2 Азфыстыты

6 Уӕд Соломон загъта+: «Йегъовӕ, ды дӕхӕдӕг загътай, саудалынджы астӕу кӕй цӕрдзынӕ+. 2 Ӕз та дын сарӕзтон кадджын хӕдзар+, ӕнустӕм кӕм цӕрай, ахӕм бынат»+.

3 Уый фӕстӕ паддзах адӕммӕ разылд ӕмӕ ӕгас Израилы адӕмӕн раарфӕ кодта+, Израилы адӕм та се ’ппӕт дӕр кодтой лӕугӕ+. 4 Паддзах загъта: «Табу Израилы Хуыцау Йегъовӕйӕн+, мӕ фыд Давидимӕ йӕхи дзыхӕй чи ныхас кодта+ ӕмӕ йын зӕрдӕ цӕмӕй бавӕрдта, уый йӕхи къухӕй чи сӕххӕст кодта+, уыцы Хуыцауӕн. Уый афтӕ загъта: 5 „Мӕ адӕмы Египеты зӕххӕй цы бон ракодтон, уыцы бонӕй фӕстӕмӕ Израилы ӕппӕт мыггӕгты горӕттӕй иу дӕр нӕ равзӕрстон, цӕмӕй дзы, мӕ ном+ кӕм уа, ахӕм хӕдзар сарӕзтаиккой, стӕй иу адӕймаджы дӕр нӕ равзӕрстон, цӕмӕй мӕ адӕмӕн, Израилӕн, разамонӕг уыдаид+. 6 Фӕлӕ ӕз равзӕрстон Иерусалим+, цӕмӕй мӕ ном уым уа, ӕмӕ Давиды, цӕмӕй мӕ адӕмӕн, Израилӕн, уа разамонӕг“+. 7 Мӕ фыд Давидӕн йӕ зӕрды уыд Израилы Хуыцау Йегъовӕйы номыл хӕдзар саразын+. 8 Фӕлӕ Йегъовӕ мӕ фыд Давидӕн загъта: „Дӕуӕн дӕ зӕрды уыд мӕ номыл хӕдзар саразын – ӕмӕ, дӕ зӕрдӕйы ахӕм фӕнд кӕй уыд, уый хорз у+. 9 Фӕлӕ уыцы хӕдзар ды нӕ сараздзынӕ+. Мӕ номыл хӕдзар сараздзӕн дӕ фырт, дӕуӕй чи рацӕуа, уый“+. 10 Ӕмӕ Йегъовӕ йӕ ныхас сӕххӕст кодта+. Уый загъта, мӕ фыд Давиды бынат ӕз кӕй бацахсдзынӕн+ ӕмӕ Израилы паддзахбадӕныл кӕй ӕрбаддзынӕн+, Йегъовӕ зӕрдӕ куыд бавӕрдта, афтӕ+, ӕмӕ Израилы Хуыцау Йегъовӕйы номыл хӕдзар кӕй сараздзынӕн+ 11 ӕмӕ уым кӕй сӕвӕрдзынӕн, Йегъовӕйы бадзырды къӕйдуртӕ кӕм сты, уыцы чырын+. Уыцы бадзырд скодта Израилы фырттимӕ»+.

