1 Азфыстыты

4 Иудӕйы фырттӕ уыдысты Фарес+, Есром+, Харми+, Хур+ ӕмӕ Шовал+. 2 Шовалы фырт Реайӕйӕн+ райгуырд Иахаф. Иахафӕн райгуырдысты Ахум ӕмӕ Лагад. Уыдонӕй рацыдысты цорафӕгты+ хӕдзарвӕндӕгтӕ. 3 Етамы+ бындурӕвӕрӕджы* фырттӕ уыдысты Изреел+, Ишмӕ ӕмӕ Идбаш, сӕ хо та хуынди Гацлелпони,4 стӕй Пенуел, Гедоры+ фыд, ӕмӕ Езер, Хушы фыд. Адон сты, Ефрафӕйы хистӕр фырт ӕмӕ Вифлеемы+ бындурӕвӕрӕг чи уыд, уыцы Хуры+ фырттӕ. 5 Фекойӕйы+ фыд* Ашхурӕн+ уыди дыууӕ усы: Хелӕ ӕмӕ Наарӕ. 6 Наарӕ йын ныййардта Ахузамы, Хеферы, Фимнӕйы ӕмӕ Ахашфарийы. Адон сты Наарӕйы цот. 7 Хелӕйы фырттӕ уыдысты Цереф, Ицгар ӕмӕ Ефнан. 8 Коцӕн райгуырдысты Анув ӕмӕ Цовев, ӕмӕ уымӕй рацыдысты Гарумы фырт Ахархелы хӕдзарвӕндӕгтӕ.

9 Иабец+ уыд йе ’фсымӕртӕй кадджындӕр+. Йӕ мад ӕй схуыдта Иабец*, уымӕн ӕмӕ дзырдта: «Тухитӕ кӕнгӕйӕ йӕ ныййардтон»+. 10 Иабец скуывта Израилы Хуыцаумӕ+: «О куы мын раарфӕ кӕнис+ ӕмӕ мын мӕ зӕххытӕ куы сбирӕ кӕнис+, дӕ арм+ мыл куы дарис ӕмӕ мӕ бӕллӕхӕй куы бахизис+, цӕмӕй мыл мацы ӕрцӕуа!..»+ Ӕмӕ, цыдӕриддӕр куырдта, уый йын Хуыцау сӕххӕст кодта+.

11 Шухӕйы ӕфсымӕр Хелувӕн райгуырд Махир, уый уыд Ештоны фыд. 12 Ештонӕн райгуырдысты Беф-Рафӕ, Пасеах ӕмӕ Техиннӕ, Ир-Наасы фыд. Уыдон сты Рехӕйы цӕрджытӕ. 13 Кеназы+ фырттӕ уыдысты Гофониил+ ӕмӕ Серайӕ. Хафаф уыд Гофониилы фырт. 14 Меонофайӕн райгуырд Офрӕ. Серайӕйӕн райгуырд Иоав, Ге-Харашимы* фыд. Уыдон систы ӕрмгуыстгӕнджытӕ+.

15 Йефоннийы+ фырт Халевы+ фырттӕ уыдысты Ир, Илӕ ӕмӕ Наам. Кеназ уыд Илӕйы фырт. 16 Йегаллелелы фырттӕ уыдысты Зиф, Зифӕ, Фири ӕмӕ Асареел. 17 Езрӕйы фырттӕ уыдысты Йефер, Меред, Ефер ӕмӕ Иалон. Йӕ ус ын ныййардта Мариамы, Шаммайы ӕмӕ Ишбахы, Ештемоайы фыды+. 18 Йӕ дзуттаг ус та йын ныййардта Йереды, Гедоры фыды, Хеверы, Сохойы фыды, ӕмӕ Йекуфиилы, Заноахы фыды. Адон сты фараоны чызг Бифийы цот, Меред кӕй ракуырдта, уый цот.

19 Годийы усы цот, Нахамы хойы цот, уыдысты гармитаг Кеилы+ бындурӕвӕрӕг* ӕмӕ маахӕйаг Ештемоа. 20 Симеоны фырттӕ уыдысты Амнон, Риннӕ, Бенханан ӕмӕ Филон. Ишийы фырттӕ та уыдысты Зохеф ӕмӕ Бензохеф.

21 Иудӕйы фырт Шелӕйы+ фырттӕ уыдысты Ир, Лехӕйы фыд, ӕмӕ Лаед, Марешӕйы фыд, стӕй ма, Ашбейӕйы хӕдзарӕй чи рацыд, зынаргъ хъуымӕцтӕ чи уӕфта+, уыцы ӕрмгуыстгӕнджыты хӕдзарвӕндӕгтӕ, 22 Иоким, Хозевӕйы цӕрджытӕ, Иоас, Сараф, моаваг устытӕ+ кӕмӕн уыди, уыдон, ӕмӕ Иашувилехем. Уый тыххӕй дзурынц рагон таурӕгътӕ+. 23 Уыдон уыдысты дурынгӕнджытӕ+ ӕмӕ цардысты Нетаимы ӕмӕ Гедерӕйы. Уым цардысты ӕмӕ паддзахӕн куыстой+.

