Псалом

45 Мӕ зӕрдӕ мын ссыгъта арфӕйаг ныхас+.

Ӕз дзурын: «Цы аразын, уый аразын паддзахы тыххӕй»+.

Ме ’взаг фестӕд дӕсны писыры*+ фыссӕнгарз+.

 2 Адӕймаджы фырттӕй нӕй дӕу хуызӕн рӕсугъд+.

Куыд ӕхсызгон сты, де ’взагӕй цы ныхӕстӕ цӕуы, уыдон+.

Хуыцау дӕр дын уый тыххӕй раарфӕ кодта ӕнустӕм+.

 3 Тыхджынгуырд+, дӕ астӕуыл ӕрбабӕтт дӕ хъама+,

Дӕ кад ӕмӕ дӕ намыс+.

 4 Дӕ намысимӕ тындз уӕлахизмӕ+.

Ӕцӕгдзинад, сӕрныллӕгдзинад ӕмӕ рӕстдзинады номыл дӕ бӕхыл бадгӕйӕ размӕ бырс+,

Ӕмӕ дын дӕ рахиз къух равдисдзӕн, адӕймагыл тас чи ’фтауы, ахӕм хъуыддӕгтӕ+.

 5 Дӕ цыргъ фаттӕ ахизынц паддзахы знӕгты зӕрдӕйы+,

Адӕмтӕ дӕ разы хауынц+.

 6 Хуыцау йӕхӕдӕг у дӕ паддзахбадӕн ӕнусӕй-ӕнусмӕ, мыггагмӕ+.

Дӕ паддзахы лӕдзӕг у рӕстдзинады лӕдзӕг+.

 7 Ды уарзыс рӕстдзинад+, фыддзинадӕй та уыныс де сӕфт+.

Ӕмӕ дӕ де ’мбӕлттӕй+ уӕлдай Хуыцау, дӕ Хуыцау+, цины сойӕ+ дӕр уымӕн байсӕрста+.

 8 Дӕ уӕлӕдарӕс иууылдӕр – миррӕ, алой ӕмӕ касси+.

Пылыстӕгӕй+ фӕлыст диссаджы галуанӕй хъуысы хъисфӕндырты цагъд ӕмӕ дын дӕ зӕрдӕ хъӕлдзӕг кӕны.

 9 Паддзӕхты чызджытӕ+ сты, дӕ цӕсты стыр аргъ кӕмӕн ис, уыцы сылгоймӕгты ’хсӕн.

Дӕ рахиз фарс ӕрлӕууыд паддзахы ус+ Офирӕй ласт сызгъӕринты+.

10 Байхъус, мӕ чызг, акӕс, дӕ хъус ӕрдар,

Ӕмӕ ферох кӕн дӕ адӕмы ӕмӕ дӕ фыды хӕдзар+.

11 Дӕ рӕсугъддзинад йӕхимӕ ӕлвасы паддзахы зӕрдӕ+,

Уымӕн ӕмӕ уый у дӕ сӕрыхицау+,

Ӕмӕ йын сӕрӕй ныллӕг акув+.

12 Мӕнӕ Тиры чызг дӕр йӕ лӕваримӕ...+

Адӕмы хъӕздгуытӕ архайдзысты дӕ зӕрдӕ балхӕныныл*+.

13 Паддзахы чызг – хӕдзары, тӕмӕнтӕ калы+,

Йӕ уӕлӕдарӕс нывӕфтыд у сызгъӕринӕй.

14 Рӕсугъд нывӕфтыд дарӕсы йӕ ракӕндзысты паддзахмӕ+.

Йӕ фӕдыл та дӕм ракӕнынц йе ’мбал чызджыты*+.

15 Ракӕндзысты сӕ хъӕлдзӕгӕй, кафгӕ ӕмӕ заргӕйӕ.

Уыдон бацӕудзысты паддзахы галуанмӕ.

16 Дӕ фыдӕлты+ бынаты уыдзысты дӕ фырттӕ+,

Ды сӕ сӕвӕрдзынӕ кънйӕзтӕй ӕгас зӕххыл+.

17 Ӕз дӕ номы тыххӕй дзурдзынӕн ӕрцӕуинаг фӕлтӕртӕн се ’ппӕтӕн дӕр+,

Ӕмӕ дӕ адӕмтӕ кадджын кӕндзысты ӕнусӕй-ӕнусмӕ, мыггагмӕ.