Псалом

49 Адӕмтӕ, уе ’ппӕт дӕр байхъусут.

Дунейы чидӕриддӕр цӕры, уӕ хъус ӕрдарут+,

 2 Зӕххон адӕм ӕмӕ адӕймаджы фырттӕ,

Хъӕздгуытӕ ӕмӕ мӕгуыртӕ – уе ’ппӕт дӕр+.

 3 Мӕ дзыхӕй цӕудзӕн зонды ныхӕстӕ+,

Ӕмӕ мӕ зӕрдӕ сагъӕс кӕндзӕн арф хъуыдытыл*+.

 4 Лӕмбынӕг байхъусдзынӕн ӕмбисондмӕ+,

Дыууадӕстӕнон фӕндыры цагъдмӕ раргом кӕндзынӕн мӕ фӕсномыг ныхас*+.

 5 Цӕмӕн хъуамӕ тӕрсон уӕззау рӕстӕджы+,

Фесафынмӕ мӕ чи хъавы, уыдоны фыдракӕндтӕ мыл куы ’ртыхсой, уӕд?+

 6 Йӕ зӕрдӕ йӕ мулкыл чи дары+

Ӕмӕ йӕ бирӕ хъӕздыгдзинӕдтӕй чи ӕппӕлы+,

 7 Уыдонӕй иуӕн дӕр йӕ бон нӕу йе ’фсымӕры балхӕнын+

Ӕмӕ йе ’фсымӕры тыххӕй Хуыцауӕн бафидын*

 8 (Адӕймаджы уд балхӕныны аргъ афтӕ стыр у+,

Ӕмӕ йӕ ӕнусты дӕргъы ничима бафыста),

10 Уый уыны, зондджынтӕ дӕр кӕй амӕлынц+,

Иумӕ амӕлынц ӕнӕзонд ӕмӕ ӕнӕмбаргӕ+,

Ӕмӕ сӕ исбон иннӕтӕн баззайы+.

11 Афтӕ ӕнхъӕлынц, ӕмӕ сӕ хӕдзӕрттӕ лӕудзысты ӕнустӕм+,

Сӕ цатыртӕ – фӕлтӕрӕй-фӕлтӕрмӕ+.

Сӕ зӕххытӕ схонынц сӕхи нӕмттӕй+.

12 Фӕлӕ зӕххон адӕймаг, цыфӕнды кадджын ма уа, уӕддӕр цӕрӕнбонтӕм нӕ уыдзӕн+.

Цӕрӕгойтӕй уӕлдай нӕу – цӕрӕгойтӕ амӕлынц ӕмӕ нал вӕййынц+.

13 Ахӕм у сӕ царды фӕндаг ӕнӕзӕндтӕн+,

Стӕй, сӕ фӕдыл чи цӕуы ӕмӕ се стыр ныхӕстӕ хорз кӕмӕ кӕсынц, уыдонӕн дӕр. (Села́)

14 Фысты куыд фӕцӕйкӕнынц, афтӕ уыдоны дӕр кӕнынц ингӕнмӕ*+,

Мӕлӕт уыдзӕн сӕ фыййау+,

Райсомӕй та уыдзысты рӕстзӕрдӕ адӕмы дӕлбар+.

Сӕ хуыз дӕр фесӕфдзӕн+.

Алкӕмӕ дӕр дзы ӕнхъӕлмӕ кӕсы бӕрзонд бынат нӕ, фӕлӕ ингӕн+.

15 Фӕлӕ мын Хуыцау мӕ уд ингӕнӕй*+ фервӕзын кӕндзӕн*,

Йе уазӕг мӕ бакӕндзӕн. (Села́)

16 Ма-иу тӕрс, исчи куы схъӕздыг уа+,

Йӕ хӕдзар куы скадджын уа, уӕд+.

17 Уымӕн ӕмӕ куы амӕла, уӕд йемӕ ницы ахӕсдзӕн+

Ӕмӕ йӕ хӕдзары кад дӕр йемӕ нӕ ацӕудзӕн+.

18 Цӕрӕнбонты йӕхицӕй вӕййы буц+,–

Ӕмӕ дын царды бирӕ куы ӕнтыса, уӕд та дӕ адӕм дӕр ӕппӕлдзысты+,–

19 Фӕлӕ ӕппынфӕстаг, йӕ фыдӕлтӕ кӕм сты, уырдӕм ацӕудзӕн+.

Уыдон рухс никуыуал фендзысты+.

20 Зӕххон адӕймаг цыфӕнды кадджын дӕр уӕд, фӕлӕ йӕм ӕмбаргӕдзинад куы нӕ уа+,

Уӕд цӕрӕгойтӕй уӕлдай нӕу – цӕрӕгойтӕ амӕлынц ӕмӕ нал вӕййынц+.