Ромӕгтӕм

1 Фыссы уӕм Павел, Йесо Чырыстийы цагъар+, Хуыцау кӕй ӕрхуыдта+, цӕмӕй уа апостол+ ӕмӕ Хуыцауы хорз хабар хъусын кӕнынӕн ӕвзӕрст чи у, уый+. 2 Уыцы хорз хабары тыххӕй йӕ пехуымпарты+ уылты бирӕ раздӕр загъта Сыгъдӕг Фыстады. 3 Хорз хабар та у йӕ Фырты тыххӕй. Уый туг ӕмӕ стӕгӕй+ уыди Давиды+ байзӕддаг, 4 фӕлӕ Хуыцауы сыгъдӕг тыхы*+ хъаруйы+ фӕрцы раргом, Хуыцауы Фырт+ кӕй у, уый, мӕрдтӕй куы райгас+, уӕд – о, уый у нӕ Хицау, Йесо Чырысти, 5 ӕмӕ ӕз уый фӕрцы схайджын дӕн Хуыцауы стыр хорзӕхӕй+ ӕмӕ сдӕн апостол+, цӕмӕй йыл ӕппӕт адӕмтӕ+ дӕр баууӕндой ӕмӕ йын коммӕгӕс уой, ӕмӕ йын афтӕмӕй йӕ ном кадджын кӕной. 6 Уыцы адӕмты ’хсӕн стут сымах дӕр ӕмӕ Хуыцау сымах дӕр ӕрхуыдта, цӕмӕй Йесо Чырыстийы уат. 7 Фыссын, Ромы чи ис, Хуыцау кӕй бауарзта ӕмӕ кӕй ӕрхуыдта+, цӕмӕй сыгъдӕджытӕ+ уой, уыдонмӕ.

Нӕ Фыд Хуыцауы ӕмӕ нӕ Хицау Йесо Чырыстийы+ стыр хорзӕх ӕмӕ фарнӕй+ хайджын ут.

8 Фыццаджыдӕр мӕ уый зӕгъын фӕнды, ӕмӕ ӕз уе ’ппӕты тыххӕй дӕр Йесо Чырыстийы уылты мӕ Хуыцауӕн арфӕ кӕнын+, уымӕн ӕмӕ уӕ уырнындзинады кой кӕнынц+ ӕгас дунейы дӕр. 9 Йӕ Фырты тыххӕй хорз хабар ӕппӕт удӕй хъусын кӕнгӕйӕ кӕмӕн лӕггад кӕнын, уыцы Хуыцау мын ӕвдисӕн+, ӕдзухдӕр сымах тыххӕй кӕй фӕкувын+. 10 Лӕгъстӕ йын фӕкӕнын, кӕд йӕ фӕндон+ у, уӕд мын цӕмӕй бантыса сымахмӕ ӕрцӕуын, 11 уымӕн ӕмӕ тынг бӕллын уӕ фенынмӕ+, цӕмӕй уын бахай кӕнон, Хуыцауӕй чи цӕуы, уыцы хорздзинӕдтӕй+, ӕмӕ сфидар уат. 12 Уӕвгӕ, растдӕр уаид зӕгъын, цӕмӕй кӕрӕдзийы уырнындзинадӕй+ бафидар уӕм+ – ӕз сымах уырнындзинадӕй, сымах та мӕн уырнындзинадӕй.

13 Фӕлӕ мӕ нӕ фӕнды, ме ’фсымӕртӕ+, сымахӕй уый басусӕг кӕнын, бирӕ хӕттыты уӕм кӕй фӕнд кодтон ӕрцӕуын+,– фӕлӕ мын абоны онг дӕр ис къуылымпытӕ,– цӕмӕй мын сымахмӕ дӕр исты бантыса*+, иннӕ адӕмтӕм мын куыд бантыст, афтӕ. 14 Грекъӕгтӕй дӕр ӕмӕ, грекъаг чи нӕу, уыдонӕй дӕр, зондджынтӕй+ дӕр ӕмӕ ӕнӕмбаргӕтӕй дӕр ӕз хӕсджын дӕн. 15 Гъемӕ мӕ зӕрдиагӕй фӕнды хорз хабар+ сымахмӕ, Ромы+ дӕр, фехъусын кӕнын. 16 Ӕз хорз хабар хъусын кӕнынӕй ӕфсӕрмы нӕ кӕнын+, уымӕн ӕмӕ уый фӕрцы Хуыцау ӕвдисы йӕ тых+ ӕмӕ ирвӕзын кӕны, уырнындзинад+ кӕмӕ ис, уыдонӕй алкӕй дӕр – фыццаг дзуттаджы+, ӕмӕ стӕй грекъаджы+ дӕр, 17 уымӕн ӕмӕ, уырнындзинад+ кӕмӕ ис, уыдон уынынц, Хуыцау йӕ рӕстдзинад+ хорз хабары фӕрцы кӕй раргом кодта, ӕмӕ уымӕй сӕ уырнындзинад кӕны ноджы фидардӕр. Фыст дӕр афтӕ у: «Рӕстгӕнӕг та цӕрдзӕн йӕ уырнындзинады фӕрцы»+.