24 Симеоны фырттӕ уыдысты Немуил+, Иамин+, Иарив, Зара ӕмӕ Саул+. 25 Уый фырт уыд Шаллум, уый фырт – Мивсам, уый фырт та – Мишмӕ. 26 Хаммуил уыд Мишмӕйы фырт, уый фырт уыд Заккур, уый фырт та – Шимей. 27 Шимейӕн уыд ӕхсӕрдӕс фырты ӕмӕ ӕхсӕз чызджы. Йе ’фсымӕртӕн та уыйбӕрц сывӕллӕттӕ нӕ уыд, ӕмӕ Иудӕйы фырттӕн цас сывӕллӕттӕ уыди, уыйбӕрц сывӕллӕттӕ сӕ хӕдзарвӕндӕгтӕй иуӕн дӕр нӕ уыд+. 28 Уыдон цардысты Вирсавийы+, Моладӕйы+, Хацар-Шуалы+, 29 Билгӕйы+, Ецемы+, Фолады+, 30 Вефуилы+, Хормӕйы+, Секелагы+, 31 Беф-Маркавофы, Хацарсусимы+, Беф-Бирӕйы ӕмӕ Шааримы+. Цалынмӕ Давид паддзах не сси, уӕдмӕ ацы горӕттӕ уыдоны уыдысты.

32 Уыдис ма сын къаддӕр горӕттӕ дӕр: Етам, Аин, Риммон, Фокен ӕмӕ Ашан+ – ӕдӕппӕтӕй фондз горӕты. 33 Уыцы горӕтты алыварс цы хъӕутӕ уыди, уыдон хӕццӕ кодтой суанг Ваалы+ онг. Адон сты, кӕмыты цардысты, уыцы бынӕттӕ ӕмӕ сӕ хӕдзарвӕндӕгтӕ. 34 Мешовав, Иамлех, Амасийы фырт Иоси, 35 Иоил, стӕй Ииуй – Асиилы фырт Серайӕйӕн йӕ фырт Иошивы фырт, 36 Елиоенай, Иаковӕ, Ишохайӕ, Асайӕ, Адиил, Ишимиил, Ванейӕ 37 ӕмӕ Зизӕ. Зизӕ уыд Шифийы фырт, Шифи – Аллоны фырт, Аллон – Йедайӕйы фырт, Йедайӕ – Шимрийы фырт, Шимри та – Шемайӕйы фырт. 38 Кӕй нӕмттӕ ӕрцыдысты фыст, уыдон уыдысты сӕ хӕдзарвӕндӕгты хистӕртӕ+. Сӕ хӕдзарвӕндӕгтӕ тынг сбирӕ сты. 39 Ӕмӕ сӕ фосӕн хизӕнтӕ агургӕйӕ бахӕццӕ сты суанг Гедоры арӕнтӕм, дӕлвӕзы скӕсӕн фарсмӕ. 40 Ӕмӕ ссардтой кӕрдӕгджын ӕмӕ сойджын сӕрвӕттӕ+, зӕхх дзы уыд парахат ӕмӕ дзы уыди сабыр, тӕссаг дзы никӕмӕй уыд+. Раздӕр дзы Хамы байзӕддӕгтӕ цардысты+. 41 Кӕй нӕмттӕ ӕрцыдысты фыст, уыдон уырдӕм ӕрцыдысты Иудӕйы паддзах Езекийы+ рӕстӕджы. Хамы байзӕддӕгтӕ уым цатырты цардысты, стӕй ма уым уыдысты меунимӕгтӕ дӕр, ӕмӕ сӕм адон бабырстой+ ӕмӕ сӕ бындзагъд фӕкодтой+. Ӕмӕ сӕхӕдӕг уым ӕрцардысты, уымӕн ӕмӕ дзы сӕ фосӕн сӕрвӕттӕ+ ссардтой.

42 Симеоны байзӕддӕгтӕй фондзсӕдӕ лӕджы ацыдысты Сеиры хохмӕ+. Сӕ сӕргъы уыдысты Ишийы фырттӕ Фелати, Неари, Рефайӕ ӕмӕ Узиил. 43 Ӕмӕ ма амаликӕгтӕй+ чи баззад, уыдоны ныццагътой ӕмӕ сӕхӕдӕг абоны онг дӕр уым цӕрынц.