Псалом

35 О Йегъовӕ, мӕ хъуыддаг мын дӕхимӕ райс ӕмӕ, мӕ ныхмӕ чи цӕуы, уыдонмӕ ӕркӕс+.

Тох кӕн, мемӕ чи тох кӕны, уыдонимӕ+.

 2 Райс гыццыл ӕмӕ стыр уарт+

Ӕмӕ мӕм ӕххуысмӕ рацу+.

 3 Райс арц ӕмӕ хӕстон фӕрӕт ӕмӕ, мӕ фӕдыл чи зилы, уыдонӕн сӕ размӕ ӕрлӕуу+.

Зӕгъ мӕ удӕн: «Ӕз дӕн дӕ ирвӕзынгӕнӕг»+.

 4 Марынмӕ мӕ чи хъавы, уыдон фӕхудинаг уӕнт ӕмӕ фегад уӕнт+.

Мӕ ныхмӕ фыдвӕндтӕ чи кӕны, уыдон лидзӕг фӕуӕнт ӕмӕ сӕ худинаджы хъӕр айхъуысӕд+.

 5 Дымгӕ кӕй ахӕссы, уыцы зыгуымы+ хуызӕн фестӕнт.

Йегъовӕйы зӕд сӕ фӕсурӕд+.

 6 Сӕ фӕндаг баталынг уӕд ӕмӕ сбырынцъаг уӕд+,

Ӕмӕ сӕ Йегъовӕйы зӕд фӕстейӕ сурӕд.

 7 Ницы сын кодтон, афтӕмӕй мын мӕ размӕ дзыхъхъ скъахтой, хыз дзы сӕвӕрдтой+.

Ницы сын кодтон, афтӕмӕй йӕ скъахтой мӕ удӕн+.

 8 Ӕнӕнхъӕлӕджы се сӕфт ӕрцӕуӕд+,

Ӕмӕ цы хыз сӕвӕрдтой, уым сӕхӕдӕг бахауӕнт+,

Се сӕфт ӕрцӕуӕд ӕмӕ уыцы дзыхъхъы сӕхӕдӕг ныххауӕнт+.

 9 Мӕ уд та цин кӕнӕд Йегъовӕйыл+,

Фырцинӕй райӕд, цы ирвӕзындзинад дӕтты, ууыл+.

10 Уадз ме стджытӕ иууылдӕр зӕгъӕнт+:

«О Йегъовӕ, чи у дӕу хуызӕн?+

Ды ирвӕзын кӕныс ӕфхӕрд адӕймаджы, йӕхицӕй тыхджындӕр чи у, уымӕй+,

Ӕфхӕрд ӕмӕ мӕгуыр адӕймаджы – чи йӕ стигъы, уымӕй»+.

11 Ӕгъатыр ӕвдисӕнтӕ сыстадысты мӕ ныхмӕ+,

Фӕрсынц мӕ, цы нӕ зонын, уымӕй+.

12 Мӕ хорздзинад мын ӕвзӕрдзинадӕй фидынц+,

Ӕмӕ мӕ зӕрдӕрыстӕй ныууадзынц+.

13 Ӕз та, уыдон рынчын куы уыдысты, уӕд дардтон хъисын+,

Мӕ уд ком дарынӕй ӕфхӕрдтон+,

Ӕмӕ-иу мӕм мӕ куывд фӕстӕмӕ раздӕхт+.

14 Ме ’мбалыл дӕр ӕмӕ ме ’фсымӕрыл дӕр куыдтон+,

Адӕймаг йӕ мады мардыл куыд кӕуа, афтӕ+.

Мастӕй-иу ныггуыбыр дӕн.

15 Уыдон та-иу цин кодтой, куы-иу фӕцудыдтон, уӕд, ӕмӕ-иу ӕрӕмбырд сты+,

Мӕ ныхмӕ-иу ӕрӕмбырд сты+

Ӕмӕ-иу мыл ӕнӕнхъӕлӕджы сӕхи ныццавтой+.

Фӕйнӕрдӕм мӕ тыдтой ӕмӕ сын банцайӕн нӕ уыд+.

16 Хуыцауы чи ныууагъта, уыдон мӕ хынджылӕг кодтой къӕбӕры тыххӕй+,

Сӕ дӕндӕгты къӕс-къӕс мӕм цыди+.

17 О Йегъовӕ, цас ма кӕсдзынӕ уымӕ?+

Фервӕзын мын кӕн мӕ уд сӕ фыдмитӕй+,

Мӕ иунӕг уд+ – домбӕйттӕй.

18 Ӕз дӕ бӕрзонд кӕндзынӕн стыр ӕмбырды+,

Бирӕ адӕмы ’хсӕн дӕ кадджын кӕндзынӕн+.

19 Ма бауадз, цӕмӕй, кӕмӕн ницы кодтон, афтӕмӕй ме знаг чи сси, уыдон цин кӕной+.

Ма бауадз, цӕмӕй, кӕмӕн ницы кодтон, афтӕмӕй мӕ йе сӕфт чи уыны, уыдон кӕрӕдзимӕ сӕ цӕстытӕ ныкъулой+.

20 Уымӕн ӕмӕ сӕ ныхӕстӕ фарн нӕ хӕссынц+,

Фӕлӕ, зӕххыл цы сабыр адӕм ис, уыдоны ныхмӕ

Алы хиндзинад мысынц+.

21 Сӕ дзыхтӕ мӕм бахӕлиу кодтой+

Ӕмӕ дзурынц: «Афтӕ йын! Афтӕ! Нӕ цӕст ын уый кӕй федта!»+

22 Ды уыдӕттӕ уыныс, о Йегъовӕ+, ӕмӕ хъусӕй ма лӕуу+.

О Йегъовӕ, ма лӕуу дард+.

23 Сыст, райхъал у ӕмӕ мын рӕстӕй стӕрхон кӕн+,

О Йегъовӕ, мӕ Хуыцау, равзар мын мӕ хъуыддаг+.

24 Тӕрхон мын кӕн дӕ рӕстдзинадмӕ гӕсгӕ, о Йегъовӕ, мӕ Хуыцау+,

Ма бауадз, цӕмӕй мыл фӕуӕлахиз уой+.

25 Ма бауадз, цӕмӕй сӕхинымӕр дзурой: «Афтӕ йын! Нӕ фӕндиаг фӕци!»+

Цӕмӕй зӕгъой: «Аныхъуырдтам ӕй!»+

26 Фӕхудинаг уӕнт ӕмӕ сӕ худинаджы хъӕр айхъуысӕд+,

Мӕ мастыл мын чи цин кӕны, уыдон се ’ппӕт дӕр+.

Уӕлейӕ дӕлӕмӕ мӕм чи кӕсы+, уыдон худинаг ӕмӕ ӕгаддзинад дарӕсау скӕнӕнт сӕ уӕлӕ+.

27 Мӕ рӕстдзинадыл мын чи цин кӕны, уыдон фырцинӕй зарӕнт ӕмӕ сӕ зӕрдӕ райӕд+

Ӕмӕ ӕдзухдӕр дзурӕнт+:

«Скадджын уӕд Йегъовӕ, йӕ лӕггадгӕнӕгӕн сабырдзинад кӕй фӕнды!»+

28 Ӕмӕ уадз ме ’взаг дзурӕд дӕ рӕстдзинады тыххӕй+,

Ӕнӕхъӕн бон дӕ кадджын кӕнӕд+.