Екклесиаст
6 Хуры бын федтон иу бӕллӕхы хъуыддаг, ӕмӕ арӕх у адӕмы ’хсӕн: 2 вӕййы афтӕ, ӕмӕ ӕцӕг Хуыцау адӕймагӕн ратты хъӕздыгдзинӕдтӕ, исбон ӕмӕ кад+, ӕмӕ цух ницӕмӕй вӕййы, йӕ зӕрдӕ цы зӕгъы, уый йын ис+. Фӕлӕ йын ӕцӕг Хуыцау уый нӕ дӕтты, цӕмӕй дзы йӕхӕдӕг пайда кӕна+. Ӕцӕгӕлон та дзы фӕпайда кӕны+. Уый у дзӕгъӕлы ӕмӕ фыднизау. 3 Ӕз афтӕ зӕгъдзынӕн: адӕймагӕн фондзыссӕдз сывӕллоны дӕр куы уа+ ӕмӕ бирӕ дӕр куы фӕцӕра, йӕ царды бонтӕ бирӕ куы уой+, фӕлӕ йӕ цардӕй йӕ зӕрдӕ куы нӕ райа+ ӕмӕ мӕлӕтмӕ куы бӕлла*+, уӕд, мардӕй чи райгуырд, уыцы сывӕллон уымӕй амондджындӕр у+. 4 Уый райгуырд дзӕгъӕлы ӕмӕ ӕрбайсӕфти талынджы, ӕмӕ йӕ ном дӕр талынджы аныгъуылдзӕн+. 5 Уый хуры рухс нӕ федта. Цы у, уый дӕр нӕ базыдта+. Уымӕн уыцы адӕймагӕй ӕнцондӕр у+. 6 Дыууӕ мин азы дӕр куы фӕцӕра, фӕлӕ царды хорзӕй куы ницы фена+, уӕд цы уӕлдай у – иууылдӕр иу бынатмӕ нӕ цӕуынц?+
7 Адӕмӕн сӕ фыдӕбон иууылдӕр у гуыбыны тыххӕй+, фӕлӕ уӕддӕр сӕ уд не ’фсӕды. 8 Зондджынӕн цӕмӕй хуыздӕр у ӕнӕзондӕй?+ Ӕмӕ тыхст адӕймагӕн цы пайда ис, адӕмы раз йӕхи дарын кӕй зоны, уымӕй? 9 Цӕмӕдӕрты бӕллыны бӕсты хуыздӕр у, ныртӕккӕ цы ис, уый уынын+. Уый дӕр у дзӕгъӕлы, дымгӕ сурӕгау+.
10 Цы фӕзынд, уыдонӕй алцӕмӕн дӕр рагӕй ис ном, ӕмӕ, адӕймаг цы у, уый дӕр зындгонд у+. Адӕймагӕн йӕ бон нӕу, йӕхицӕй тыхджындӕр чи у, уыимӕ тох кӕнын+.
11 Бирӕ ис афтид хъуыддӕгтӕ+, ӕмӕ адӕймагӕн цы пайда сты? 12 Чи йын цы зоны, адӕймаг хорзӕй цы фендзӕн царды+, аууонау чи фӕцӕуы, йӕ уыцы ницӕйаг царды бонты?+ Йӕ фӕстӕ хуры бын цы уыдзӕн, уый йын исчи радзурдзӕн?+