Псалом

74 О Хуыцау, ӕнустӕм нӕ цӕмӕн ныууагътай?+

Дӕ маст цӕмӕн судзы, кӕй хизыс, уыцы фыстӕм?+

 2 Ӕрхъуыды кӕн, раджы дӕхицӕн кӕй самал кодтай, уыцы ӕмбырд+,

Дӕхицӕн кӕй балхӕдтай, бынӕн кӕй райстай, уыцы адӕмы*+

Ӕмӕ ацы хох Сион – дӕ цӕрӕнбынат+.

 3 Де ’ргом аздах ӕнусон хӕлддзӕгтӕм+.

Знаг ницыуал ныууагъта сыгъдӕг бынаты+.

 4 Де знӕгты хъӕр цӕуы де ’мбырдгӕнӕн бынаты астӕуӕй+.

Уыдон ӕрсагътой сӕхи нысӕнттӕ+.

 7 Дӕ кувӕндон дын арты хай бакодтой+.

Дӕ ном чи хӕссы, уыцы цатырӕй фӕхынджылӕг кодтой, зӕххы йӕ ныссӕстой+.

 8 Уыдон сӕ байзӕддӕгтимӕ сӕхинымӕр ӕмхуызонӕй загътой:

«Ацы зӕххыл Хуыцауӕн цыдӕриддӕр ӕмбырдгӕнӕн бынӕттӕ ис, уыдон арты хай бауыдзысты»+.

 9 Никуы уынӕм нӕ нысӕнттӕ. Иу пехуымпар дӕр нал ис+,

Иу дӕр нӕ нӕ зоны, цас ма уыдзӕн афтӕ.

10 О Хуыцау, цас ма дӕ ӕфхӕрдзӕн фыдгул?+

Знаг дын дӕ ном ӕнустӕм кӕндзӕн хынджылӕггаг?+

11 Дӕ къух, дӕ рахиз къух, дӕ дӕлармӕй куы райстай, хӕрдмӕ йӕ куы систай,

Уӕд ӕй цӕмӕн уромыс?+ Ай мӕнӕ сӕфгӕ куы кӕнӕм!

12 Фӕлӕ уӕддӕр Хуыцау у мӕ Паддзах раджы замантӕй фӕстӕмӕ+,

Уый стыр ирвӕзындзинад дӕтты зӕххыл+.

13 Ды дӕ хъаруйӕ сызмӕлын кодтай денджыз+,

Денджызы цӕрӕг стыр цӕрӕгойтӕн доны мидӕг сӕ сӕртӕ ныппырх кодтай+.

14 Ды ныцъцъӕл кодтай левиафаны* сӕртӕ+.

Ӕмӕ йӕ хӕрынӕн радтай адӕмӕн, ӕнӕдон бӕстӕйы чи цӕры, уыдонӕн+.

15 Ды суадонӕн бакодтай фӕндаг, ӕмӕ дон рагуылф кодта+.

Ды бахус кодтай ӕнӕсысгӕ цӕугӕдӕттӕ+.

16 Бон дӕр дӕу у ӕмӕ ӕхсӕв дӕр+.

Ды скодтай рухсгӕнӕн – хур+.

17 Ды сӕвӕрдтай зӕххы арӕнтӕ иууылдӕр+.

Ды скодтай сӕрд дӕр ӕмӕ зымӕг дӕр+.

18 Ӕрхъуыды кӕн, о Йегъовӕ, знаг дӕ кӕй ӕфхӕры+

Ӕмӕ дын ӕнӕзонд адӕм дӕ ном хынджылӕггаг кӕй кӕнынц+.

19 Де ’хсинӕджы уд хъӕддаг сырды амӕттаг ма фӕкӕн+.

Дӕ адӕмӕй ӕфхӕрд чи у, уыдоны цард ӕнустӕм ма ферох кӕн+.

20 Ӕрхъуыды кӕн дӕ бадзырд+,

Уымӕн ӕмӕ зӕххыл цы талынг рӕттӕ ис, уыдон байдзаг сты тыхгӕнджыты бадӕнтӕй+.

21 Ма бауадз, цӕмӕй ӕфхӕрд адӕймаг ӕгады бынаты уа+.

Ӕфхӕрд адӕймаг ӕмӕ дын мӕгуыр адӕймаг дӕ ном скадджын кӕнӕнт+.

22 О Хуыцау, сыст ӕмӕ дӕ хъуыддаг дӕхӕдӕг рӕстӕй равзар+.

Ӕрхъуыды кӕн, ӕнӕзонд адӕймаг дӕ ӕнӕхъӕн бон куыд ӕфхӕрдта, уый+.

23 Ма ферох кӕн де знӕгты хъӕлӕс+.

Дӕ ныхмӕ чи цӕуы, уыдонӕн сӕ хъӕлӕба ӕдзух уӕларвмӕ хӕццӕ кӕны+.