Исай
12 Ӕмӕ уыцы бон+ зӕгъдзынӕ: «О Йегъовӕ, арфӕ дын кӕндзынӕн! Ды мӕм смӕсты дӕ, фӕлӕ уӕддӕр дӕ маст ӕрсабыр+ ӕмӕ мын мӕ зӕрдӕ барӕвдыдтай+. 2 Хуыцау у мӕ ирвӕзынгӕнӕг+. Ӕз ыл мӕ зӕрдӕ дардзынӕн ӕмӕ ницӕмӕй тӕрсдзынӕн+, уымӕн ӕмӕ Йагъ* Йегъовӕ у мӕ хъару+ ӕмӕ мӕ тых+. Уый сси мӕ ирвӕзынгӕнӕг»+.
3 Сымах ирвӕзындзинады суадӕттӕй цингӕнгӕйӕ дон исдзыстут+. 4 Ӕмӕ уыцы бон дзурдзыстут: «Арфӕ кӕнут Йегъовӕйӕн!+ Кувут ӕм йӕ номӕй+. Йӕ хъуыддӕгты тыххӕй дзурут адӕмтӕн+. Дзурут, йӕ ном куыд кадджын у, уый тыххӕй+. 5 Зарут Йегъовӕйӕн+, уымӕн ӕмӕ сарӕзта ӕмбисонды хъуыддӕгтӕ+. Ӕмӕ уый тыххӕй дзурынц ӕгас зӕххыл дӕр.
6 Фырцинӕй хъӕр кӕнут ӕмӕ зарут, Сионы цӕрджытӕ, уымӕн ӕмӕ Израилы Сыгъдӕг Хуыцау у стыр Хуыцау уе ’хсӕн»+.