Матфейы
25 Уӕларвон паддзахад уыдзӕн, сиахсы+ размӕ ӕд цырӕгътӕ+ чи рацыд, ахӕм дӕс чызджы хуызӕн. 2 Уыдонӕй фондз уыдысты ӕнӕзонд+, фондз та – зондджын+. 3 Ӕнӕзонд чызджытӕ сӕ цырӕгътӕ рахастой, фӕлӕ семӕ сой нӕ райстой. 4 Зондджынтӕ та сӕ цырӕгътимӕ дурынты рахастой сой дӕр. 5 Сиахс куы нӕ ӕмӕ куы нӕ зынди, уӕд се ’ппӕтыл дӕр хуыссӕг фӕтых ӕмӕ ӕрфынӕй сты+. 6 Ӕмбисӕхсӕв чидӕр ныхъхъӕр кодта+: „Сиахс ӕрбацӕуы! Йӕ размӕ рацӕут!“ 7 Ӕмӕ чызджытӕ се ’ппӕт дӕр фестадысты ӕмӕ сӕ цырӕгътӕ+ барӕвдз кодтой. 8 Ӕмӕ уӕд ӕнӕзонд чызджытӕ зондджынтӕм бахатыдысты: „Уӕ сойӕ-ма+ нын авӕрут, кӕннод нӕ цырӕгътӕ ныртӕккӕ ахуысдзысты“. 9 Зондджын+ чызджытӕ та сын загътой: „Ӕмӕ уӕд нӕхи фаг дӕр куы нӕ суа ӕмӕ сымах фаг дӕр? Фӕлтау ацӕут уӕйгӕнджытӕм ӕмӕ уӕхицӕн сой балхӕнут“. 10 Цалынмӕ уыдон ӕлхӕнынмӕ цыдысты, уӕдмӕ сиахс ӕрбахӕццӕ, ӕмӕ, цӕттӕ чи уыди, уыцы чызджытӕ, чындзӕхсӕв+ кӕм кодтой, уырдӕм йемӕ бахызтысты, ӕмӕ уый фӕстӕ дуар ӕхгӕд ӕрцыд. 11 Уӕдмӕ иннӕ чызджытӕ дӕр ӕрбаздӕхтысты ӕмӕ мидӕмӕ хъӕр кӕнын райдыдтой: „Сиахс, сиахс, дуар нын бакӕн!“+ 12 Фӕлӕ сӕм уый радзырдта: „Чи стут? Ӕз уӕ нӕ зонын“+.
13 Уӕдӕ ма бафынӕй ут+, уымӕн ӕмӕ нӕдӕр уыцы бон зонут, нӕдӕр уыцы сахат+.
14 Уӕларвон паддзахад ма абарӕн ис, ӕндӕр бӕстӕм чи цыди+, иу ахӕм лӕг куыд бакодта+, уыимӕ. Уыцы лӕг йӕ цагъарты ӕрӕмбырд кодта ӕмӕ йӕм цыдӕриддӕр уыди, уый сын сӕ бар бакодта+. 15 Сӕ иуӕн дзы радта фондз таланты*, иннӕмӕн – дыууӕ, ӕртыккагӕн та – иу, йӕ бон сӕ кӕмӕн цас уыди, уымӕ гӕсгӕ+. Ӕмӕ уый фӕстӕ йӕ балцы араст. 16 Фондз таланты кӕмӕн радта, уый уайтагъд ацыди, спайда сӕ кодта ӕмӕ дзы ноджыдӕр бакуыста фондз таланты+. 17 Афтӕ бакодта, дыууӕ таланты кӕмӕн радта, уый дӕр, ӕмӕ дзы бакуыста ноджыдӕр дыууӕ таланты. 18 Иу талант кӕмӕн радта, уый та ацыд ӕмӕ йӕ хицауы ӕвзист ӕхца зӕххы баныгӕдта.
