Ӕмбисӕндтӕ

18 Йӕхи иннӕтӕй дард чи ласа, уый схивӕнд уыдзӕн+. Ахӕм адӕймаг цӕудзӕн ӕппӕт куырыхон зонды ныхмӕ+.

2 Ӕнӕзонд адӕймаг арф хъуыды кӕнын нӕ уарзы+, фӕфӕнды йӕ, йӕхи зӕрдӕйы цы ис, ӕрмӕст уый дзурын+.

3 Фыдгӕнӕг ӕрбацыд – ницӕмӕ йӕ дардзысты+, ӕмӕ ӕгаддзинад+ кӕм ис, уым ис худинаг дӕр.

4 Адӕймаджы дзыхӕй чи цӕуы, уыцы ныхӕстӕ – арф дӕттӕ+. Зонды суадон – гуылфгӕнгӕ цӕугӕдон+.

5 Фыдгӕнӕгӕн хатыр кӕнын* хорз куыд нӕу+, афтӕ хорз нӕу, рӕстгӕнӕджы хъуыддаг рӕстӕй куы нӕ равзарай, уый дӕр+.

6 Ӕнӕзонды ’взаг йӕхи хылы фӕтъыссы+, ӕмӕ йӕ дзыхы тыххӕй над дӕр баййафы+.

7 Ӕнӕзондӕн йе ’взаг йӕ сафӕг у+, йӕ дзых йӕ удӕн у къӕппӕг+.

8 Фыдкойгӕнӕджы ныхӕстӕ сты, адӕймаг зыдӕй кӕй аныхъуыры, ахӕм хӕринӕгты хуызӕн+ – суанг хуылфмӕ ацӕуынц+.

9 Зивӕггӕнаг кусӕг+ – абырӕджы ’фсымӕр+.

10 Йегъовӕйы ном у фидар мӕсыг+. Рӕстгӕнӕг уырдӕм балидзы ӕмӕ йын тӕссаг ницӕмӕйуал вӕййы+.

11 Хъӕздыгӕн йӕ хъӕздыгдзинӕдтӕ сты йӕ фидар горӕт+, афтӕ йӕм кӕсы, ӕмӕ йӕ фидар къулау хъахъхъӕнынц+.

12 Адӕймаджы зӕрдӕ куы схъал вӕййы, уӕд ӕрцӕуы йе сӕфт+, сӕрныллӕгдзинад та цӕуы кады разӕй+.

13 Адӕймагмӕ куы нӕ байхъусай, афтӕмӕй дзуапп куы раттай+, уӕд уый у ӕнӕзонд ми ӕмӕ худинаг+.

14 Адӕймаг зӕрдӕйӕ фидар куы уа, уӕд низӕн бабыхсдзӕн+. Фӕлӕ зӕрдӕсаст куы уа, уӕд чи бафӕраздзӕн?+

15 Ӕмбаргӕ адӕймаджы зӕрдӕ самал кӕны зонындзинӕдтӕ+, ӕмӕ зондджыны хъус дӕр зонындзинӕдтӕ агуры+.

16 Лӕвары фӕрцы адӕймагӕн байгом вӕййы уӕрӕх дуар+, ӕмӕ уый фӕрцы хицӕуттӕм дӕр бацӕуы+.

17 Тӕрхоны фыццаг чи райдайы дзурын, уый раст вӕййы+, цалынмӕ иннӕ не ’рбацӕуы ӕмӕ не сбӕлвырд кӕны, хъуыддаг ӕцӕгдӕр афтӕ у ӕви нӕ+.

18 Хӕлттӕ куы сӕппарынц, уӕд быцӕу ууыл фӕвӕййы+ ӕмӕ тыхджынтӕ дӕр ӕнӕхъӕлӕбайӕ ахицӕн вӕййынц+.

19 Йӕ зӕрдӕ кӕмӕн скъахынц, уыцы ’фсымӕр фидар горӕтӕй зындӕр басӕттӕн вӕййы+, ӕмӕ быцӕутӕ хатт вӕййынц мӕсыджы дуарӕхгӕнӕн хъӕды хуызӕн+.

20 Адӕймаг бафсӕддзӕн йӕ дзыхы дыргъӕй+, бафсӕддзӕн йӕ дзыхы ныхасы тыллӕгӕй+.

21 Мӕлӕт дӕр ӕмӕ цард дӕр ӕвзаджы къухы сты+, ӕмӕ йӕ чи уарзы, уый йын хӕрдзӕн йӕ дыргъӕй+.

22 Хорз ус ссардтай?+ Уӕд ссардтай стыр хорздзинад+ ӕмӕ хайджын дӕ Йегъовӕйы хорзӕхӕй+.

23 Мӕгуыр лӕгъстӕ фӕкӕны+, хъӕздыг та дзуапп фӕдӕтты тызмӕгӕй+.

24 Ис ахӕм лымӕнтӕ, ӕмӕ цӕттӕ вӕййынц кӕрӕдзи аскъуыдтӕ кӕнынмӕ дӕр+. Фӕлӕ вӕййы ахӕм ӕмбал, ӕмӕ вӕййы ӕфсымӕрӕй ӕнувыддӕр+.