Псалом

Корейы фыртты псалом. Зарӕг.

87 Йӕ бындур ис сыгъдӕг хӕхтыл+.

2 Йегъовӕ Сионы кулдуӕрттӕ уарзы+

Иаковы ӕппӕт цатыртӕй фылдӕр+.

3 Диссӕгтӕ дзурынц дӕу тыххӕй, о ӕцӕг Хуыцауы горӕт+. (Села́)

4 Чи мӕ зоны, уыдоны ’хсӕн ранымайдзынӕн Раав+ ӕмӕ Вавилоны+.

Филисти+, Тир ӕмӕ Куш* – алкӕмӕй дӕр сӕ зӕгъдзысты:

«Ай райгуырд уым»+.

5 Сионы тыххӕй та зӕгъдзысты:

«Иууылдӕр уым райгуырдысты»+.

Ӕмӕ йӕ Иунӕг Стыр Хуыцау+ йӕхӕдӕг сфидар кӕндзӕн+.

6 Йегъовӕ адӕмты куы фысса, уӕд фехъусын кӕндзӕн+:

«Ай райгуырд уым»+. (Села́)

7 Зарӕггӕнджытӕ ӕмӕ кафджытӕ дӕр зӕгъдзысты+:

«Мӕ суадӕттӕ иууылдӕр дӕ мидӕг сты»+.