18 Хуыцау уӕларвӕй йӕ маст калы*+, рӕстдзинад*+ ӕнӕфсармӕй чи ссӕнды+, уыцы адӕмы ӕппӕт ӕнӕхуыцау митӕ ӕмӕ хӕрам хъуыддӕгтыл+, 19 уымӕн ӕмӕ Хуыцауы тыххӕй зонӕн цы уыди, уый сын ӕргом у+ – Хуыцау сын ӕй раргом кодта+. 20 Цӕстӕй фенӕн кӕй нӕй+, йӕ уыцы миниуджытӕ – йе ’нусон тых+ ӕмӕ, Хуыцау кӕй у, уый+ – дуне куы сфӕлдыста, уӕдӕй нырмӕ ирдӕй зынынц+, уымӕн ӕмӕ бӕрӕг сты йе сконд хъуыддӕгты+. Уӕдӕ уыдон сӕхи ницӕмӕй сраст кӕндзысты+. 21 Кӕд Хуыцауы зыдтой, уӕддӕр ӕм цы кад ӕмбӕлы, уыцы кад ын не скодтой ӕмӕ дзы бузныг нӕ уыдысты+, фӕлӕ ницӕйаг хъуыдытыл бафтыдысты+ ӕмӕ се ’нӕмбаргӕ зӕрдӕтӕ нытталынг сты+. 22 Сӕхи зондджын хонынц, афтӕмӕй та систы ӕнӕзонд+, 23 ӕмӕ ӕнӕмӕлгӕ Хуыцауы кад+ баивтой ӕмӕ табу кӕнын райдыдтой, мӕлӕты бар кӕуыл цӕуы, уыцы адӕймаджы нывтӕн+, стӕй мӕргъты, цыппӕркъахыг цӕрӕгойты ӕмӕ хилджыты нывтӕн+.

24 Уымӕ гӕсгӕ сӕ Хуыцау дӕр сӕ зӕрдӕйы фӕндтӕм гӕсгӕ сӕхи бар ныууагъта, цӕмӕй чъизи хъуыддӕгтӕ кӕной+ ӕмӕ сӕ буӕрттӕй+ хынджылӕггаг аразой+. 25 Ахӕм адӕм Хуыцауы рӕстдзинады*+ бӕсты равзӕрстой мӕнгдзинад+ ӕмӕ табу кӕнынц ӕмӕ кувынц, цы сфӕлдыста, уыдӕттӕн, Сфӕлдисӕгӕн нӕ, фӕлӕ, табу йын уӕд ӕнустӕм. Аммен. 26 Гъемӕ сӕ Хуыцау дӕр бакодта ӕлгъаг монцты бар+: сӕ сылгоймӕгтӕ ныууагътой, ӕрдзӕй сын лӕвӕрд цы у, уый – нӕлгоймагимӕ цӕрыны ӕгъдау, ӕмӕ амӕй-ай хӕлддӕр митыл* бафтыдысты+. 27 Афтӕ нӕлгоймӕгтӕ дӕр ныууагътой, ӕрдзӕй сын лӕвӕрд цы у, уый – сылгоймагимӕ цӕрыны ӕгъдау+, ӕмӕ кӕрӕдзимӕ монцӕй судзынц – нӕлгоймаг нӕлгоймагмӕ+, ӕмӕ кӕнынц алы хӕлд митӕ+, ӕмӕ сӕм сӕ тӕригъӕдты тыххӕй цы ’мбӕлы+, сӕ сӕр уый баййафы+.

28 Хуыцау чи у, уый сӕ бӕлвырдӕй базонын кӕй нӕ бафӕндыд+, уымӕ гӕсгӕ сӕ Хуыцау дӕр ныууагъта ӕнаккаг зонды бар+, цӕмӕй, цы не ’мбӕлы, уыдӕттӕ кӕной+. 29 Уыдта, кӕй сты хӕрам+ ӕмӕ ӕнӕхуыцау+, зыд*+, фыдзӕрдӕ+, хӕлӕггӕнаг+, лӕгмартӕ+, загъдуарзаг+, сайынц+, сты фыдзонд+, иннӕты кой кӕнынц+, 30 иннӕтыл цъыф калынц+, Хуыцауӕй уынынц се сӕфт, сты налат+, сӕрбӕрзонд+, хиппӕлой+, фыдбылыз ӕрымысынмӕ дӕсны+, ныййарджыты коммӕ нӕ кӕсынц+, 31 ӕмбаргӕдзинад сӕм нӕй+, сӕ ныхасӕн хицау не сты+, сӕ бинонты ’хсӕн уарзондзинад нӕй+, тӕригъӕд никӕмӕн зонынц+. 32 Кӕд тынг хорз зонынц Хуыцауы раст тӕрхон+, ахӕм митӕ чи кӕны, уыдон мӕлӕты аккаг сты+, зӕгъгӕ, уӕддӕр канд сӕхӕдӕг нӕ кӕнынц уыдӕттӕ, фӕлӕ ма, иннӕтӕ афтӕ кӕй кӕнынц, уый дӕр сӕм хорз кӕсы+.