Псалом

143 О Йегъовӕ, фехъус мын мӕ куывд+,

Дӕ хъус ӕрдар мӕ лӕгъстӕтӕм+.

Дзуапп мын ратт дӕ иузӕрдиондзинад ӕмӕ дӕ рӕстдзинадмӕ гӕсгӕ+.

 2 Дӕ лӕггадгӕнӕджы тӕрхоны раз ма ӕрлӕууын кӕн+,

Уымӕн ӕмӕ дӕ разы иу адӕймаг дӕр рӕстгӕнӕг нӕ разындзӕн+.

 3 Знаг мӕ фӕдыл зилы+,

Мӕ цард мын йӕ къӕхты бын ныссӕста+.

Ме знаджы тыххӕй цӕрын талынг ран, рагон мӕрдтӕ куыд сты талынджы, афтӕ+.

 4 Мӕ уд+ мӕ мидӕг батад,

Мӕ зӕрдӕ амард+.

 5 Мӕ зӕрдыл ӕрлӕууыдысты рагон замантӕ+.

Хъуыды кӕнын де ’ппӕт хъуыддӕгтыл+,

Мӕ хъуыдытӕ иууылдӕр сты, дӕ къухтӕ цы сарӕзтой, ууыл+.

 6 Мӕ къухтӕ дӕм ивазын+,

Мӕ уд дӕ агуры, хурсыгъд зӕхх дӕ куыд фӕагуры, афтӕ+. (Села́)

 7 Фӕтагъд кӕн, о Йегъовӕ, дзуапп мын ратт+,

Мӕ уды бон нал у+.

Ма мӕ бамбӕхс дӕ цӕсгом+,

Кӕннод, ингӕны былыл чи лӕууы, уыдонау фӕуыдзынӕн+.

 8 Райсомӕй мын фехъусын кӕн де ’нувыд уарзты тыххӕй+,

Уымӕн ӕмӕ дӕуыл дарын мӕ зӕрдӕ+.

Бацамон мын, цы фӕндагыл мӕ хъӕуы цӕуын, уый+,

Уымӕн ӕмӕ дӕуӕн радтон мӕ уд+.

 9 Фервӕзын мӕ кӕн ме знӕгтӕй, о Йегъовӕ+.

Де уазӕг бакодтон мӕхи+.

10 Сахуыр мӕ кӕн дӕ фӕндон ӕххӕст кӕнын+,

Уымӕн ӕмӕ ды дӕ мӕ Хуыцау+.

Дӕ тых* у хорз+.

Фӕндагамонӕг мын уӕд рӕстзӕрдӕты зӕххыл+.

11 О Йегъовӕ, дӕ номы тыххӕй+ мын бахъахъхъӕн мӕ цард+.

Дӕ рӕстдзинадмӕ гӕсгӕ+ мын мӕ уд бӕллӕхӕй фервӕзын кӕн+.

12 Де ’нувыд уарзтмӕ гӕсгӕ афтӕ бакӕн, ӕмӕ ме знӕгтӕ ӕнустӕм бамыр уой+.

Мемӕ чи тох кӕны, уыдоны се ’ппӕты дӕр фесаф+,

Уымӕн ӕмӕ ӕз дӕн дӕ лӕггадгӕнӕг+.