12 Уый фӕстӕ Соломон слӕууыд Йегъовӕйы нывондхӕссӕны раз, ӕппӕт Израилы адӕмы раз+, ӕмӕ йӕ къухтӕ арвмӕ сдардта+. 13 Соломон лӕууыд, ӕрхуыйӕ цы бӕрзонд лӕууӕнбынат скодта+ ӕмӕ кӕрты+ астӕу кӕй сӕвӕрдта, ууыл. Лӕууӕнбынатӕн йӕ дӕргъ уыд фондз ӕлмӕрины, йӕ уӕрх дӕр – фондз ӕлмӕрины, йӕ бӕрзӕнд та – ӕртӕ ӕлмӕрины. Ӕмӕ ӕппӕт Израилы адӕмы раз йӕ зонгуытыл ӕрлӕууыд+, йӕ къухтӕ арвмӕ сдардта+ 14 ӕмӕ скуывта: «О Йегъовӕ, Израилы Хуыцау+, дӕу хуызӕн Хуыцау нӕй+ нӕдӕр уӕлӕрвты, нӕдӕр зӕххыл. Ды ӕххӕст кӕныс дӕ бадзырд+ ӕмӕ ӕнувыд уарзтӕй уарзыс дӕ лӕггадгӕнджыты, ӕппӕт зӕрдӕйӕ дын чи лӕггад кӕны, уыдоны+. 15 Ды сӕххӕст кодтай, дӕ лӕггадгӕнӕг Давидӕн, мӕ фыдӕн, зӕрдӕ цӕмӕй бавӕрдтай, уый+. Ды йын дӕхи дзыхӕй зӕрдӕ бавӕрдтай ӕмӕ йын цы загътай, уый дӕхи къухӕй сӕххӕст кодтай, абон куыд у, афтӕ+. 16 Ӕмӕ ныр, о Йегъовӕ, Израилы Хуыцау, сӕххӕст кӕн, дӕ лӕггадгӕнӕг Давидӕн, мӕ фыдӕн, зӕрдӕ цӕмӕй бавӕрдтай, уый, зӕгъгӕ, кӕд дӕ фырттӕ+ сӕ фӕндӕгтӕм кӕсой ӕмӕ, ды мӕ фӕндонмӕ гӕсгӕ куыд цардтӕ+, афтӕ уыдон дӕр мӕ закъонмӕ гӕсгӕ цӕрой+, уӕд дӕ байзӕддӕгтӕ ӕнустӕм баддзысты мӕ разы Израилы паддзахбадӕныл+. 17 О Йегъовӕ, Израилы Хуыцау+, дӕ лӕггадгӕнӕг Давидӕн зӕрдӕ цӕмӕй бавӕрдтай+, уый сӕххӕст уӕд+.

18 Уӕвгӕ, Хуыцау зӕххыл, адӕмимӕ цӕрдзӕн?+ Уӕлӕрвты ӕмӕ суанг арвы кӕрӕтты дӕр куы нӕ цӕуыс+, уӕд дын ӕз кӕй сарӕзтон, уыцы хӕдзары куыд хъуамӕ бацӕуай!+ 19 О мӕ Хуыцау Йегъовӕ, раздах де ’ргом дӕ цагъары куывдмӕ+ ӕмӕ йӕ лӕгъстӕмӕ+. Фехъус, дӕ цагъар дын цӕй тыххӕй лӕгъстӕ кӕны+ ӕмӕ дӕм цӕй тыххӕй кувы, уый+. 20 Бон дӕр ӕмӕ ӕхсӕв дӕр дӕ цӕст дар+ ацы хӕдзармӕ, афтӕ кӕмӕй загътай, уым уыдзӕн мӕ ном+, зӕгъгӕ, уыцы бынатмӕ, ӕмӕ фехъус, дӕ цагъар дӕм ацы бынаты ’рдӕм кӕсгӕйӕ цӕй тыххӕй кувы, уый+. 21 Дӕ цагъар+ ӕмӕ дын дӕ адӕм Израил ацы бынаты ’рдӕм кӕсгӕйӕ куы лӕгъстӕ кӕной+ ӕмӕ дӕм куы кувой, уӕд-иу сӕ фехъус. Фехъус-иу сӕ дӕ цӕрӕнбынатӕй, уӕлӕрвтӕй+, фехъус-иу сӕ ӕмӕ-иу сын ныххатыр кӕн+.

22 Иу адӕймаг иннӕйы исты хъуыддаджы куы аххосджын кӕна+ ӕмӕ йӕ куы расомы кӕнын* кӕна+, ӕмӕ уыцы адӕймаг, кӕй расомы кодта, уый тыххӕй ацы хӕдзармӕ дӕ нывондхӕссӕны размӕ куы ’рбацӕуа+, 23 уӕд-иу ӕй фехъус уӕлӕрвтӕй+ ӕмӕ-иу дӕ лӕггадгӕнджытӕн сӕ хъуыддаг равзар+: фыдгӕнӕгӕн цы ’мбӕлы, уый йын бакӕн, цы сарӕзта, уый йын йӕхи сӕрӕн бавзарын кӕн+, рӕстгӕнӕджы та банымай рӕстгӕнӕгыл+ ӕмӕ йын йӕ рӕстдзинадмӕ гӕсгӕ раарфӕ кӕн+.

