Псалом

64 О Хуыцау, мӕ тыхсты мын мӕ хъӕлӕс фехъус+.

Ме знӕгтӕ мӕ тасы ӕфтауынц, лӕбурынц мӕм, ӕмӕ мын мӕ цард бахъахъхъӕн+.

 2 Бамбӕхс мӕ ӕвзӕргӕнджыты сусӕг фӕндтӕй+,

Чи сӕмбырд, уыцы фыдгӕнджытӕй+.

 3 Уыдон се ’взӕгтӕ хъамайау сцыргъ кодтой+,

Ныхъхъавыдысты сӕ фатӕй, сӕ маргӕйдзаг ӕвзагӕй+,

 4 Цӕмӕй се ’мбӕхсӕнтӕй ӕхсой ӕнӕфау адӕймаджы+.

Ӕнӕнхъӕлӕджы йӕ фехсынц ӕмӕ тӕрсгӕ дӕр нӕ кӕнынц+.

 5 Сӕ фыдӕвзаг йӕ кӕнон нӕ уадзы+.

Уынаффӕ кӕнынц, цӕмӕй сусӕгӕй къӕппӕджытӕ ӕрӕвӕрой+.

Ӕмӕ дзурынц: «Чи сӕ фендзӕн?»+

 6 Хъуыды кӕнынц, фыдхъуыддаг куыд ракӕной, ууыл+.

Сусӕг кӕнынц, лыстӕггай кӕй спълан кодтой, уыцы хинвӕндтӕ+.

Сӕ мидӕг, сӕ зӕрдӕйы, цы ис, уымӕн базонӕн нӕй+.

 7 Фӕлӕ сыл Хуыцау ӕнӕнхъӕлӕджы фат суадздзӕн+,

Ӕмӕ фӕцӕф уыдзысты+.

 8 Уыдон иннӕты рӕдийын кӕнынц+,

Фӕлӕ се ’взаг сӕхирдӕм фӕуыдзӕн+.

Чи сӕ фена, уый-иу йӕ сӕр батилдзӕн+,

 9 Ӕмӕ зӕххон адӕм иууылдӕр фӕтӕрсдзысты+.

Уыдон дзурдзысты Хуыцауы хъуыддӕгты тыххӕй+

Ӕмӕ йын йӕ хъуыддӕгтӕ бамбардзысты+.

10 Рӕстгӕнӕгӕн Йегъовӕ уыдзӕн йӕ цин ӕмӕ йӕхи йе уазӕг бакӕндзӕн+.

Рӕстзӕрдӕ адӕм се ’ппӕт дӕр Хуыцауӕй уыдзысты сӕрыстыр+.