1 Азфыстыты
27 Адон сты, Израилы фырттӕй паддзахы ӕфсады чи уыд, уыдоны къордтӕ. Уыцы къордты уыди хӕдзарвӕндӕгты+ хистӕртӕ+, минты сӕргъы ӕмӕ сӕдӕты+ сӕргъы чи лӕууыд, уыдон ӕмӕ, уыцы къордтӕ кӕй бар уыдысты, уыдон дӕр+. Уыцы къордтӕ афӕдзы дӕргъы алы мӕй дӕр кӕрӕдзи ивтой, ӕмӕ алы къорды дӕр уыди дыууын цыппар мин адӕймаджы.
2 Фыццаг мӕй цы къорд лӕггад кодта, уый сӕргъы уыд Завдиилы фырт Иашовам+. Йӕ къорды уыд дыууын цыппар мин адӕймаджы. 3 Фаресы+ фырттӕй чидӕртӕ ӕвӕрд уыдысты ӕппӕт къордты хистӕрты сӕргъы, ӕмӕ уыдон дӕр лӕггад кодтой фыццаг мӕй. 4 Дыккаг мӕй цы къорд лӕггад кодта, уый сӕргъы уыд ахохаг+ Додай+, разамонӕг та дзы уыд Миклоф. Йӕ къорды уыд дыууын цыппар мин адӕймаджы. 5 Ӕртыккаг мӕй цы къорд лӕггад кодта, уый хистӕр уыд хистӕр сауджын Иодайы+ фырт Ванейӕ+. Йӕ къорды уыд дыууын цыппар мин адӕймаджы. 6 Ванейӕ+ уыд ӕртын+ тыхджын адӕймагӕй сӕ иу ӕмӕ уыд уыцы ӕртын адӕймагӕн сӕ сӕргъы. Йӕ къорды сӕргъы лӕууыд йӕ фырт Аммизавад. 7 Цыппӕрӕм мӕй цы къорд лӕггад кодта, уый хистӕр уыд Иоавы ӕфсымӕр+ Асаил+, йӕ фӕстӕ та – йӕ фырт Зевади. Йӕ къорды уыд дыууын цыппар мин адӕймаджы. 8 Фӕндзӕм мӕй цы къорд лӕггад кодта, уый хистӕр уыд Шамгуф+, Израхийы хӕдзарвӕндагӕй. Йӕ къорды уыд дыууын цыппар мин адӕймаджы. 9 Ӕхсӕзӕм мӕй цы къорд лӕггад кодта, уый хистӕр уыд фекойаг+ Иккешы+ фырт Ира+. Йӕ къорды уыд дыууын цыппар мин адӕймаджы. 10 Ӕвдӕм мӕй цы къорд лӕггад кодта, уый хистӕр уыд пелойнаг+ Хелец+, Ефремы фырттӕй. Йӕ къорды уыд дыууын цыппар мин адӕймаджы. 11 Ӕстӕм мӕй цы къорд лӕггад кодта, уый хистӕр уыд хушаг Сивхай+, Зарайы+ хӕдзарвӕндагӕй. Йӕ къорды уыд дыууын цыппар мин адӕймаджы. 12 Фарӕстӕм мӕй цы къорд лӕггад кодта, уый хистӕр уыд анафофаг+ Авиезер+, Вениамины мыггагӕй. Йӕ къорды уыд дыууын цыппар мин адӕймаджы. 13 Дӕсӕм мӕй цы къорд лӕггад кодта, уый хистӕр уыд нетофафаг Магарай+, Зарайы+ хӕдзарвӕндагӕй. Йӕ къорды уыд дыууын цыппар мин адӕймаджы. 14 Иуӕндӕсӕм мӕй цы къорд лӕггад кодта, уый хистӕр уыд пирафойнаг Ванейӕ+, Ефремы+ фырттӕй. Йӕ къорды уыд дыууын цыппар мин адӕймаджы. 15 Дыууадӕсӕм мӕй цы къорд лӕггад кодта, уый хистӕр уыд нетофафаг Хелдай+, Гофониилы фырттӕй. Йӕ къорды уыд дыууын цыппар мин адӕймаджы.
