Нееми

11 Ӕмӕ адӕмы кънйӕзтӕ+ Иерусалимы ӕрцардысты+. Иннӕ адӕмыл та хӕлттӕ сӕппӕрстой+ ӕмӕ афтӕмӕй алы дӕс адӕймагӕй дӕр иу равзӕрстой, цӕмӕй ӕрцардаид Иерусалимы, сыгъдӕг горӕты+, иннӕ фараст та баззадысты сӕхи горӕтты. 2 Стӕй ма адӕм раарфӕ кодтой+, Иерусалимы йӕхи фӕндӕй+ чи ӕрцард, уыдонӕн дӕр.

3 Адон сты, дӕлбар бӕстӕйы+ хистӕртӕй Иерусалимы чи цард+, уыдон. Уымӕй уӕлдай ма израилӕгтӕ+, сауджынтӕ+, левиттӕ+, нефинейтӕ+ ӕмӕ Соломоны лӕггадгӕнджыты фырттӕ+ цардысты Иудӕйы горӕтты, алчидӕр – йӕхи зӕххыл ӕмӕ йӕхи горӕты+.

4 Иерусалимы ма цард Иудӕйы ӕмӕ Вениамины+ байзӕддӕгтӕй дӕр иуӕй-иутӕ. Иудӕйы байзӕддӕгтӕй дзы цард: Афай – уый уыд Уззийы фырт, Уззи – Захарийы фырт, Захари – Амарийы фырт, Амари – Сафатийы фырт, Сафати – Малелеилы фырт, Малелеил та – Фаресы+ фырттӕй; 5 стӕй Маасейӕ – уый уыд Варухы фырт, Варух – Колхозейы фырт, Колхозей – Хазайы фырт, Хазай – Адайы фырт, Адай – Иойаривы фырт, Иойарив – Захарийы фырт, Захари та – Шелӕйы хӕдзарвӕндагӕй. 6 Фаресы фырттӕй Иерусалимы ӕдӕппӕтӕй цард цыппарсӕдӕ ӕхсай аст адӕймаджы. Се ’ппӕт дӕр уыдысты сӕрӕнгуырдтӕ.

7 Вениамины+ байзӕддӕгтӕй: Саллу – уый уыд Мешулламы+ фырт, Мешуллам – Иоеды фырт, Иоед – Федайӕйы фырт, Федайӕ – Колайӕйы фырт, Колайӕ – Маасейӕйы фырт, Маасейӕ – Ифиилы фырт, Ифиил та – Йешайӕйы фырт; 8 ноджыдӕр ма Габбай ӕмӕ Саллай – ӕдӕппӕтӕй фарастсӕдӕ дыууын аст адӕймаджы; 9 стӕй Зихрийы фырт Иоил, цӕстдарӕг сын чи уыд, уый, ӕмӕ Гассенуйы фырт Иудӕ, горӕты дыккаг лӕг.

10 Сауджынтӕй: Иойаривы+ фырт Йедайӕ, Иахин+ 11 ӕмӕ ӕцӕг Хуыцауы хӕдзары хистӕртӕй сӕ иу Серайӕ – уый уыд Хелкийы фырт, Хелки – Мешулламы+ фырт, Мешуллам – Садокы+ фырт, Садок – Мераиофы фырт, Мераиоф та – Ахитувы+ фырт, 12 стӕй се ’фсымӕртӕ, Хуыцауы хӕдзары чи куыста+, уыдон – ӕдӕппӕтӕй астсӕдӕ дыууын дыууӕ адӕймаджы; Адай – уый уыд Йерохамы+ фырт, Йерохам – Фелалийы фырт, Фелали – Амцийы фырт, Амци – Захарийы фырт, Захари – Пашхуры+ фырт, Пашхур та – Малхийы+ фырт, 13 стӕй йе ’фсымӕртӕ, хӕдзарвӕндӕгты хистӕртӕ+ – ӕдӕппӕтӕй дыууӕсӕдӕ цыппор дыууӕ адӕймаджы; Амашсай – уый уыд Азариилы фырт, Азариил – Ахзайы фырт, Ахзай – Мешиллемофы фырт, Мешиллемоф та – Иммеры фырт, 14 стӕй йе ’фсымӕртӕ, тыхджын ӕмӕ хъӕбатыр адӕймӕгтӕ+ – ӕдӕппӕтӕй сӕдӕ дыууын аст адӕймаджы. Цӕстдарӕг+ та сын уыд Завдиил, кадджын хӕдзарвӕндагӕй.

