2 Коринфӕгтӕм

13 Ныр мӕхи ӕртыккаг хатт+ рӕвдз кӕнын сымахмӕ ’рцӕуынмӕ. «Алы хъуыддаг дӕр хъуамӕ сбӕлвырд уа дыууӕ кӕнӕ ӕртӕ ӕвдисӕны ныхасмӕ гӕсгӕ»+. 2 Кӕд ныртӕккӕ уӕ фарсмӕ нӕ дӕн, уӕддӕр мын мӕ ныхӕстӕ афтӕ айсут, цыма уӕм дыккаг хатт ӕрцыдтӕн ӕмӕ уемӕ дӕн. Гъемӕ уый размӕ куыд дзырдтон, афтӕ та ногӕй фӕдзӕхсын, тӕригъӕды фӕндагыл чи ацыд, уыдоны дӕр ӕмӕ иннӕты дӕр: кӕд ма уӕм ногӕй ӕрцӕуон, уӕд, ӕвзӕрдзинад чи аразы, уыдонӕн нӕ фӕтӕригъӕд кӕндзынӕн+. 3 Афтӕмӕй уын сбӕлвырд кӕндзынӕн, мӕ дзыхӕй Чырысти кӕй дзуры, уый+. Ӕмӕ Чырысти та сымахимӕ йӕхи лӕмӕгъӕй не ’вдисы, фӕлӕ тыхджынӕй. 4 Раст у, лӕмӕгъдзинады+ тыххӕй* йӕ байтыгътой+, фӕлӕ Хуыцауы тыхы фӕрцы ӕгас у+. Раст у уый дӕр, ӕмӕ мах ныртӕккӕ лӕмӕгъ стӕм, уый куыд уыди лӕмӕгъ, афтӕ, фӕлӕ йемӕ цӕргӕ дӕр кӕндзыстӕм+, Хуыцау уӕ мидӕг цы тыхӕй+ архайы, уый фӕрцы.

5 Уӕ зӕрдӕтӕм-иу ныккӕсут, уырнындзинады фидар стут ӕви нӕ. Цавӕр адӕймӕгтӕ стут, уый-иу сбӕлвырд кӕнут+. Ӕви йӕ нӕ зонут, Чырысти уемӕ иудзинады кӕй ис?+ Кӕд Хуыцауы хорзӕхӕй ӕнӕхай нӕ фестут, уӕд хъуамӕ афтӕ уа. 6 Ныфс мӕ ис, ӕмӕ йӕ базондзыстут, мах Хуыцауы хорзӕхӕй ӕнӕхай кӕй нӕ фестӕм.

7 Хуыцаумӕ кувӕм+, цӕмӕй ӕвзӕрӕй мацы аразат. Уый тыххӕй нӕ, цӕмӕй афтӕ зына, цыма мах Хуыцауы хорзӕх ис, фӕлӕ цӕмӕй, афтӕ куы зына, ӕмӕ мах йӕ хорзӕх нӕй, уӕддӕр сымах, хорз цы у, уый аразат. 8 Махӕн рӕстдзинады* ныхмӕ нӕ бон ницы у саразын, фӕлӕ ӕппӕт дӕр аразӕм рӕстдзинады тыххӕй+. 9 Сымах фидар+ куы вӕййут, уӕд мах цин фӕкӕнӕм – нӕ нӕ фӕхъӕуы сымах сраст кӕнынӕн нӕ тых равдисын. Ӕмӕ кувгӕ+ дӕр уый тыххӕй кӕнӕм, цӕмӕй-иу, цы хъӕуы, уый аиват. 10 Адӕттӕ уӕм дардӕй дӕр уымӕн фыссын, цӕмӕй, уемӕ куы уон, уӕд, нӕ Хицау мын уӕ ныфс сӕттынӕн нӕ, фӕлӕ уӕ бафидар кӕнынӕн+ цы бартӕ радта, уыдонӕй карзӕй ма архайон+.

11 Гъемӕ уӕдӕ, ме ’фсымӕртӕ, дарддӕр дӕр цин кӕнут, цы хъӕуы, уый-иу аивут, иннӕтӕ уын цы удӕнцой ӕрхӕссынц+, уымӕн аргъ кӕнут, иу зондыл хӕст ут+, кӕрӕдзиимӕ хӕларӕй цӕрут+, ӕмӕ уарзондзинады ӕмӕ фарны+ Хуыцау уыдзӕн уемӕ. 12 Салам дӕтгӕйӕ-иу кӕрӕдзийӕн ӕфсымӕртау апъа кӕнут+. 13 Сыгъдӕджытӕ уын иууылдӕр салӕмттӕ ӕрвитынц.

14 Уе ’ппӕт дӕр хайджын ут нӕ Хицау Йесо Чырыстийы стыр хорзӕхӕй, Хуыцауы уарзтӕй ӕмӕ, не ’ппӕтӕн иумӕ хорздзинӕдтӕ чи хӕссы, уыцы сыгъдӕг тыхӕй.