Захари

1 Дари дыккаг аз куы уыд паддзах+, уыцы аз ӕстӕм мӕйы пехуымпар Захарийӕн+, Иддойӕн+ йӕ фырт Берехийы фыртӕн, Йегъовӕ загъта: 2 «Йегъовӕйӕн уӕ фыдӕлтӕм йӕ маст ссыгъд+.

3 Ӕмӕ сын зӕгъ: „Ӕфсӕдты хицау Йегъовӕ афтӕ зӕгъы: „Раздӕхут мӕм+,– зӕгъы ӕфсӕдты хицау Йегъовӕ,– ӕмӕ уӕм ӕз дӕр раздӕхдзынӕн“+,– зӕгъы ӕфсӕдты хицау Йегъовӕ“.

4 „Уӕ фыдӕлты хуызӕн ма ут+. Уыдонӕн раздӕры пехуымпартӕ дзырдтой+: „Ӕфсӕдты хицау Йегъовӕ афтӕ зӕгъы: „Уӕ хорзӕхӕй, уе ’взӕр фӕндӕгтӕ ӕмӕ уӕ фыдхъуыддӕгтӕ ныууадзут ӕмӕ мӕм раздӕхут“+.

„Фӕлӕ мӕм уыдон нӕ хъуыстой, ницӕмӕ мӕ дардтой“+,– зӕгъы Йегъовӕ.

5 „Кӕм сты уӕ фыдӕлтӕ?+ Ӕмӕ пехуымпартӕ дӕр+, мыййаг, ӕнустӕм цӕргӕйӕ баззадысты? 6 Фӕлӕ уӕ фыдӕлтӕн мӕ пехуымпарты+ уылты цы дзырдтон ӕмӕ сӕ цӕмӕй фӕдзӕхстон, уый сыл не ’рцыд?+ Уыдон басастысты ӕмӕ загътой: „Ӕфсӕдты хицау Йегъовӕ нын бакодта+, нӕ хъуыддӕгты тыххӕй нын цы кӕнинаг уыд, уый“»+.

7 Дари дыккаг аз куы уыд паддзах+, уыцы аз иуӕндӕсӕм мӕйы, ома шеваты мӕйы, дыууын цыппӕрӕм бон Йегъовӕ пехуымпар Захарийӕн+, Иддойӕн+ йӕ фырт Берехийы фыртӕн, равдыста цӕстылуайӕн. 8 «Ӕхсӕвы ӕз цӕстылуайӕны федтон, сырх бӕхыл чи бадт+, ахӕм адӕймаджы+. Комы миртбӕлӕсты+ астӕу ӕнӕзмӕлгӕйӕ лӕууыд, йӕ фӕстӕ та уыд бӕхтӕ – сырх, тарсырх ӕмӕ урс бӕхтӕ»+.

9 Ӕз бафарстон: «Мӕ буц хицау, ацы барджытӕ чи сты?»+

Ӕмӕ мын уӕд, мемӕ цы зӕд ныхас кодта, уый загъта+: «Ӕз дын равдисдзынӕн, чи сты, уый».

10 Миртбӕлӕсты астӕу ӕнӕзмӕлгӕйӕ чи лӕууыд, уыцы адӕймаг загъта: «Адон сты, Йегъовӕ зӕххыл ӕрзилынмӕ кӕй рарвыста, уыдон»+. 11 Ӕмӕ уӕд уыдон Йегъовӕйы зӕдӕн, миртбӕлӕсты астӕу чи лӕууыд, уымӕн, загътой: «Мах зӕххыл ӕрзылдыстӕм+ ӕмӕ федтам, ӕппӕт зӕххыл дӕр сабыр кӕй у ӕмӕ адӕмы хъыгдарӕг кӕй нӕй»+.

12 Уӕд Йегъовӕйы зӕд загъта: «О Йегъовӕ, ӕфсӕдты хицау, Иерусалим ӕмӕ Иудӕйы горӕттӕ дӕ фӕлмӕнзӕрдӕдзинадӕй ӕнӕхай кӕдмӕ уыдзысты?+ Ныр сӕ ӕвдай азы дӕргъы дӕ фыдӕхы хай куы кӕныс»+.

13 Уӕд, мемӕ цы зӕд ныхас кодта, уымӕн Йегъовӕ загъта хорз, ныфсы ныхӕстӕ+. 14 Ӕмӕ мын уыцы зӕд загъта: «Фехъусын кӕн: „Афтӕ зӕгъы ӕфсӕдты хицау Йегъовӕ: „Иерусалим ӕмӕ Сионы тыххӕй мӕ маст ссыгъд+. 15 Ӕнӕмӕт цард чи кӕны, уыцы адӕмтӕм мӕстӕй судзын+, уымӕн ӕмӕ кӕд ӕз мӕ адӕммӕ смӕсты дӕн, уӕддӕр тынг нӕ+, фӕлӕ сын уыдон та сӕ зын уавӕр ноджы фӕфыддӕр кодтой“+.

16 Уӕдӕ афтӕ зӕгъы Йегъовӕ: „Ӕз Иерусалиммӕ ӕрыздӕхдзынӕн ӕмӕ йӕ мӕ фӕлмӕнзӕрдӕдзинадӕй барӕвдаудзынӕн+. Мӕ хӕдзар дзы арӕзт ӕрцӕудзӕн+,– зӕгъы ӕфсӕдты хицау Йегъовӕ,– ӕмӕ Иерусалимыл барӕн бӕндӕн айваздзысты“+.

17 Стӕй ма фехъусын кӕн: „Афтӕ зӕгъы ӕфсӕдты хицау Йегъовӕ: „Мӕ горӕттӕ та раздӕрау хорздзинӕдтӕй дзаг уыдзысты+. Йегъовӕ та Сионӕн+ фӕтӕригъӕд кӕндзӕн, ӕмӕ та Иерусалим суыдзӕн йе ’взӕрст горӕт“»+.

18 Ӕз акастӕн ӕмӕ федтон цыппар сыкъайы+. 19 Уӕд, мемӕ цы зӕд ныхас кодта, уый бафарстон: «Уыдон та цы сты?» Ӕмӕ мын уый дзуапп радта: «Иудӕйы+, Израилы+ ӕмӕ Иерусалимы адӕмы алырдӕм чи ныппырх кодта, уыцы сыкъатӕ»+.

20 Уый фӕстӕ мын Йегъовӕ равдыста цыппар ӕрмгуыстгӕнӕджы. 21 Ӕз ӕй бафарстон: «Цы саразинаг сты адон та?»

Ӕмӕ мын уӕд уый загъта: «Уыцы сыкъатӕ+ Иудӕйы адӕмы афтӕ ныппырх кодтой, ӕмӕ сӕ йӕ сӕрыл схӕцын дӕр никӕй бон уыд. Адон та ӕрцӕудзысты ӕмӕ адӕмты сыкъатӕ фӕтӕрсын кӕндзысты ӕмӕ сӕ ныссӕтдзысты, уымӕн ӕмӕ уыдон Иудӕйы зӕххы ныхмӕ рацыдысты ӕмӕ йын йӕ адӕмы алырдӕм ныппырх кодтой»+.