Ӕмбисӕндтӕ

16 Адӕймагӕн йӕ зӕрдӕйы хъуыдытӕ йӕхицӕй аразгӕ сты+, цы дзуапп ратдзӕн, уый та Йегъовӕйӕ у+.

2 Адӕймагӕн йӕ фӕндӕгтӕ йӕхи цӕсты сыгъдӕг сты+, фӕлӕ Йегъовӕ кӕсы, зӕрдӕйы цы ис, уымӕ+.

3 Дӕ хъуыддӕгтӕ Йегъовӕйы бар бакӕн*+, ӕмӕ дӕ фӕндтӕ дӕ къухы бафтдзысты+.

4 Йегъовӕ ӕппӕт дӕр ӕрцӕттӕ кодта йӕ фӕнд сӕххӕст кӕнынӕн+, суанг фыдгӕнӕджы дӕр дары бӕллӕхы бонмӕ+.

5 Йегъовӕйӕн хъалзӕрдӕ адӕймаг ӕнад у+. Кӕд ын исчи ӕххуысӕй зӕрдӕ бавӕрдта ӕмӕ йӕм йӕ къух радта, уӕддӕр ӕнӕфхӕрдӕй нӕ баззайдзӕн+.

6 Ӕнувыд уарзт ӕмӕ иузӕрдиондзинады* фӕрцы адӕймаг йӕ тӕригъӕдӕй ссыгъдӕг вӕййы+, ӕмӕ Йегъовӕйӕ чи тӕрсы, уый йӕхи хизы ӕвзӕрдзинадӕй+.

7 Адӕймаджы фӕндӕгтӕ Йегъовӕйы зӕрдӕмӕ куы фӕцӕуынц+, уӕд ын йе знӕгты дӕр йемӕ бафидауын кӕны+.

8 Цӕйнӕфӕлтау дӕм бирӕ уа, ӕмӕ дӕм рӕстдзинад ма уа+, фӕлтау дӕм гыццыл уӕд, ӕмӕ рӕстӕй цӕр+.

9 Адӕймаджы зӕрдӕ фӕхъуыды кӕны йӕ фӕндагыл+, фӕлӕ йын йӕ къахдзӕфтӕ аразы Йегъовӕ+.

10 Паддзахы дзыхӕй хъуамӕ цӕуа Хуыцауы уынаффӕ+ ӕмӕ тӕрхоны хъуамӕ мӕнг ныхас ма зӕгъа+.

11 Раст уӕзбарӕн ӕмӕ раст барӕн къустӕ сты Йегъовӕйӕ+, уымӕй сты, хызыны чи ис, уыцы барӕн дуртӕ дӕр+.

12 Паддзӕхтӕн фыдхъуыддӕгтӕ ӕнад сты+, уымӕн ӕмӕ паддзахбадӕн рӕстдзинады фӕрцы фӕлӕууы фидар+.

13 Раст ныхӕстӕ ӕхсызгон сты цытджын паддзахӕн+, ӕмӕ уый уарзы, чи нӕ сайы, уыцы адӕймаджы+.

14 Паддзах смӕсты, уӕд додой дӕ сӕр*+, фӕлӕ йын зондджын адӕймаг йӕ маст ӕрсабыр кӕны+.

15 Паддзахы цӕсгомы рухсы ис цард+, ӕмӕ йӕ хорзӕх у, уалдзыгон къӕвда чи ӕрбахӕссы, ахӕм мигъы хуызӕн+.

16 Сызгъӕрин самал кӕнынӕй зонд самал кӕнын бирӕ хуыздӕр у!+ Ӕвзисты бӕсты фӕлтау ӕмбаргӕдзинад самал кӕн+.

17 Рӕстзӕрдӕ адӕм сӕхи хизынц ӕвзӕрдзинады фӕндагӕй+. Йӕ фӕндагмӕ йӕ хъус лӕмбынӕг чи дары, уый хъахъхъӕны йӕ уд+.

18 Адӕймаг куы ссӕрбӕрзонд вӕййы, уӕд ӕрцӕуы йе сӕфт+, ӕмӕ куы схъал вӕййы, уӕд ӕрхауы+.

19 Йӕхи чи бӕрзонд кӕны, уыдонимӕ ӕфтиаг дих кӕныны бӕсты+ фӕлтау сӕрныллӕг у ӕмӕ сабыр адӕмимӕ цӕр+.

20 Хъуыддаг хорз чи ӕмбары, уый ссардзӕн хорздзинад+, ӕмӕ амондджын у, Йегъовӕйыл йӕ зӕрдӕ чи дары, уыцы адӕймаг+.

21 Зӕрдӕйӕ зондджын чи у, уый схондзысты ӕмбаргӕ адӕймаг+, ӕмӕ адджын ныхасы ис стырдӕр тых+.

22 Ӕмбаргӕдзинад йӕ хицауӕн у царды суадон+, ӕнӕзӕндты та бафхӕры* се ’нӕзонддзинад+.

23 Зондджын адӕймаджы зӕрдӕйӕ цӕуы ӕмбаргӕ ныхӕстӕ+ ӕмӕ йӕ ныхасы ис стырдӕр тых+.

24 Дзӕбӕх ныхӕстӕ сты фӕзгъӕр мыды хуызӕн+, удӕн – адджын, стджытӕн – ӕвдадзы хос+.

25 Вӕййы ахӕм фӕндаг, ӕмӕ адӕймагмӕ раст+ фӕкӕсы, фӕлӕ йӕ фӕстагмӕ ӕркӕны мӕлӕтмӕ+.

26 Чи фыдӕбон кӕны, уый йӕхи тыххӕй фыдӕбон кӕны+, уымӕн ӕмӕ йӕ хӕрын хъӕуы+.

27 Ницӕйаг адӕймаг скъахы ӕвзӕрдзинад+, ӕмӕ йе ’взагыл судзы пиллон арт+.

28 Фыдвӕндтӕ чи кӕны, уый адӕмы кӕрӕдзи ныхмӕ скӕны+, фыдкойгӕнӕг хорз ӕмбӕлтты фӕхицӕн кӕны+.

29 Фыдлӕг иннӕйы дӕр фӕрӕдийын кӕндзӕн+ ӕмӕ йӕ ӕвзӕр фӕндагыл бафтаудзӕн+. 30 Йӕ цӕст ӕрныкъулы, фыдвӕндтӕ кӕны+. Йӕ былтӕ нылхъывта – хъуамӕ йӕ фыдвӕнд кӕронмӕ ахӕццӕ кӕна.

31 Адӕймагӕн йӕ урс сӕр у рӕсугъд кадыхуд+, рӕстдзинады фӕндагыл куы уа, уӕд+.

32 Йӕ маст уромын чи зоны, уый тыхджын адӕймагӕй хуыздӕр у+, ӕмӕ йӕхиуыл хӕцын чи зоны, уый хуыздӕр у, горӕт чи басӕтты, уымӕй+.

33 Хӕлттӕ ныппарынц дарӕсы фӕдджийы+, фӕлӕ цы уынаффӕ рахӕссынц, уый алкӕддӕр вӕййы Йегъовӕйӕ+.