15 Левиттӕй+: Шемайӕ – уый уыд Хашшувы фырт, Хашшув – Азрикамы фырт, Азрикам – Хашавийы+ фырт, Хашави та – Вуннийы фырт; 16 левитты хистӕртӕ Шавфай+ ӕмӕ Иозавад+, уыдон ӕвӕрд уыдысты, ӕцӕг Хуыцауы хӕдзары ӕдде цыдӕриддӕр куыстытӕ уыд, уыдоны сӕргъы; 17 Асафы+ фырт Завдийӕн йӕ фырт Михайы фырт Матфани+, уый уыд, кады зарджытӕ+ чи зарыд, уыдоны амонӕг ӕмӕ-иу кувыны рӕстӕг Хуыцауы кадджын кодта+; Бакбуки, йе ’фсымӕрты ’хсӕн дыккаг, ӕмӕ Авдӕ, Идифуны+ фырт Галалӕн+ йӕ фырт Шаммуйы фырт. 18 Сыгъдӕг горӕты+ ӕдӕппӕтӕй уыд дыууӕсӕдӕ ӕстай цыппар левиты.

19 Дуаргӕстӕ+: Аккув, Талмон+ ӕмӕ се ’фсымӕртӕ, кулдуӕрттӕ+ чи хъахъхъӕдта, уыдон,– ӕдӕппӕтӕй сӕдӕ ӕвдай дыууӕ адӕймаджы.

20 Иннӕ израилӕгтӕ, сауджынтӕ ӕмӕ левиттӕ та цардысты Иудӕйы иннӕ горӕтты, алчидӕр – бынӕн кӕй райста, уыцы зӕххыл+. 21 Нефинейтӕ+ цардысты Офелы+, сӕ сӕргъы ӕвӕрд уыдысты Цихӕ ӕмӕ Гишфӕ.

22 Иерусалимы цы левиттӕ уыд, уыдонӕн сӕ цӕстдарӕг+ уыд Уззи. Уззи уыд Ванийы фырт, Вани – Хашавийы фырт, Хашави – Матфанийы+ фырт, Матфани – Михайы+ фырт, Миха та – Асафы+ фырттӕй, зарӕггӕнджытӕй+. Уззи йӕ цӕст дардта, ӕцӕг Хуыцауы хӕдзары цы куыстытӕ кодтой, уымӕ. 23 Зарӕггӕнджыты тыххӕй паддзах уынаффӕ рахаста+ ӕмӕ бафӕдзӕхста, цӕмӕй сын лӕвӕрдтаиккой, алы бон дӕр сӕ цы хъуыд, уый+. 24 Иудӕйы фырт Зарайы байзӕддӕгтӕй Мешезавелы фырт Петахи уыд паддзахы ӕххуысгӕнӕг – ӕххуыс ын кодта, адӕмимӕ цыдӕриддӕр хъуыддӕгтӕ уыд баст, уыдоны.

25 Мӕнӕ, Иудӕйы байзӕддӕгтӕй иуӕй-иутӕ кӕм цардысты, уыцы бынӕттӕ сӕ зӕххытимӕ+: Кириаф-Арбӕ+ йӕ дӕлбар горӕттимӕ, Дивон йӕ дӕлбар горӕттимӕ, Йекавцеил+ ӕд хъӕутӕ, 26 Йешуа, Моладӕ+, Беф-Палет+, 27 Хацар-Шуал+, Вирсави+ йӕ дӕлбар горӕтимӕ, 28 Секелаг+, Мехонӕ йӕ дӕлбар горӕтимӕ, 29 Ен-Риммон+, Цорӕ+, Иармуф+,30 Заноах+ ӕмӕ Одоллам+ ӕд хъӕутӕ, Лахис+ йӕ зӕххытимӕ ӕмӕ Азекӕ+ йӕ дӕлбар горӕттимӕ. Уыдон цардысты Вирсавийӕ суанг Енномы+ дӕлвӕзы онг.

31 Вениамины байзӕддӕгтӕ цардысты Гевӕйы+, Михмасы+, Гайы+, Вефилы+ ӕмӕ йӕ дӕлбар горӕтты, 32 Анафофы+, Номвӕйы+, Ананийӕйы, 33 Асоры, Рамӕйы+, Гиффаимы+, 34 Хадиды, Цевоимы, Неваллаты, 35 Лоды+ ӕмӕ Онойы+, ӕрмгуыстгӕнджыты дӕлвӕзы. 36 Иудӕйы мыггаджы зӕххыл чи цард, уыцы левиттӕй кӕцыдӕр къордтӕ ӕрцардысты Вениамины мыггаджы зӕххыл.