19 Рацыди бирӕ рӕстӕг+. Уыцы цагъартӕн сӕ хицау фӕстӕмӕ ӕрыздӕхт ӕмӕ сӕ ӕрфарста, чи сӕ цы сарӕзта, уымӕй+. 20 Фыццаг ӕм бацыди, фондз таланты кӕмӕн радта, уый. Йемӕ ма ӕрбахаста ноджыдӕр фондз таланты ӕмӕ йын загъта: „Мӕ буц хицау, фондз таланты мӕм радтай, ӕмӕ дын мӕнӕ ноджыдӕр фондз таланты бакуыстон“+. 21 Уӕд ын йӕ хицау загъта: „Тынг хорз, мӕ дзӕбӕх, ме ’ууӕнкджын цагъар!+ Гыццыл хъуыддаджы дӕхи ӕууӕнкджынӕй+ равдыстай, ӕмӕ дын дӕ бар стырдӕр хъуыддаг бакӕндзынӕн+. Цин кӕн+ дӕ хицауимӕ“. 22 Уый фӕстӕ йӕм бацыди, дыууӕ таланты кӕмӕн радта, уыцы цагъар дӕр ӕмӕ йын загъта: „Мӕ буц хицау, дыууӕ таланты мӕм радтай, ӕмӕ дын мӕнӕ ноджыдӕр дыууӕ таланты бакуыстон“+. 23 Хицау уымӕн дӕр загъта: „Тынг хорз, мӕ дзӕбӕх, ме ’ууӕнкджын цагъар! Гыццыл хъуыддаджы дӕхи ӕууӕнкджынӕй равдыстай, ӕмӕ дын дӕ бар стырдӕр хъуыддаг бакӕндзынӕн+. Цин кӕн+ дӕ хицауимӕ“.
24 Фӕстагмӕ йӕм бацыди, иу талант кӕмӕн радта, уыцы цагъар+ ӕмӕ йын загъта: „Мӕ буц хицау, ӕз ӕй зыдтон, ды карз лӕг кӕй дӕ: кӕм нӕ байтыдтай, уым кӕрдыс, ӕмӕ хор, дымгӕмӕ йӕ кӕм нӕ дардтай, уым дӕр ӕмбырд кӕныс. 25 Ӕмӕ дӕ тарстӕн+, ӕмӕ дын дӕ талант зӕххы баныгӕдтон. Мӕнӕ айс фӕстӕмӕ де ’хца“. 26 Уӕд ын йӕ хицау загъта: „Ӕвзӕр, зивӕггӕнаг цагъар! Зӕгъыс, ды зыдтай, кӕм нӕ байтыдтон, уым кӕй кӕрдын, ӕмӕ хор, дымгӕмӕ йӕ кӕм нӕ дардтон, уым дӕр кӕй ӕмбырд кӕнын? 27 Ӕмӕ мын уӕд ме ’взист ӕхца хъуамӕ раттаис ӕхцайы куыстгӕнджытӕм, цӕмӕй йӕ, фӕстӕмӕ ӕрыздӕхгӕйӕ, проценттимӕ райстаин“+.
28 Стӕй йӕ лӕггадгӕнджытӕн загъта: „Байсут ын йӕ талант ӕмӕ, дӕс таланты кӕмӕ ис, уымӕн ӕй раттут+. 29 Уымӕн ӕмӕ, кӕмӕ ис, уымӕн ратдзысты ноджы фылдӕр, ӕмӕ йӕм уыдзӕн бирӕ. Кӕмӕ нӕй, уымӕн та, цы йӕм ис, уый дӕр байсдзысты+. 30 Ацы ницӕйаг цагъары та аппарут ӕддӕмӕ, талынгмӕ. Уырдыгӕй цӕудзӕн йӕ кӕуын ӕмӕ йӕ хъӕрзын“+.
31 Адӕймаджы Фырт+ йе ’ппӕт зӕдтимӕ кадджын цыд куы ’ркӕна+, уӕд ӕрбаддзӕн йӕ кадджын паддзахбадӕныл+. 32 Ӕмӕ ӕппӕт адӕмтӕ дӕр йӕ разы ӕрӕмбырд уыдзысты+, ӕмӕ фыййау фысты сӕгътӕй куыд ахицӕн кӕны, афтӕ уый дӕр ахицӕн кӕндзӕн+ адӕмы+. 33 Ӕмӕ фысты ӕрлӕууын кӕндзӕн йӕ рахиз фарс+, сӕгъты та – йӕ галиу фарс+.
