Ӕмӕ йыл цӕрдзысты, йӕ ном ын чи уарзы, уыдон+.