Псалом

4 О мӕ рӕстаг Хуыцау+, куы дӕм сдзыназон, уӕд-иу мын дзуапп ратт.

Уынгӕджы куы уон, уӕд-иу мӕ фервӕзын кӕн.

Дӕ хорзӕх мӕ уӕд+ ӕмӕ мын мӕ куывд фехъус.

 2 Адӕймаджы фырттӕ, мӕ кад+ мын дӕлӕмӕ кӕдмӕ кӕндзыстут?

Кӕдмӕ уарздзыстут ӕнӕпайда хъуыддӕгтӕ?

Кӕдмӕ кӕндзыстут гӕдыныхӕстӕ? (Села́)

 3 Зонут ӕй, Йегъовӕ скадджын кӕндзӕн йӕ иузӕрдион лӕггадгӕнӕджы+,

Йегъовӕ мӕ фехъусдзӕн, куы йӕм сдзыназон, уӕд+.

 4 Куы смӕсты уат, уӕддӕр-иу тӕригъӕд ма саразут+.

Уӕ зӕгъинӕгтӕ-иу уӕхицӕн уӕ зӕрдӕты радзурут, уӕ хуыссӕныл хуысгӕйӕ+, ӕмӕ-иу мацыуал зӕгъут. (Села́)

 5 Хӕссут рӕстдзинады нывӕндтӕ+

Ӕмӕ уӕ зӕрдӕ дарут Йегъовӕйыл+.

 6 Бирӕтӕ дзурынц: «Чи нын фенын кӕндзӕн хорздзинад?»

О Йегъовӕ, раздах нӕм дӕ цӕсгомы рухс*+.

 7 Ды мын мӕ зӕрдӕ цинӕй+ байдзаг кӕндзынӕ,

Уыдон хор ӕмӕ ног сӕны бӕркадыл куыд цин кодтой, уымӕй стырдӕр уыдзӕн мӕ циндзинад+.

 8 Ӕнӕмӕтӕй схуысдзынӕн ӕмӕ фынӕй кӕндзынӕн+,

Уымӕн ӕмӕ ӕрмӕст дӕ фӕрцы, о Йегъовӕ, цӕрын ӕдасӕй+.