Ӕмбисӕндтӕ

29 Цалдӕр хатты кӕмӕн бауайдзӕф кӕной+, фӕлӕ чи нӕ сӕтта*+, уый ӕвиппайды бабын уыдзӕн, ӕмӕ йын сдзӕбӕх кӕнӕн нал уыдзӕн+.

2 Рӕстгӕнджытӕ куы сбирӕ вӕййынц, уӕд адӕм цин фӕкӕнынц+. Фыдгӕнӕг хицау куы вӕййы, уӕд та адӕм удхар кӕнынц+.

3 Зонд чи уарзы, уый йӕ фыдӕн у зӕрдӕрухсы хос+, хӕтаг сылгоймӕгтимӕ чи слымӕн вӕййы, уый та фесафы, зынаргъӕй йӕм цы ис, уый+.

4 Паддзах рӕстдзинады фӕрцы сфидар кӕны бӕстӕ+, гӕртӕмттӕ чи уарзы, уый та йӕ фехалы+.

5 Йе ’мбалӕн зӕрдӕлхӕнӕн ныхӕстӕ чи кӕны+, уый йын йӕ къӕхты раз ӕвӕры хыз+.

6 Фыдадӕймагӕн йӕ фыдракӕнд у къӕппӕг+, рӕстгӕнӕг та фырцинӕй зары ӕмӕ йӕ зӕрдӕ райы+.

7 Рӕстгӕнӕг зоны, мӕгуырты хъаст цӕуыл у, уый+, фыдгӕнӕгмӕ та нымады дӕр нӕу+.

8 Схъӕл ныхас чи кӕны, уыдон ӕнӕхъӕн горӕт сызмӕнтынц+, зондджын чи у, уыдон та сын сӕ маст ӕрсабыр кӕнынц+.

9 Зондджын ӕнӕзондыл куы бахъаст кӕны, уӕд ӕнӕзонд рамӕсты вӕййы ӕмӕ фӕхуды, ӕмӕ зондджын ӕнцой нал фӕзоны+.

10 Тугмондаг адӕм се сӕфт уынынц, ӕнӕфау чи у, уыдонӕй+, рӕстзӕрдӕ адӕм та кӕнынц алкӕй мӕт дӕр+.

11 Ӕнӕзонд йӕ маст иууылдӕр ныккалы, зондджын та йӕ маст кӕронмӕ уромы+.

12 Хицау мӕнг ныхӕстӕм куы хъуса, уӕд йӕ лӕггадгӕнджытӕ иууылдӕр уыдзысты фыдгӕнджытӕ+.

13 Мӕгуыр ӕмӕ фыдлӕг кӕрӕдзийыл фембӕлдысты+, фӕлӕ сӕ дыууӕйӕн дӕр цард Йегъовӕ дӕтты+.

14 Паддзах мӕгуыртӕн рӕстӕй куы тӕрхон кӕна+, уӕд йӕ паддзахбадӕн фидар лӕудзӕн цӕрӕнбонтӕм+.

15 Уис ӕмӕ уайдзӕфтӕ дӕттынц зонд+, фӕлӕ сывӕллоны йӕхи бар куы ауадзай, уӕд йӕ мады фӕхудинаг кӕндзӕн+.

16 Фыдгӕнджытӕ куы сбирӕ вӕййынц, уӕд фыдракӕндтӕ дӕр сбирӕ вӕййынц, фӕлӕ сын рӕстгӕнджытӕ фендзысты се сӕфт+.

17 Дӕ фырты-иу бафхӕр, ӕмӕ дын удӕнцой ӕрхӕсдзӕн, дӕ зӕрдӕ дын цинӕй байдзаг кӕндзӕн+.

18 Хуыцауӕй разамынд* куы нӕ уа, уӕд адӕм, сӕхи цы фӕнды, уый кӕнынц+, закъон чи ӕххӕст кӕны, уыдон та сты амондджын+.

19 Ӕрмӕст ныхӕстӕй цагъар йӕ зонд нӕ аивдзӕн+, уымӕн ӕмӕ сӕ ӕмбаргӕ кӕны, фӕлӕ сӕ ницӕмӕ дары+.

20 Искуы федтай, йӕ ныхӕстыл чи нӕ ахъуыды кӕны, ахӕм адӕймаджы?+ Уымӕй ӕнӕзондӕн фылдӕр ныфс ис+.

21 Цагъары йӕ гыццылӕй буцахуыр куы скӕнай, уӕд уый фӕстӕ хорздзинадӕн аргъ кӕнын нӕ зондзӕн.

22 Йӕ маст чи нӕ уромы, уый загъд ракъахы+, ӕмӕ мӕстыгӕр адӕймаг бирӕ тӕригъӕдтӕ саразы+.

23 Адӕймаджы йӕ сӕрбӕрзонддзинад ӕрсӕтдзӕн+, сӕрныллӕг чи у, уый та скадджын уыдзӕн+.

24 Давӕгӕн ӕмбал чи у, уый йӕ удӕй йе сӕфт уыны+. Фехъусы сомы ӕмӕ ӕлгъыст, фӕлӕ никӕмӕн ницы фӕзӕгъы+.

25 Адӕмӕй тӕрсын къӕппӕгӕй уӕлдай нӕу+, йӕ зӕрдӕ Йегъовӕйыл чи дары, уымӕн та тӕссаг ницӕмӕй уыдзӕн+.

26 Бирӕты фӕфӕнды хицауы раз ӕрлӕууын+, фӕлӕ адӕймагӕн тӕрхонгӕнӕг Йегъовӕ у+.

27 Хӕрам хъуыддӕгтӕ чи кӕны, уый рӕстгӕнджытӕн ӕнад у+, рӕстзӕрдӕ адӕймаг та ӕнад у фыдгӕнӕгӕн+.