Псалом

26 О Йегъовӕ, тӕрхон мын кӕн+, уымӕн ӕмӕ ӕз цардтӕн рӕстӕй+,

Ӕз мӕ зӕрдӕ дардтон Йегъовӕйыл, цӕмӕй ма фӕцудон+.

 2 Ныккӕс мын мӕ зӕрдӕмӕ, о Йегъовӕ, ӕмӕ мӕ бафӕлвар+.

Ссыгъдӕг мын кӕн мӕ уыргтӕ* ӕмӕ мӕ зӕрдӕ+.

 3 Де ’нувыд уарзт ис мӕ цӕстыты раз,

Ӕмӕ ӕз цыдтӕн дӕ раст фӕндагыл+.

 4 Ӕз никуы бадтӕн мӕнгард адӕмимӕ+

Ӕмӕ, йе ’цӕг цӕсгом чи ӕмбӕхсы, уыдонимӕ нӕ лымӕн кӕнын+.

 5 Ӕз ме сӕфт уыдтон фыдгӕнджытӕй+,

Ӕмӕ ӕвзӕр адӕмимӕ нӕ фӕбадын+.

 6 Ӕз мӕ къухтӕ ӕхсдзынӕн ӕнаххосдзинады+

Ӕмӕ зилдзынӕн дӕ нывондхӕссӕны алыварс, о Йегъовӕ+,

 7 Цӕмӕй айзӕла мӕ арфӕйы ныхас+,

Цӕмӕй хъусын кӕнон де ’ппӕт диссаджы хъуыддӕгтӕ+.

 8 Йегъовӕ, ӕз бауарзтон дӕ хӕдзар, дӕ цӕрӕнбынат+,

Ӕмӕ дӕ кад кӕм ис, уыцы бынат+.

 9 Ма мын фесаф мӕ уд тӕригъӕдджынтимӕ+,

Ӕмӕ мӕ цард, ӕнаххос туг чи калы, уыдонимӕ+,

10 Йӕ къухтӕ фыдхъуыддӕгтӕй* змӕст кӕмӕн сты+

Ӕмӕ йӕ рахиз къух гӕртӕмттӕй йедзаг кӕмӕн у, уыдонимӕ+.

11 Ӕз та – ӕз цӕрдзынӕн рӕстӕй+.

Курын дӕ, фервӕзын мӕ кӕн+ ӕмӕ мын дӕ хорзӕхӕй бахай кӕн+.

12 Мӕ къах лӕудзӕн лӕгъз ран+.

Стыр ӕмбырды Йегъовӕйӕн арфӕ кӕндзынӕн+.