Псалом

36 Фыдгӕнӕгмӕ фыдракӕнд дзуры йӕ зӕрдӕйы+,

Уый Хуыцауӕй ӕппындӕр нӕ тӕрсы+.

 2 Йӕхицӕй цыдӕр ӕнхъӕл у ӕмӕ йӕхи сайы+,

Ӕмӕ йӕ рӕдыд нӕ уыны, цӕмӕй дзы йе сӕфт фена+.

 3 Йӕ дзыхӕй цӕуы фыдбылыз ӕмӕ мӕнг ныхас+,

Хорздзинад куыд аразгӕ у, уый нал зоны+.

 4 Йӕ хуыссӕныл хуысгӕйӕ дӕр хъуыды кӕны, цы фыдбылыз ракӕна, ууыл+.

Хорз фӕндагыл нӕ лӕууы+.

Ӕвзӕрдзинадӕй дард нӕ лидзы+.

 5 О Йегъовӕ, де ’нувыд уарзт у уӕлӕрвты онг+,

Дӕ иузӕрдиондзинад хӕццӕ кӕны мигъты онг+.

 6 Дӕ рӕстдзинад у де сконд хӕхты хуызӕн, о Хуыцау+.

Дӕ тӕрхӕттӕ сты ӕнӕкӕрон доны гуылфӕнтӕ+.

Адӕймаджы дӕр ӕмӕ сырды дӕр ды ирвӕзын кӕныс, о Йегъовӕ+.

 7 О Хуыцау, куыд зынаргъ у де ’нувыд уарзт!+

Адӕймаджы фырттӕ бамбӕхсынц дӕ базырты аууоны+.

 8 Дӕ хӕдзары хуыздӕрӕй цы ис, уымӕй сӕ фаг нуазынц+,

Ӕфсадыс сӕ дӕ хорздзинӕдты гуылфӕнтӕй+.

 9 Дӕумӕ ис царды суадон+,

Дӕ рухсы фӕрцы уынӕм рухс+.

10 Дарддӕр дӕр де ’нувыд уарзтӕй тав, чи дӕ зоны, уыдоны+,

Ӕмӕ дӕ рӕстдзинадӕй – рӕстзӕрдӕ чи у, уыцы адӕмы+.

11 Сӕрбӕрзонды къах мыл ма балӕгӕрдӕд+,

Ӕмӕ мӕ фыдгӕнджыты къух хауӕггаг ма фӕкӕнӕд+.

12 Фыдхъуыддӕгтӕ чи кӕны, уыдон афӕлдӕхтысты+,

Зӕххыл хуыссынц, сӕ бон сыстын нӕу+.