Псалом

86 О Йегъовӕ, дӕ хъус мӕм ӕрдар. Дзуапп мын ратт+,

Уымӕн ӕмӕ ӕз дӕн ӕфхӕрд ӕмӕ мӕгуыр адӕймаг+.

 2 Хъахъхъӕн мын мӕ уд, уымӕн ӕмӕ дыл ӕз иузӕрдион дӕн+.

Ды дӕ мӕ Хуыцау. Фервӕзын кӕн дӕ лӕггадгӕнӕджы, дӕуыл дары йӕ зӕрдӕ+.

 3 Батӕригъӕд мын кӕн, о Йегъовӕ+,

Уымӕн ӕмӕ дӕумӕ дзыназын ӕнӕхъӕн бон+.

 4 Дӕ лӕггадгӕнӕджы уд бахъӕлдзӕг кӕн+,

Уымӕн ӕмӕ, о Йегъовӕ, дӕуӕн радтон мӕ уд+.

 5 О Йегъовӕ, ды дӕ хӕларзӕрдӕ*+, ды дӕ цӕттӕ хатыр кӕнынмӕ+,

Чи дӕм сиды, уыдоны се ’ппӕты дӕр рӕдауӕй тавыс де ’нувыд уарзтӕй+.

 6 О Йегъовӕ, мӕ куывдмӕ мын дӕ хъус ӕрдар+,

Фехъус мын мӕ лӕгъстӕтӕ+.

 7 Зын сахат дӕм ӕххуысмӕ фӕсиддзынӕн+,

Ӕмӕ мын ды дзуапп ратдзынӕ+.

 8 О Йегъовӕ, хуыцӕутты ’хсӕн нӕй дӕу хуызӕн+,

Ӕмӕ дӕ хъуыддӕгтӕн дӕр ӕмбал нӕй+.

 9 Ды кӕй сфӕлдыстай, уыцы адӕмтӕ иууылдӕр ӕрцӕудзысты+

Ӕмӕ дын бакувдзысты, о Йегъовӕ+,

Ӕмӕ дын дӕ ном скадджын кӕндзысты+,

10 Уымӕн ӕмӕ ды дӕ стыр Хуыцау ӕмӕ аразыс диссӕгтӕ+.

Ды дӕ Хуыцау, иунӕг ды+.

11 О Йегъовӕ, сараз мӕ дӕ фӕндагыл+,

Ӕз цӕудзынӕн дӕ раст фӕндагыл+.

Ӕрбангом мын кӕн мӕ зӕрдӕ, цӕмӕй дын дӕ номӕй тӕрсон+.

12 О Йегъовӕ, мӕ Хуыцау, ӕз дӕ кадджын кӕнын ӕппӕт зӕрдӕйӕ+.

Дӕ ном дын ӕнустӕм бӕрзонд кӕндзынӕн,

13 Уымӕн ӕмӕ стыр у, цы ӕнувыд уарзтӕй мӕ уарзыс, уый+.

Ды мын мӕ уд фервӕзын кодтай ингӕнӕй*, йӕ тӕккӕ арфӕй+.

14 О Хуыцау, мӕ ныхмӕ сыстадысты, йӕхиуыл чи фервӕссыд, уыдон+.

Ӕгъатыр адӕм мӕ марынмӕ хъавынц+.

Уыдонмӕ ды нымады дӕр нӕ дӕ+.

15 Фӕлӕ ды, о Йегъовӕ, ды дӕ фӕлмӕнзӕрдӕ ӕмӕ тӕригъӕдгӕнаг Хуыцау+,

Мӕсты кӕнынмӕ тагъд нӕ кӕныс+, ӕгӕрон у де ’нувыд уарзт ӕмӕ алы хъуыддаджы дӕр дӕ раст+.

16 Де ’ргом мӕм раздах ӕмӕ мын батӕригъӕд кӕн+.

Дӕ хъаруйӕ бахай кӕн дӕ лӕггадгӕнӕгӕн+

Ӕмӕ дӕ цагъар-сылгоймаджы фырты фервӕзын кӕн+.

17 Хорз зӕрдӕ мӕм кӕй дарыс, уый равдис,

Цӕмӕй йӕ феной, йе сӕфт мӕ чи уыны, уыдон ӕмӕ ныххудинаг уой+.

Уымӕн ӕмӕ мын ды баххуыс кодтай, о Йегъовӕ, ӕмӕ мын мӕ зӕрдӕ ӕрсабыр кодтай+.