Ӕмбисӕндтӕ

12 Зондамынд чи уарзы, уый уарзы зонындзинӕдтӕ дӕр+, уайдзӕфӕй йе сӕфт чи уыны, уый та у ӕнӕзонд+.

2 Хорз адӕймаг ссары Йегъовӕйы хорзӕх+, фыдвӕндтӕ чи кӕны, ахӕм адӕймаджы та Хуыцау схоны фыдгӕнӕг+.

3 Фыддзинады фӕрцы иу адӕймаг дӕр не ’рфидар уыдзӕн+, рӕстгӕнджыты уидӕгтӕ та нӕ фенкъуысдзысты+.

4 Хорз ус йӕ сӕрыхицауӕн у кадыхуд+, худинаджы митӕ чи кӕны, ахӕм ус та – стӕгниз+.

5 Рӕстгӕнджытӕн сӕ хъуыдытӕ сты раст+, фыдгӕнджыты разамынд та у мӕнг+.

6 Фыдгӕнджыты ныхӕстӕ искӕй размӕ бабадынц, йӕ туг ын ныккалӕм+, зӕгъгӕ, рӕстзӕрдӕ адӕмы ныхӕстӕ та сты ирвӕзындзинад+.

7 Фыдгӕнӕджы раппӕрстой ӕмӕ нал ис+, рӕстгӕнджыты хӕдзар та лӕудзӕн фидар+.

8 Ӕмбаргӕ адӕймагӕн йӕ ныхӕстӕ ӕрхӕсдзысты кад+, йӕ зӕрдӕ хӕлд кӕмӕн у, уый та фегад уыдзӕн+.

9 Фӕлтау хуымӕтӕг адӕймаг у, ӕмӕ дын лӕггадгӕнӕг уӕд, цӕйнӕфӕлтау дӕхицӕй ӕппӕлай, ӕмӕ дӕм къӕбӕр дӕр ма уа+.

10 Рӕстгӕнӕг тыхсы йӕ фосыл дӕр+, фыдгӕнджытӕн та сӕ фӕлмӕнзӕрдӕдзинад дӕр ӕгъатыр у+.

11 Йӕ зӕхх чи бакусы, уый дзулӕй бафсӕды+, ӕнӕпайда хъуыддӕгты фӕдыл чи цӕуы, уый та у ӕнӕзонд*+.

12 Фыдгӕнӕг бӕллы, ӕвзӕр адӕмы хызы цы бахауы, уымӕ+, рӕстгӕнджытӕ та сӕхӕдӕг хӕссынц дыргъ+.

13 Ӕвзӕр адӕймаг йӕ дзыхы тыххӕй къӕппӕджы бахауы+, рӕстгӕнӕг та бӕллӕхӕй фервӕзы+.

14 Адӕймаг йӕ дзыхы дыргъы фӕрцы хорздзинадӕй бафсӕддзӕн+, ӕмӕ йӕхи къухтӕй цы сараза, уый йӕм фӕстӕмӕ раздӕхдзӕн+.

15 Ӕнӕзондмӕ йӕ фӕндаг раст кӕсы+, уынаффӕмӕ чи хъусы, уый та у зондджын+.

16 Ӕнӕзонд уайтагъд рамӕсты вӕййы+, ӕмбаргӕ адӕймаг та ӕфхӕрд ницӕмӕ ӕрдары+.

17 Йӕ дзыхӕй раст ныхас кӕмӕн цӕуы, уыцы адӕймаг зӕгъдзӕн, раст цы у, уый+, мӕнгӕвдисӕн та кӕны сайгӕ+.

18 Ӕнӕрхъуыды адӕймагӕн йӕ ныхӕстӕ сты карды цӕфау+, зондджыны ӕвзаг та у ӕвдадзы хос+.

19 Рӕстдзинад чи дзуры, уый+ уыдзӕн ӕнустӕм+, мӕнг чи дзуры, уый та бирӕ нӕ ахӕсдзӕн+.

20 Фыдвӕндтӕ чи кӕны, уыдонӕн сӕ зӕрдӕйы ис мӕнгдзинад+, адӕмимӕ хӕларӕй чи цӕры, уыдон та цин кӕнынц+.

21 Рӕстгӕнӕгыл ӕвзӕрӕй ницы ӕрцӕудзӕн+, фыдгӕнджытӕ та бӕллӕхтӕй цух нӕ уыдзысты+.

22 Мӕнг ӕвзаг Йегъовӕйӕн ӕнад у+, рӕстӕй чи архайы, уыдон та адджын сты йӕ зӕрдӕйӕн+.

23 Ӕмбаргӕ адӕймаг йӕ зонындзинӕдтӕ ӕмбӕхсын зоны+, ӕнӕзонды зӕрдӕ та йе ’нӕзонддзинад рахъӕр кӕны+.

24 Куыстуарзаг адӕймаджы къухы уыдзӕн бартӕ+, зивӕггӕнаджы къухтӕ та кӕндзысты цагъары куыст+.

25 Сагъӕстӕй адӕймаджы зӕрдӕ ныууӕззау вӕййы+, хорз ныхас та зӕрдӕйыл базыртӕ басадзы+.

26 Рӕстгӕнӕг лӕмбынӕг кӕсы, кӕй ӕхсӕн уыдзӕн, уымӕ, фыдгӕнджыты фӕндаг та ахӕм у, ӕмӕ ныдздзӕгъӕлтӕ вӕййынц+.

27 Зивӕггӕнаг адӕймаг сырд не ’рцахсдзӕн+, куыстуарзаг уай, уый та у адӕймагӕн йӕ хъӕздыгдзинад.

28 Рӕстдзинады фӕндагыл ис цард+, ӕмӕ уыцы фӕндаг мӕлӕтмӕ нӕ кӕны+.