24 Дӕ адӕм Израил дӕ разы тӕригъӕд куы аразой+ ӕмӕ сӕ уый тыххӕй знаг куы ныппырх кӕна+, фӕлӕ куы раздӕхой+ ӕмӕ дын дӕ ном куы скадджын кӕной+, ацы хӕдзары дӕм куы скувой+ ӕмӕ дын куы ныллӕгъстӕ кӕной+, 25 уӕд-иу сӕ фехъус уӕлӕрвтӕй+ ӕмӕ-иу дӕ адӕм Израилӕн сӕ тӕригъӕд ныххатыр кӕн+ ӕмӕ-иу сӕ фӕстӕмӕ ӕркӕн+, уыдонӕн ӕмӕ сӕ фыдӕлтӕн кӕй радтай, уыцы зӕхмӕ+.

26 Дӕ адӕм дӕ разы тӕригъӕд куы аразой+ ӕмӕ уый тыххӕй арвы дуар куы сӕхгӕна ӕмӕ къӕвда куы нал уара+, фӕлӕ сӕ кӕй бафхӕрдтай, уый тыххӕй дӕм ацы бынаты ’рдӕм кӕсгӕйӕ куы скувой+, дӕ ном дын куы скадджын кӕной ӕмӕ сӕ тӕригъӕдджын хъуыддӕгтӕ куы ныууадзой+, 27 уӕд-иу сӕ фехъус уӕлӕрвтӕй ӕмӕ-иу дӕ лӕггадгӕнджытӕн, дӕ адӕм Израилӕн, сӕ тӕригъӕд ныххатыр кӕн,– уымӕн ӕмӕ сӕ ды аразыс+ хорз фӕндагыл+, кӕуыл сӕ хъӕуы цӕуын, уыцы фӕндагыл,– ӕмӕ-иу дӕ зӕххыл, дӕ адӕмӕн бынӕн кӕй радтай, уыцы зӕххыл+, къӕвда рауадз+.

28 Зӕххыл ӕххормаг+ заман куы скӕна, адӕмыл фыдниз+ куы сыста, судзгӕ дымгӕ+ куы рацӕуа кӕнӕ зайӕгойтыл низ+ куы фӕзына, бӕстӕ мӕтыхтӕй+ кӕнӕ хъӕндилтӕй*+ куы байдзаг уа кӕнӕ сын знӕгтӕ+ сӕ горӕттыл куы ’ртыхсой+,– цыфӕнды бӕллӕх кӕнӕ цыфӕнды низ+ ма уа,– 29 ӕмӕ дӕм сӕ исчи кӕнӕ дӕ адӕм Израил се ’ппӕт дӕр+ куы скувой+, куы дын лӕгъстӕ кӕной+,– уымӕн ӕмӕ сӕ алчидӕр зоны йӕ рыст+ ӕмӕ йӕ маст,– ӕмӕ ацы хӕдзармӕ сӕ къухтӕ куы ивазой+, 30 уӕд-иу сӕ фехъус уӕлӕрвтӕй, дӕ цӕрӕнбынатӕй+, ӕмӕ-иу сын ныххатыр кӕн+ ӕмӕ-иу сӕ алкӕмӕн дӕр, йӕ хъуыддӕгтӕм гӕсгӕ йын цы ’мбӕлы, уый ратт+, уымӕн ӕмӕ ды зоныс, йӕ зӕрдӕйы+ цы ис, уый,– о, ӕрмӕстдӕр ды зоныс, адӕймаджы зӕрдӕйы цы ис, уый+,– 31 цӕмӕй дӕ тӕрсой+ ӕмӕ дӕ фӕндӕгтыл цӕуой, нӕ фыдӕлтӕн кӕй радтай, уыцы зӕххыл цалынмӕ цӕрой, уӕдмӕ+.

32 Дӕ адӕм Израилӕй чи нӕу+, ахӕм ӕндӕрбӕстаг дард бӕстӕйӕ де стыр номы тыххӕй+, дӕ фидар къух+ ӕмӕ дӕ тыхджын цонджы+ тыххӕй куы ’рцӕуа, о, куы ’рцӕуа ӕмӕ ацы хӕдзармӕ кӕсгӕйӕ куы скува+, 33 уӕд-иу ӕй фехъус уӕлӕрвтӕй, дӕ цӕрӕнбынатӕй+, ӕмӕ-иу сараз, ӕндӕрбӕстаг дӕм цӕй тыххӕй кува, уыдон иууылдӕр+, цӕмӕй дын зӕххыл ӕппӕт адӕмтӕ дӕр дӕ ном зоной+ ӕмӕ дӕ тӕрсой+, дӕ адӕм Израил дӕ куыд тӕрсынц, афтӕ, ӕмӕ йӕ цӕмӕй зоной, ацы хӕдзар, ӕз кӕй сарӕзтон, уый, дӕ ном кӕй хӕссы+.