34 Уӕд паддзах, йӕ рахиз фарс чи лӕууа, уыдонӕн зӕгъдзӕн: „Рацӕут, мӕ Фыды арфӕйӕ хайджын чи у, уыдон!+ Бынӕн райсут+, дунейы фӕзындӕй* фӕстӕмӕ уын цӕттӕ чи у+, уыцы паддзахад+. 35 Уымӕн ӕмӕ ӕз уыдтӕн ӕххормаг, ӕмӕ мын бахӕрын кодтат+; уыдтӕн дойны, ӕмӕ мын дон радтат; уыдтӕн бӕлццон, ӕмӕ мӕ суазӕг кодтат+; 36 уыдтӕн бӕгънӕг+, ӕмӕ мыл дарӕс скодтат; уыдтӕн рынчын, ӕмӕ мӕм фӕкастыстут; бадтӕн ахӕстоны+, ӕмӕ мӕ бабӕрӕг кодтат“. 37 Ӕмӕ йӕ уӕд рӕстгӕнджытӕ бафӕрсдзысты: „Хицау, кӕд дӕ федтам ӕххормагӕй ӕмӕ дӕ кӕд бафсӕстам? Кӕнӕ дын кӕд уыди дойны+ ӕмӕ дын дон кӕд радтам?+ 38 Кӕд уыдтӕ бӕлццон ӕмӕ дӕ кӕд суазӕг кодтам? Кӕнӕ кӕд уыдтӕ бӕгънӕг ӕмӕ дыл дарӕс кӕд скодтам? 39 Науӕд кӕд уыдтӕ рынчын, йе та ахӕстоны кӕд бадтӕ ӕмӕ дӕ кӕд бабӕрӕг кодтам?“ 40 Ӕмӕ сын уӕд паддзах+ зӕгъдзӕн: „Ӕцӕг уын зӕгъын: мӕ гыццыл+ ӕфсымӕртӕй+ сӕ иуӕн цы сарӕзтат, уый мӕнӕн сарӕзтат“+.
41 Уый фӕстӕ та йе ’ргом аздахдзӕн, йӕ галиу фарс чи лӕууа, уыдонмӕ, ӕмӕ сын зӕгъдзӕн: „Цӕугӕ ут ардыгӕй!+ Сымах стут ӕлгъыст, ӕмӕ уӕ бынат ис, Хӕйрӕг ӕмӕ, йӕ фӕдыл чи ацыд, уыцы зӕдтӕм+ цы ӕнусон арт+ ӕнхъӕлмӕ кӕсы, уым. 42 Уымӕн ӕмӕ ӕз уыдтӕн ӕххормаг, ӕмӕ мын ницы бахӕрын кодтат+; уыдтӕн дойны+, ӕмӕ мын дон нӕ радтат; 43 уыдтӕн бӕлццон, ӕмӕ мӕ не суазӕг кодтат; уыдтӕн бӕгънӕг, ӕмӕ мыл дарӕс не скодтат+; уыдтӕн рынчын, бадтӕн ахӕстоны+, ӕмӕ мӕм нӕ фӕкастыстут“. 44 Ӕмӕ йӕ уӕд уыдон дӕр бафӕрсдзысты: „Хицау, кӕд уыдтӕ ӕххормаг, кӕнӕ дойны, кӕнӕ бӕлццон, кӕнӕ бӕгънӕг, кӕнӕ рынчын, кӕнӕ ахӕстоны, ӕмӕ дын кӕд нӕ балӕггад кодтам?“ 45 Ӕмӕ сын уӕд паддзах зӕгъдзӕн: „Ӕцӕг уын зӕгъын: мӕ гыццыл+ ӕфсымӕртӕй сӕ иуӕн цы нӕ сарӕзтат+, уый мӕнӕн нӕ сарӕзтат“+. 46 Ӕмӕ уыдон ӕнустӕм фесӕфдзысты+, рӕстгӕнджытӕ та ӕнустӕм цӕрдзысты»+.