Ӕмбисӕндтӕ

2 Мӕ хъӕбул, мӕ ныхӕстӕ мын дӕ зӕрдӕмӕ куы айсай+ ӕмӕ мын мӕ фӕдзӕхстытӕ дӕ зӕрдӕйы хӕзнайау куы ’вӕрай+, 2 зонд цы дзуры, уымӕ куы хъусай+ ӕмӕ дӕ зӕрдӕ, арфуынӕг уай, уымӕ куы саразай+, 3 ӕмбарындзинад куы курай+ ӕмӕ арфуынындзинадмӕ куы сидай+, 4 ӕвзистау+ ӕмӕ сӕ ӕмбӕхст хӕзнатау куы агурай+, 5 уӕд бамбардзынӕ, цы у Йегъовӕйӕ тӕрсын+ ӕмӕ ссардзынӕ Хуыцауы тыххӕй зонындзинӕдтӕ+, 6 уымӕн ӕмӕ зонд дӕтты Йегъовӕ+, уымӕй цӕуынц зонындзинӕдтӕ ӕмӕ арфуынындзинад+. 7 Уымӕ рӕстзӕрдӕ адӕмӕн ӕвӕрд уыдзӕн куырыхон зонд+. Рӕстӕй чи цӕры*, уыдонӕн у сӕ уарт+, 8 уымӕн ӕмӕ уый йӕ цӕст дары рӕстдзинады фӕндӕгтӕм+, ӕмӕ йыл иузӕрдион чи у, уыдонӕн сӕ фӕндаг хъахъхъӕндзӕн+. 9 Уӕд бамбардзынӕ, цы нысан кӕны, раст, ӕнӕхӕрам ӕмӕ рӕстзӕрдӕ уай, уый – хорз цы у, уый ӕгасӕй дӕр+.

10 Зонд дӕ зӕрдӕйы бынат куы скӕна+ ӕмӕ зонындзинӕдтӕ дӕ удӕн ӕхсызгон куы суой+, 11 уӕд сахуыр уыдзынӕ хъуыды кӕнын ӕмӕ дӕ уый хъахъхъӕндзӕн+, арфуынындзинад уыдзӕн дӕ хъахъхъӕнӕг+, 12 ӕмӕ дӕ бахиздзысты ӕвзӕр фӕндагӕй+, хӕлд ныхӕстӕ чи кӕны, ахӕм адӕймагӕй+, 13 раст фӕндӕгтӕ чи ныууадзы ӕмӕ талынг фӕндӕгтыл чи ацӕуы, уыдонӕй+, 14 ӕвзӕрдзинад аразын ӕхсызгон кӕмӕн у+ ӕмӕ ӕвзӕр, хӕлд митӕ чи уарзы, уыцы адӕмӕй+, 15 зылын фӕндӕгтыл чи цӕуы ӕмӕ алы хъуыддаджы дӕр хин ӕмӕ кӕлӕн чи у, уыдонӕй+. 16 Хъахъхъӕндзысты дӕ хӕлд* сылгоймагӕй+, рӕсугъд ныхӕстӕй чи сайы, уыцы сылгоймагӕй*+, 17 йӕ цардӕмбалы, йе ’рыгон бонтӕ кӕимӕ арвыста, уый чи ныууагъта+ ӕмӕ йӕ Хуыцауы бадзырд чи ферох кодта, уымӕй+. 18 Йӕ хӕдзарӕй адӕймаг цӕуы мӕлӕтмӕ, йӕ фӕндӕгтӕ кӕнынц мӕрдтӕм+. 19 Йемӕ чи фӕлымӕн уа, уыдонӕй иу дӕр фӕстӕмӕ нал раздӕхдзӕн ӕмӕ удӕгӕсты фӕндӕгтыл нал ӕрлӕудзӕн+.

20 Уӕдӕ цу хорз адӕмы фӕндагыл+ ӕмӕ рӕстгӕнджыты фӕндагӕй ма ахиз+, 21 уымӕн ӕмӕ зӕххыл цӕрдзысты рӕстзӕрдӕ адӕм+, баззайдзысты йыл, ӕнӕфау чи у, уыдон+. 22 Фыдгӕнджытӕ та зӕххӕй фесӕфдзысты+, мӕнгард адӕмӕй йыл иу дӕр нал баззайдзӕн+.