Псалом

 2 О мӕ Хуыцау, дӕуыл дарын мӕ зӕрдӕ+.

Ма бауадз, цӕмӕй фӕхудинаг уон.

Ма бауадз, цӕмӕй мыл ме знӕгтӕ фӕуӕлахиз уой+.

 3 Йӕ ныфс дыл чи дары, уыдонӕй иу дӕр нӕ фӕхудинаг уыдзӕн+.

Фӕхудинаг уыдзысты, гадзрахатӕй чи цӕуы, фӕлӕ кӕмӕн ницы уайы, уыдон+.

 4 Бацамон мын дӕ фӕндӕгтӕ, о Йегъовӕ+,

Сахуыр мӕ кӕн дӕ къахвӕндӕгтыл цӕуын+.

 5 Ӕххуыс мын кӕн дӕ раст фӕндагыл цӕуынӕн ӕмӕ мӕ ахуыр кӕн+,

Уымӕн ӕмӕ ды дӕ мӕ ирвӕзынгӕнӕг Хуыцау+.

 6 Ӕрхъуыды кӕн, о Йегъовӕ, дӕ фӕлмӕнзӕрдӕдзинад+ ӕмӕ де ’нувыд уарзт+.

Уыдон сты рагзамантӕй фӕстӕмӕ+.

 7 Ӕвзонгӕй цы тӕригъӕдтӕ ӕруагътон ӕмӕ цы фыдракӕндтӕ сарӕзтон, уыдон мауал ӕрхъуыды кӕн+.

Ӕрхъуыды мӕ кӕн де ’нувыд уарзтмӕ гӕсгӕ+,

Дӕ хорздзинады номыл, о Йегъовӕ+.

 8 Йегъовӕ у хӕларзӕрдӕ* ӕмӕ рӕстзӕрдӕ Хуыцау+.

Тӕригъӕдджынты дӕр раст фӕндагыл уый тыххӕй аразы+.

 9 Уый сабыр адӕмӕн баххуыс кӕндзӕн, цӕмӕй йӕ тӕрхӕттӕм гӕсгӕ цӕрой+,

Сабыр адӕмы сахуыр кӕндзӕн йӕ фӕндагыл цӕуын+.

10 Йегъовӕйы фӕндӕгтӕ иууылдӕр сты ӕнувыд уарзт ӕмӕ рӕстдзинад*,

Йӕ бадзырд+ ӕмӕ йын йӕ амындтӕ*+ чи ӕххӕст кӕны, уыдонӕн.

11 О Йегъовӕ, кӕд мӕ тӕригъӕд стыр у+,

Уӕддӕр мын ӕй ныххатыр кӕн дӕ номы тыххӕй+.

12 Чи у, Йегъовӕйӕ чи тӕрсы, уыцы адӕймаг?+

Цы фӕндаг равзара, ууыл ӕй араздзӕн+.

13 Уымӕн йӕ уд рӕвдыд уыдзӕн хорздзинадӕй+,

Ӕмӕ зӕхх бауыдзӕн йӕ байзӕддӕгты+.

14 Йегъовӕйы хӕлӕрттӕ сты, чи дзы тӕрсы, уыдон+,

Ӕмӕ йӕ бадзырд дӕр уыдонӕн ӕргом кӕны+.

15 Мӕ цӕстытӕ ӕдзухдӕр здӕхт сты Йегъовӕмӕ+,

Уымӕн ӕмӕ мын мӕ къах хызӕй уый суӕгъд кӕны+.

16 Дӕ цӕсгом мӕм раздах ӕмӕ мын батӕригъӕд кӕн+,

Уымӕн ӕмӕ ӕз дӕн иунӕг ӕмӕ ӕфхӕрд+.

17 Мӕ зӕрдӕйы мӕстытӕ сбирӕ сты+.

Фервӕзын мӕ кӕн мӕ зындзинӕдтӕй+.

18 Ӕркӕс мын мӕ удхармӕ ӕмӕ ме ’намонддзинадмӕ+,

Ӕмӕ мын мӕ тӕригъӕдтӕ иууылдӕр ныххатыр кӕн+.

19 Ӕркӕс, ме знӕгтӕ куыд сбирӕ сты, уымӕ,+

Се сӕфт мӕ уынынц+.

20 Хъахъхъӕн мын мӕ уд ӕмӕ мӕ ирвӕзын кӕн+.

Ма бауадз, цӕмӕй фӕхудинаг уон, уымӕн ӕмӕ мӕхи де уазӕг бакодтон+.

21 Рӕстӕй кӕй цӕрын ӕмӕ рӕстзӕрдӕ кӕй дӕн, уый мӕ хъахъхъӕнӕд+,

Уымӕн ӕмӕ дӕуыл дарын мӕ ныфс+.