Псалом

67 Хуыцау нын йӕ хорзӕхӕй бахай кӕндзӕн ӕмӕ нын раарфӕ кӕндзӕн+.

Йӕ цӕсгомы рухс нӕм кӕлдзӕн+ (села́),

 2 Цӕмӕй дын зӕххыл базоной дӕ фӕндаг+,

Ӕмӕ ӕппӕт адӕмты ’хсӕн – ды куыд ирвӕзын кӕныс, уый тыххӕй+.

 3 Кадджын дӕ кӕнӕнт адӕмтӕ, о Хуыцау+.

Кадджын дӕ кӕнӕнт ӕппӕт адӕмтӕ+.

 4 Адӕмыхӕттытӕн сӕ зӕрдӕ райӕд ӕмӕ фырцинӕй зарӕнт+,

Уымӕн ӕмӕ ды адӕмтӕн тӕрхон кӕндзынӕ рӕстӕй+.

Ӕмӕ зӕххыл адӕмыхӕттытӕн фӕндаг амондзынӕ. (Села́)

 5 Кадджын дӕ кӕнӕнт адӕмтӕ, о Хуыцау+.

Кадджын дӕ кӕнӕнт ӕппӕт адӕмтӕ+.

 6 Зӕхх ратдзӕн тыллӕг+,

Хуыцау, нӕ Хуыцау нын раарфӕ кӕндзӕн+.

 7 Хуыцау нын раарфӕ кӕндзӕн+,

Ӕмӕ дзы ӕгас зӕххыл дӕр тӕрсдзысты+.