Псалом

95 Ӕрцӕут, фырцинӕй ныззарӕм Йегъовӕйӕн!+

Фырцинӕй хъӕр кӕнӕм ӕмӕ зарӕм нӕ ирвӕзындзинады Къӕдзӕхӕн+.

 2 Ӕрцӕуӕм йӕ размӕ арфӕйы ныхӕстимӕ+,

Фырцинӕй хъӕр кӕнӕм ӕмӕ йын зарӕм+,

 3 Уымӕн ӕмӕ Йегъовӕ у стыр Хуыцау+

Ӕмӕ стыр Паддзах – уый у ӕппӕт хуыцӕуттӕй дӕр уӕлдӕр+.

 4 Йӕ къухы сты зӕххы ӕрфытӕ+,

Ӕмӕ уый сты хӕхты цъуппытӕ дӕр+.

 5 Уый у, кӕй скодта, уыцы денджыз+,

Ӕмӕ сурзӕхх дӕр йӕ къухтӕ скодтой+.

 6 Ӕрцӕут, бакувӕм ын ӕмӕ йӕ разы ӕрхауӕм+,

Нӕ зонгуытыл ӕрлӕууӕм+ Йегъовӕйы раз, не Скӕнӕджы раз+.

 7 Уый у нӕ Хуыцау, мах та стӕм йӕ адӕм, кӕй хизы ӕмӕ кӕуыл тыхсы, уыцы фыстӕ+.

Абон, кӕд ын йӕ хъӕлӕс хъусут+,

 8 Уӕд уӕ зӕрдӕтӕ ма ныддур кӕнут, уӕ фыдӕлтӕ Меривӕйы куыд бакодтой+,

Ӕдзӕрӕг быдыры Массӕйы* бон куыд бакодтой, афтӕ+.

 9 Уыдон мӕ фӕлвӕрдтой+.

Фӕлвӕрдтой мӕ, кӕд мын мӕ хъуыддӕгтӕ уыдтой, уӕддӕр+.

10 Цыппор азы мын ӕнад уыдысты уыцы адӕм*+,

Ӕмӕ загътон:

«Ацы адӕм сты хивӕнд+,

Нӕ мын базыдтой мӕ фӕндӕгтӕ»+.

11 Гъемӕ сӕм смӕсты дӕн, ӕмӕ расомы кодтон+:

«Уыдон ме ’нцойадмӕ нӕ бацӕудзысты»+.