16 Израилы+ мыггӕгты хистӕртӕ уыдысты: Рувимы мыггагӕн – Зихрийы фырт Елиезер; Симеоны мыггагӕн – Маахӕйы фырт Сафати; 17 Левийы мыггагӕн – Кемуилы фырт Хашави; Аароны хӕдзарвӕндагӕн – Садок+; 18 Иудӕйы мыггагӕн – Елиуй+, Давиды ӕфсымӕртӕй+ сӕ иу; Иссахары мыггагӕн – Михаилы фырт Амври; 19 Завулоны мыггагӕн – Овадийы фырт Ишмайӕ; Неффалимы мыггагӕн – Азриилы фырт Йеримоф; 20 Ефремы фырттӕн – Азазийы фырт Оси; Манассийы мыггаджы ӕмбисӕн – Федайӕйы фырт Иоил; 21 Манассийы мыггаджы иннӕ ӕмбисӕн та, Галаады чи цард, уыдонӕн – Захарийы фырт Иддо; Вениамины мыггагӕн – Авениры+ фырт Иаасиил; 22 Даны мыггагӕн – Йерохамы фырт Азариил. Адон уыдысты Израилы мыггӕгты кънйӕзтӕ+.
23 Дыууын азы ӕмӕ уымӕй къаддӕр кӕуыл цыд, уыдоны Давид нӕ нымадта, уымӕн ӕмӕ Йегъовӕ зӕрдӕ бавӕрдта, арвыл стъалытӕ куыд бирӕ сты, израилӕгты афтӕ кӕй сбирӕ кӕндзӕн+. 24 Иуафон Саруйӕйы фырт Иоав+ райдыдта адӕмы нымайын, фӕлӕ сӕ кӕронмӕ нӕ банымадта+, уымӕн ӕмӕ Хуыцауӕн Израилмӕ йӕ маст ссыгъд+. Ӕмӕ уыцы нымӕц паддзах Давиды царды хабӕртты чиныгмӕ хаст не ’рцыд.
25 Паддзахы+ хӕзнадӕттӕ уыдысты Адиилы фырт Азмавефы бар. Быдырты+, горӕтты+, хъӕуты ӕмӕ мӕсгуыты цы хӕзнадӕттӕ уыди, уыдон та уыдысты Уззийы фырт Ионафаны бар. 26 Быдырты+ чи куыста, уыдон ӕмӕ зӕххы куыстытӕ уыдысты Хелувы фырт Езрийы бар. 27 Сӕнӕфсирдӕттӕ+ уыдысты рамӕйаг Шимейы бар, сӕнӕфсирдӕтты цы сӕны ӕвӕрӕнтӕ уыд, уыдон та – шифмӕйаг Завдийы бар. 28 Шефелӕйы+ цы оливӕбӕлӕсты дыргъдӕттӕ ӕмӕ сикоморбӕлӕстӕ+ уыд, уыдон уыдысты гедераг Ваал-Хананы бар, сойы+ ӕвӕрӕнтӕ та – Иоасы бар. 29 Сароны+ цы стуртӕ хызт, уыдон уыдысты саройнаг Шитрайы бар, быдырты цы стуртӕ хызт, уыдон та – Адлайы фырт Сафаты бар. 30 Теуатӕ+ уыдысты измаилаг+ Овилы бар, хӕрджытӕ та – меронофаг Йехдийы бар. 31 Лыстӕг фос уыдысты агараг Иазизы бар. Адон се ’ппӕт дӕр ӕвӕрд уыдысты паддзах Давиды фӕллӕйтты сӕргъы.
32 Ионафан+, Давидӕн йе ’фсымӕры лӕппу, уыд уынаффӕгӕнӕг, стӕй писыр дӕр. Уый уыд ӕмбаргӕ+ адӕймаг. Хахмонийы+ фырт Йехиил касти паддзахы фырттӕм+. 33 Ахитофел+ уыд паддзахы уынаффӕгӕнӕг+, архитаг+ Хуси+ та – паддзахы ӕрдхорд+. 34 Ахитофелы фӕстӕ уынаффӕгӕнджытӕ уыдысты Ванейӕйы+ фырт Иодай ӕмӕ Авиафар+. Иоав+ та уыд паддзахы ӕфсады хистӕр.