Иов

25 Уӕд шуахаг Вилдад+ загъта:

 2 «Уый къухы сты ӕппӕт бартӕ дӕр, уый адӕймагыл ӕфтауы тас+.

Уӕлӕрвты ӕвӕры фарн.

 3 Йе ’фсӕдтӕн нымӕц ис?

Ӕмӕ ахӕм ис, йӕ рухс кӕуыл нӕ кӕлы?

 4 Зӕххон адӕймаг Хуыцауы раз раст куыд хъуамӕ уа?+

Сылгоймагӕй чи райгуырд, уый куыд хъуамӕ уа сыгъдӕг?+

 5 Уӕлӕ мӕй – ӕмӕ уый дӕр ирд куы нӕу,

Ӕмӕ стъалытӕ дӕр йӕ цӕсты сыгъдӕг куы не сты.

 6 Уӕд цӕмӕй хуыздӕр у зӕххон адӕймаг та – зулкъ йеддӕмӕ куы ницы у,

Ӕмӕ адӕймаджы фырт – уаллонӕй уӕлдай куы нӕу?»+