Псалом

71 О Йегъовӕ, де уазӕг бакодтон мӕхи+.

Ма бауадз, цӕмӕй фӕхудинаг уон+.

 2 Дӕ рӕстдзинадмӕ гӕсгӕ мӕ ссӕрибар кӕн ӕмӕ мӕ фервӕзын кӕн+.

Дӕ хъус мӕм ӕрдар ӕмӕ мын баххуыс кӕн+.

 3 У мын къӕдзӕхыл ӕвӕрд фидар мӕсыг, мӕ бон алкӕддӕр кӕдӕм уа алидзын+.

Бардзырд ратт, цӕмӕй мӕ фервӕзын кӕной+,

Уымӕн ӕмӕ ды дӕ мӕ айнӕг къӕдзӕх ӕмӕ мӕ фидар мӕсыг+.

 4 О мӕ Хуыцау, фервӕзын мӕ кӕн фыдгӕнӕджы къухӕй+,

Хӕрамӕй чи архайы ӕмӕ иннӕты чи ссӕнды, уый къухӕй+.

 6 Дӕуыл дарын мӕ зӕрдӕ, гуыбыны куы уыдтӕн, уӕдӕй фӕстӕмӕ+.

Ды мӕ ракодтай мӕ мады гуыбынӕй+.

Дӕу кадджын кӕнын ӕдзухдӕр+.

 7 Бирӕтӕ мӕм кӕсынц диссагмӕ кӕсӕгау+,

Фӕлӕ ды дӕ мӕ фидар ӕмбӕхсӕн+.

 8 Мӕ дзыхӕй дӕ кады кой йеддӕмӕ ницы цӕуы+,

Ӕнӕхъӕн бон дзурын дӕ рӕсугъддзинадыл+.

 9 Куы базӕронд уон, уӕд мӕ ма аппар+.

Хъару мӕм куы нал уа, уӕд мӕ ма ныууадз+.

10 Ме знӕгтӕ мӕ кой кӕнынц+,

Марынмӕ мӕ чи хъавы, уыдон уынаффӕ кӕнынц сӕ кӕрӕдзиимӕ+.

11 Уыдон дзурынц: «Хуыцау ӕй ныууагъта+.

Асурут ӕй ӕмӕ йӕ ’рцахсут, уымӕн ӕмӕ йын ирвӕзынгӕнӕг нӕй»+.

12 О Хуыцау, дард ма лӕуу+.

О мӕ Хуыцау, тагъддӕр мӕм фӕзын ӕххуысмӕ+.

13 Мӕ ныхмӕ чи цӕуы, уыдон ныххудинаг уӕнт, сӕ кӕрон ӕрцӕуӕд+.

Фыдбылыз ракӕнынмӕ мын чи хъавы, уыдон худинаг ӕмӕ ӕгаддзинады бын фӕуӕнт+.

14 Ӕз та алкӕддӕр ӕнхъӕлмӕ кӕсдзынӕн дӕумӕ+

Ӕмӕ дын дӕ кад ноджы бӕрзонддӕр сисдзынӕн.

15 Ме ’взаг дзурдзӕн дӕ рӕстдзинады тыххӕй+,

Цы ирвӕзындзинад дӕттыс, уый тыххӕй дзурдзынӕн ӕнӕхъӕн бон+,

Уымӕн ӕмӕ уыцы хъуыддӕгтӕ уыйбӕрц сты, ӕмӕ сӕ мӕ бон банымайын дӕр нӕ бауыдзӕн+.

16 Ӕз ӕрцӕудзынӕн ӕмӕ радзурдзынӕн де стыр хъомысы тыххӕй+, о Дунедарӕг+ Хуыцау Йегъовӕ.

Ӕз дзурдзынӕн дӕ рӕстдзинады тыххӕй, ӕрмӕстдӕр дӕу рӕстдзинады тыххӕй+.

17 О Хуыцау, ды мӕ ахуыр кодтай мӕ гыццылӕй фӕстӕмӕ+,

Ӕмӕ ныры онг дӕр дзурын дӕ диссаджы хъуыддӕгты тыххӕй+.

18 Ӕмӕ куы базӕронд уон ӕмӕ мӕ сӕр куы сурс уа, уӕд дӕр мӕ, о Хуыцау, ма ныууадз+,

Цӕмӕй дӕ цонджы хъаруйы тыххӕй радзурон иннӕ фӕлтӕрӕн+,

Дӕ хъомысы тыххӕй – ӕрцӕуинаг чи у, уыдонӕн се ’ппӕтӕн дӕр+.

19 Дӕ рӕстдзинад, о Хуыцау, хӕццӕ кӕны бӕрзондмӕ+.

Ды сарӕзтай стыр хъуыддӕгтӕ+,

Ӕмӕ чи у дӕу хуызӕн, о Хуыцау?+

20 Бирӕ мӕстытӕ ӕмӕ мын бирӕ бӕллӕхтӕ фенын кодтай+,

Ӕмӕ мӕ ногӕй уд бауадз+.

Зӕххы арф дӕттӕй мӕ ногӕй сис+.

21 Бафтау мын мӕ кадыл+,

Бахъахъхъӕн мӕ ӕмӕ мын мӕ зӕрдӕ ӕрсабыр кӕн+.

22 Ӕмӕ дӕ ӕз кадджын кӕндзынӕн хъисфӕндырыл цӕгъдгӕйӕ+,

Кадджын дын кӕндзынӕн дӕ рӕстдзинад*, о мӕ Хуыцау+.

Дыууадӕстӕнон фӕндырыл дын цӕгъддзынӕн, о Израилы сыгъдӕг Хуыцау+.

23 Мӕ зӕрдӕ-иу куы зӕгъа дӕуӕн зарын, уӕд-иу ме ’взаг фырцинӕй ныззардзӕн+,

Ныззардзӕн-иу мӕ уд дӕр, ды кӕй фервӕзын кодтай, уый+.

24 Мӕ дзыхӕй ӕнӕхъӕн бон цӕудзӕн дӕ рӕстдзинады кой+,

Уымӕн ӕмӕ мын фыдбылыз ракӕнынмӕ чи хъавы, уыдон фӕхудинаг сты, сӕ худинаджы хъӕр айхъуыст+.