Псалом

41 Амондджын у, мӕгуыры чи ӕрхъуыды кӕны, уыцы адӕймаг+.

Бӕллӕхы бон ӕй Йегъовӕ фервӕзын кӕндзӕн+.

 2 Йегъовӕ йӕ хъахъхъӕндзӕн ӕмӕ йӕ мӕлӕтӕй бахиздзӕн+.

Зӕххыл ӕй хондзысты амондджын адӕймаг+.

Ды йӕ йе знӕгты къухмӕ нӕ ратдзынӕ+.

 3 Рынчын куы уа, уӕд ын Йегъовӕ ӕххуыс кӕндзӕн+.

Рынчынӕй йӕ ды фидар кӕндзынӕ+.

 4 Ӕз та загътон: «О Йегъовӕ, батӕригъӕд мын кӕн+.

Мӕ уд мын сдзӕбӕх кӕн, уымӕн ӕмӕ дӕ разы тӕригъӕд сарӕзтон»+.

 5 Ме знӕгтӕ мӕн тыххӕй фыдӕхзӕрдӕйӕ дзурынц+:

«Ай кӕд ныммӕлдзӕн, йӕ ном дӕр куыд фесӕфа?»

 6 Исчи мӕм рынчынфӕрсӕг куы ’рбацӕуа, уӕд йӕ зӕрдӕ дзурдзӕн мӕнгдзинад+.

Ӕвзӕрӕй мӕ цы зӕгъа, уый агурдзӕн,

Ӕмӕ куы ацӕуа, уӕд сӕ уынджы дзурдзӕн+.

 7 Йе сӕфт мӕ чи уыны, уыдон иууылдӕр ӕрӕмбырд сты, сусу-бусу кӕнынц+.

Мӕ ныхмӕ кӕнынц фыдвӕндтӕ ӕмӕ дзурынц+:

 8 «Бӕллӕх* ӕй баййӕфта+,

Ӕруатон ӕмӕ йӕ къахыл нал слӕудзӕн»+.

 9 Мемӕ хӕларӕй чи цард, мӕ зӕрдӕ кӕуыл дардтон+,

Мӕ къӕбӕр мын чи хордта+, уый дӕр мӕ ныхмӕ рацыд*+.

10 Ды та мын, о Йегъовӕ, уыцы хорзы бацу, ӕмӕ мӕ мӕ къахыл слӕууын кӕн+,

Цӕмӕй сын, цы ’мбӕлы, уый бакӕнон+.

11 Ӕз ӕй зонын, дӕ зӕрдӕйӕн зынаргъ кӕй дӕн,

Уымӕн ӕмӕ мыл ме знаг нӕ фӕуӕлахиз ӕмӕ фырцинӕй нӕ хъӕр кӕны+.

12 Ды мын баххуыс кодтай, рӕстӕй кӕй цӕрын, уый тыххӕй+,

Ӕмӕ мӕ дӕ цӕсгомы раз ӕрлӕууын кӕндзынӕ ӕнустӕм+.

13 Табу Йегъовӕйӕн, Израилы Хуыцауӕн+,

Ӕнусӕй-ӕнусмӕ+.

Аммен, аммен+.