34 Дӕ адӕм, ды сӕ цы фӕндагыл арвитай+, ууыл се знӕгты ныхмӕ хӕстмӕ+ куы рацӕуой ӕмӕ, дӕхицӕн кӕй равзӕрстай, уыцы горӕты ’рдӕм ӕмӕ, ӕз дӕ номыл кӕй сарӕзтон, уыцы хӕдзары ’рдӕм кӕсгӕйӕ дӕм+ куы скувой+, 35 уӕд-иу сын уӕлӕрвтӕй сӕ куывд ӕмӕ сӕ лӕгъстӕ фехъус+ ӕмӕ-иу сын сӕ хъуыддаг рӕстӕй равзар+.

36 Дӕ разы тӕригъӕд куы саразой+,– уымӕн ӕмӕ иу адӕймаг дӕр ахӕм нӕй, тӕригъӕд чи нӕ аразы+,– ӕмӕ сӕм дӕ маст куы ссудза ӕмӕ сӕ се знӕгты къухмӕ куы раттай, ӕмӕ сӕ уыдон, дард чи у кӕнӕ хӕстӕг чи у, уыцы зӕхмӕ уацары куы акӕной+, 37 ӕмӕ сӕ уацары кӕдӕм акӕной, уыцы зӕххыл сӕхи куы ӕрӕмбарой ӕмӕ дӕм се ’ргом куы раздахой ӕмӕ дын куы лӕгъстӕ кӕной+, куы дзурой, мах тӕригъӕд ракодтам+, фӕрӕдыдыстӕм+ ӕмӕ фыдхъуыддӕгтӕ арӕзтам+, зӕгъгӕ, 38 ӕмӕ сӕ уацары чи акӕна, уыдонӕн уацайрӕгтӕ кӕм уой, уыцы зӕххыл+ дӕм ӕппӕт зӕрдӕйӕ+ ӕмӕ ӕппӕт удӕй куы раздӕхой ӕмӕ дӕм куы скувой, сӕ зӕххы ’рдӕм – сӕ фыдӕлтӕн сын кӕй радтай, уыцы зӕххы ’рдӕм кӕсгӕйӕ, дӕхицӕн кӕй равзӕрстай+, уыцы горӕты ’рдӕм ӕмӕ, ӕз дӕ номыл кӕй сарӕзтон, уыцы хӕдзары ’рдӕм кӕсгӕйӕ+, 39 уӕд-иу сын уӕлӕрвтӕй, дӕ цӕрӕнбынатӕй+, сӕ куывд ӕмӕ сӕ лӕгъстӕтӕ фехъус+ ӕмӕ-иу сын сӕ хъуыддаг рӕстӕй равзар+. Ӕмӕ-иу ныххатыр кӕн+ дӕ адӕмӕн, дӕ разы тӕригъӕд чи сарӕзта, уыдонӕн.

40 Ӕмӕ дӕ ныр, о мӕ Хуыцау, курӕг дӕн, де ’ргом раздах+ ӕмӕ фехъус+ ӕппӕт куывдтытӕ дӕр ацы бынаты тыххӕй. 41 Сыст+, о Йегъовӕ Хуыцау, бацу де ’нцойадмӕ+, дӕхӕдӕг дӕр ӕмӕ дын дӕ хъару чи ӕвдисы, уыцы Чырын дӕр+. О Йегъовӕ Хуыцау, дӕ сауджынтӕ равдисӕнт, ирвӕзындзинад ды кӕй дӕттыс*, ӕмӕ дыл иузӕрдион чи у, уыдон хорздзинадыл цин кӕнӕнт+. 42 О Йегъовӕ Хуыцау, дӕ сӕрст лӕггадгӕнӕджы дӕхицӕй ма аппар+. Ма ферох кӕн, дӕ лӕггадгӕнӕг Давиды цы ӕнувыд уарзтӕй уарзтай, уый»+.