Псалом

59 Мӕ Хуыцау, фервӕзын мӕ кӕн ме знӕгтӕй+,

Мӕ ныхмӕ чи цӕуы, уыдонӕй мӕ бахъахъхъӕн+.

 2 Фервӕзын мӕ кӕн, фыдхъуыддӕгтӕ чи кӕны, уыдонӕй+,

Ӕмӕ, ӕнаххос туг чи калы, уыдонӕй мӕ бахиз.

 3 Мӕ размӕ бабадтысты, цӕмӕй мӕ амарой+.

Тыхджынтӕ мӕм лӕбурынц+,

Афтӕмӕй та сын ӕвзӕрӕй ницы ракодтон, ницӕмӕй фӕрӕдыдтӕн сӕ разы, о Йегъовӕ+.

 4 Кӕд аххосджын ницӕмӕй дӕн, уӕддӕр ӕмбырд кӕнынц ӕмӕ сӕхи цӕттӕ кӕнынц мӕ ныхмӕ+.

Ӕххуысмӕ дӕм сидын. Сыст, ӕркӕс мӕм+.

 5 О Йегъовӕ, ӕфсӕдты Хуыцау, ды дӕ Израилы Хуыцау+.

Райхъал у ӕмӕ ӕппӕт адӕмтӕм дӕр ӕркӕс+.

Иннӕтыл гадзрахатӕй чи цӕуы, уыцы фыдгӕнджытӕй иуӕн дӕр ма батӕригъӕд кӕн+. (Села́)

 6 Уыдон раздӕхынц изӕрӕй+,

Куыйтау рӕйынц+ ӕмӕ ӕнӕхъӕн горӕтыл зилынц+.

 7 Сӕ дзыхӕй ӕвзӕрдзинад йеддӕмӕ ницы цӕуы+,

Се ’взӕгтыл ис хъаматӕ+,

Ӕмӕ дзурынц: «Чи нӕ хъусы?»+

 8 Фӕлӕ сыл ды, о Йегъовӕ, худдзынӕ+,

Ды фӕхуддзынӕ ӕппӕт адӕмтыл дӕр+.

 9 О мӕ Хъару, дӕумӕ у мӕ каст+.

Хуыцау у мӕ бӕрзонд хох+.

10 Ӕнувыд уарзтӕй мӕ чи уарзы, уыцы Хуыцау рацӕудзӕн мӕ размӕ+.

Хуыцау афтӕ бакӕндзӕн, ӕмӕ ме знӕгтӕм сӕрыстырӕй кӕсдзынӕн+.

11 Маргӕ сӕ ма акӕн, цӕмӕй мӕ адӕмӕй уыцы хабар ма ферох уа+.

Дӕ хъаруйы фӕрцы сӕ хауӕггаг фӕкӕн+,

Сӕ тых сын басӕтт, о Йегъовӕ, нӕ уарт+,

12 Се ’взагӕй цы тӕригъӕд аразынц, сӕ дзыхӕй цы цӕуы, уый тыххӕй+.

Ӕдзух ӕлгъитгӕ ӕмӕ сайгӕ кӕй кӕнынц,

Уый тыххӕй сӕ сӕ сӕрбӕрзонддзинад ӕрцахсӕд+.

13 Мӕстӕй судзгӕйӕ сын кӕрон скӕн+,

Кӕрон сын скӕн, цӕмӕй сӕ кой дӕр мауал уа.

Ӕмӕ йӕ зонӕнт, Хуыцау кӕй у Иаковы хицау, уый у хицау суанг зӕххы кӕрӕтты онг+. (Села́)

14 Раздӕхӕнт изӕрӕй,

Куыйтау рӕйӕнт ӕмӕ ӕнӕхъӕн горӕтыл зилӕнт+.

15 Къӕбӕрагурӕг рацу-бацу кӕнӕнт+,

Ма бафсӕдӕнт ӕмӕ, ӕхсӕв кӕм ӕрлӕууой, уый сын ма уӕд+.

16 Ӕз та зардзынӕн дӕ хъаруйы тыххӕй+,

Райсомӕй цингӕнгӕ дзурдзынӕн де ’нувыд уарзты тыххӕй+,

Уымӕн ӕмӕ ды уыдтӕ мӕ бӕрзонд хох+

Ӕмӕ ме ’мбӕхсӕн бынат зын сахат+.

17 О мӕ Хъару, дӕуӕн зардзынӕн ӕз+,

Уымӕн ӕмӕ Хуыцау у мӕ бӕрзонд хох, ӕнувыд уарзтӕй мӕ чи уарзы, уыцы Хуыцау+.