Псалом

39 Ӕз загътон: «Мӕ хъус лӕмбынӕг дардзынӕн мӕ фӕндӕгтӕм+,

Цӕмӕй ме ’взагӕй тӕригъӕд ма ракӕнон+.

Мӕ дзыхыл рохтӕ* бакӕндзынӕн, цӕмӕй йӕ уромон+,

Цалынмӕ мӕ разы фыдгӕнӕг уа, уӕдмӕ»+.

 2 Ӕз багомыг дӕн, хъусӕй лӕууыдтӕн+,

Хорз цы у, уый тыххӕй дӕр нӕ дзырдтон+

Ӕмӕ мӕ рыст мӕ мидӕг урӕдтон.

 3 Мӕ зӕрдӕ мӕ мидӕг ссыгъди+,

Куы хъӕрзыдтон, уӕд артау сыгътӕн.

Ӕмӕ загътон:

 4 «О Йегъовӕ, раргом мын кӕн, куыд тагъд ӕрцӕудзӕн мӕ кӕрон+

Ӕмӕ мын цас ис цӕрӕнбон+,

Цӕмӕй йӕ ӕмбарон, мӕ цард куыд цыбыр у+.

 5 Бирӕ цӕрӕнбон мын нӕ радтай+,

Мӕ царды бонтӕ дӕ разы ницы сты+.

Ӕцӕгдӕр, зӕххон адӕймаг куыдфӕнды фидар ма лӕууа, уӕддӕр комулӕфт йеддӕмӕ ницы у+. (Села́)

 6 Афтӕ у, адӕймаг аууонау рацу-бацу кӕны+.

Ӕцӕгдӕр, дзӕгъӕлы скатай вӕййынц адӕм+.

Адӕймаг фӕллӕйттӕ скӕны, кӕмӕн баззайдзысты, уый та нӕ фӕзоны+.

 7 Ӕмӕ уӕд ӕз цӕуыл дарын мӕ ныфс, о Йегъовӕ?

Дӕумӕ у ме скаст+.

 8 Фервӕзын мӕ кӕн ме ’ппӕт тӕригъӕдтӕй дӕр+.

Ма бауадз, цӕмӕй мын ӕнӕзонд адӕймаг фидистӕ кӕна+.

 9 Ӕз ницы дзырдтон+, мӕ дзых бакӕнын дӕр мӕ бон нӕ уыд+,

Уымӕн ӕмӕ ды дӕхӕдӕг архайдтай+.

10 Цы бӕллӕхы хай мӕ бакодтай, уымӕй мӕ фервӕзын кӕн+.

Дӕ къух мӕ ныхмӕ сарӕзтай, ӕмӕ сӕфын+.

11 Ды адӕймагӕн амоныс зонд – йӕ рӕдыд ын ӕргом фӕзӕгъыс+.

Рӕмпӕг дзаума куыд бахӕры, афтӕ йын фесафыс, зынаргъ ын цы у, уыдӕттӕ+.

Ӕцӕгдӕр, зӕххон адӕймаг комулӕфт йеддӕмӕ ницы у+. (Села́)

12 Фехъус мын мӕ куывд, о Йегъовӕ,

Ӕххуысмӕ дӕм дзыназын, ӕмӕ мӕ фехъус+.

Ды мын уыныс мӕ цӕссыгтӕ, ӕмӕ хъусӕй ма лӕуу+.

Уымӕн ӕмӕ ӕз дӕ разы дӕн ӕрмӕст ӕрцӕуӕггаг+,

Ӕрлидзӕг, мӕ фыдӕлтӕ иууылдӕр куыд уыдысты, афтӕ+.

13 Ма мӕм кӕс мӕстыйӕ, ӕмӕ мӕ зӕрдӕмӕ рухс ӕрбакӕла+,

Цалынмӕ цардӕй нӕ ацӕуон ӕмӕ нал уон, уӕдмӕ»+.