91 Иунӕг Стыр Хуыцауы+ ӕмбӕхсӕн бынаты+ чи цӕры,
Уый Ӕппӕтхъомысджын йӕ базыры аууон бакӕндзӕн+.
2 Ӕз зӕгъдзынӕн Йегъовӕйӕн: «Ды дӕ ме ’мбӕхсӕн ӕмӕ мӕ фидар мӕсыг+,
Ды дӕ мӕ Хуыцау, дӕуыл дардзынӕн мӕ зӕрдӕ»+.
3 Уый дӕ фервӕзын кӕндзӕн цъиуахсӕджы къӕппӕгӕй+,
Фыдбылызтӕ чи хӕссы, ахӕм фыднизӕй+.
4 Йӕ базыртӕй дӕ ӕрбамбӕрздзӕн ӕмӕ дӕм никӕй ӕрбауадздзӕн+,
Йӕ базырты бын бамбӕхсдзынӕ+.
Йӕ иузӕрдиондзинад+ дын уыдзӕн стыр уарт+ ӕмӕ фидар къул.
5 Нӕ фӕтӕрсдзынӕ, ӕхсӕв цы ӕвирхъау хабӕрттӕ цӕуы, уыдонӕй+,
Ӕмӕ, боныгон чи ратӕхы, уыцы фатӕй+,
6 Нӕдӕр, талынджы чи рацу-бацу кӕны, уыцы фыднизӕй+,
Нӕдӕр, адӕм ӕмбисбон цӕмӕй цагъды кӕнынц, уымӕй+.
7 Мин адӕймаджы ӕрхаудзысты дӕ разы,
Ӕмӕ дӕс мины – дӕ рахиз фарс.
Фӕлӕ дӕумӕ уыдӕттӕй хӕстӕг дӕр ницы ӕрбацӕудзӕн+.
8 Ӕрмӕст дӕ цӕстытӕй кӕсдзынӕ+
Ӕмӕ уындзынӕ, фыдгӕнджытӕ ӕфхӕрд куыд ӕййафынц, уый+.
9 Афтӕ кӕй загътай: «Йегъовӕ у ме ’мбӕхсӕн»+,
Уымӕй ды Иунӕг Стыр Хуыцауы скодтай дӕ фидар мӕсыг+.
10 Бӕллӕх дӕ нӕ баййафдзӕн+
Ӕмӕ дӕ цатырмӕ фыдниз хӕстӕг не ’рбацӕудзӕн+,
11 Уымӕн ӕмӕ дӕ йӕ зӕдтӕн бафӕдзӕхсдзӕн+,
Цӕмӕй дын дӕ алы къахдзӕф дӕр хъахъхъӕной+.
12 Сӕ къухтыл дӕ ахӕсдзысты+,
Цӕмӕй дӕ къах дурыл ма скъуырай+.
13 Домбайыл ӕмӕ кобрӕйыл ныллӕудзынӕ+,
Тыхджын домбайы ӕмӕ стыр калмы дӕ къӕхты бын ныссӕнддзынӕ+.
14 Кӕй мӕ бауарзта+,
Уый тыххӕй йӕ фервӕзын кӕндзынӕн+.
Бахъахъхъӕндзынӕн ӕй, уымӕн ӕмӕ мын мӕ ном базыдта+.
15 Ӕххуысмӕ мӕм фӕсиддзӕн, ӕмӕ йӕ ӕз фехъусдзынӕн+.
Йемӕ уыдзынӕн зын сахат+.
Фервӕзын ӕй кӕндзынӕн ӕмӕ йӕ скадджын кӕндзынӕн+.
16 Царды бонтӕй йӕ бафсаддзынӕн+
Ӕмӕ йын фенын кӕндзынӕн, куыд ирвӕзын кӕнын, уый+.