Псалом

84 Куыд тынг дын уарзын дӕ кадджын цатыр+,

О Йегъовӕ, ӕфсӕдты хицау!+

 2 Мӕ уд бӕллы Йегъовӕйы кӕртытӕм, батад уыдон мысгӕйӕ+.

Мӕ зӕрдӕ ӕмӕ мӕ буар фырцинӕй зарынц удӕгас Хуыцауӕн+.

 3 Суанг цъиу дӕр ссары хӕдзар

Ӕмӕ зӕрватыкк скӕны ахстон йӕхицӕн

Ӕмӕ йӕ лӕппынтӕн

Дӕ кадджын нывондхӕссӕны раз, о Йегъовӕ, ӕфсӕдты хицау, мӕ Паддзах ӕмӕ мӕ Хуыцау!

 4 Амондджын сты, дӕ хӕдзары чи цӕры, уыдон!+

Уыдон дӕ ӕдзухдӕр кадджын кӕнынц+. (Села́)

 5 Амондджын сты, сӕ хъару ды кӕмӕн дӕ+

Ӕмӕ сӕ зӕрдӕ дӕ хӕдзармӕ кӕнӕг фӕндӕгтыл кӕмӕн ис, уыдон+.

 6 Бакайы*+ къутӕртӕ кӕм зайы, уыцы ӕнӕдон дӕлвӕзы куы фӕцӕйцӕуынц,

Уӕд ӕй суадон фестын кӕнынц.

Ӕмӕ зондамонӕгӕн+ фӕарфӕ кӕнынц.

 7 Фӕндагыл цӕугӕйӕ сӕ хъарутыл хъарутӕ ӕфтдзӕн+.

Алчидӕр сӕ ӕрлӕууы Хуыцауы раз, Сионы хохыл+.

 8 О Йегъовӕ, ӕфсӕдты Хуыцау, мӕ куывд мын фехъус+.

Дӕ хъус мӕм ӕрдар, о Иаковы Хуыцау+. (Села́)

 9 О Хуыцау, нӕ уарт, де ’ргом раздах+,

Ӕркӕс дӕ сӕрст лӕггадгӕнӕгмӕ+.

10 Иу бон дӕ кӕртыты – уый хуыздӕр у мин бонӕй ӕндӕр искуы+.

Фыддзинады цатырты цӕрыны бӕсты+

Фӕлтау лӕудзынӕн мӕ Хуыцауы хӕдзары къӕсӕрыл+,

11 Уымӕн ӕмӕ Йегъовӕ Хуыцау у нӕ хур+ ӕмӕ нӕ уарт+,

Уый дӕтты хорзӕх ӕмӕ кад+.

Ӕнаипп чи у, уыдонӕн Йегъовӕ нӕ бавгъау кӕндзӕн хорздзинӕдтӕ+.