Соломоны зарӕг

7 «Куыд рӕсугъд сты дӕ къӕхтӕ дӕ гом дзабырты+, о зӕрдӕхӕлар+ чызгай! Дӕ синты ӕвӕрд – рӕсугъд нывты хуызӕн+, цыма сӕ дӕсны аразӕг скодта, афтӕ. 2 Дӕ бикъ у тымбыл къус. Алкӕддӕр дзаг уӕд хӕрздӕф сӕнӕй+. Дӕ гуыбын – мӕнӕуы кӕри, йӕ алыварс та лилитӕ+. 3 Дӕ риутӕ – рӕсугъд сычъийы дыууӕ лӕппыны, дыууӕ фаззоны+. 4 Дӕ дӕллагхъуыр+ – пылыстӕгӕй конд мӕсыг. Дӕ цӕстытӕ+ – Есевоны+ цадтӕ Батраббимы кулдуары раз. Дӕ фындз – Ливаны мӕсыг, кӕсы Дамаскы ’рдӕм. 5 Дӕ сӕр – Кармилы хох+. Дӕ хъуымбыл дзыккутӕ+ – тарсырх къуымбилы хуызӕн+. Паддзах дӕ даргъ дзыккуты ахӕсты бахауди+. 6 Куыд рӕсугъд дӕ, мӕ уарзон чызг! Зӕрдӕ йӕ мондӕгтӕ цӕмӕй исы, уыдонӕй дӕу хуызӕн нӕй!+ 7 Дӕ гуыр у пальмӕбӕласы хуызӕн+, дӕ риутӕ+ – финикты цупӕлттӕ. 8 Ӕз загътон: „Схизон уыцы пальмӕбӕласмӕ ӕмӕ йын йӕ цупалджын къалиутыл ныххӕцон“+. Тӕхуды, ӕмӕ дӕ риутӕ куы фестиккой сӕнӕфсиры цупӕлттӕ, дӕ комулӕфт – фӕткъуыты адджын тӕф, 9 дӕ былтӕ – хуыздӕр сӕн»+. «Уый кӕлы+ мӕ уарзонмӕ, фӕлмӕнӕй тӕдзы, фынӕй чи кӕны, уыдоны былтыл».

10 «Ӕз дӕн мӕ уарзоны+, ӕмӕ мӕнмӕ тындзы йӕ зӕрдӕ+. 11 Ӕрцу, мӕ зынаргъ, ӕмӕ быдырмӕ ацӕуӕм+. Лавсониты+ астӕу нӕ фӕллад суадздзыстӕм. 12 Райсомӕй раджы сыстдзыстӕм ӕмӕ ацӕудзыстӕм сӕнӕфсирдӕттӕм, цӕмӕй фенӕм, цымӕ сӕнӕфсир таутӕ нӕма рауагъта+, дидинджытӕ нӕма рафтыдтой+, гранатбӕлӕстӕ дидинӕг нӕма ракалдтой+. Уым дӕ мӕ узӕлд, мӕ цинтӕй рӕвдаудзынӕн+. 13 Мандрагорӕтӕн+ дӕр сӕ адджын тӕф кӕлы, ӕмӕ нӕ къӕсӕртыл – алыхуызон ӕвзаргӕ дыргътӕ+. О мӕ зынаргъ, ӕз дын ногтынд дыргътӕй дӕр ӕмӕ фароны дыргътӕй дӕр нывӕрдтон.